Ma꞉tiyu 4:7 - Kamula

⁷ Amasiyama Yesuta epo atlaiyo, “God yu bukata ma epo atlapo, ‘Wa꞉ Lod wa꞉ Godta itiyamale natilowedeme ya꞉ye elemala natimiya,’” diyo.

Ma꞉tiyu 4:7 Iomraidhean Croise

Ekesedes 17:2

Epalati yia꞉tapo yú yilo Moses yu balemyemama epo atlamyaiyo, “Wa꞉ di yú hamine,” demyaiyo. Epapalati asiyama Mosestapo yia꞉ watle epo atlaiyo, “Wua꞉ adipalati na꞉ dla yu balemha꞉ha꞉mama Godta itiyamale dla pomikadepe dlalo ha꞉ha꞉ma꞉?” diyo.

Ekesedes 17:7

Epame mo eye semama Masa epo Meliba diyo. Adipalati, Isalael sotapo Moses yu balemyemama epo atlamyaiyo, “Godye ikadepe dia꞉ mate halema꞉?” demyaiyo.

Ma꞉tiyu 21:16

Epame ma yia꞉ta Yesu watle epo atlaiyo, “Wa꞉ yimlalata atlamya kokoye me-dalema꞉?” diyo. Epalati asiyama Yesuta yia꞉ watle epo atlaiyo, “Yao, me-dalema. Amasiyama wua꞉ God yu bukata atla kokoye ala posesa꞉lalo ha꞉ha꞉ma꞉? Adipalati, God yu bukata epo atlapo, ‘Godtapo yimlala mate epo owayimlala mateta ya꞉ hi di dla ta꞉dlowe kokoye me-imuwapo,’ depo.”

Ma꞉tiyu 21:42

Epalati Yesuta yia꞉ watle epo atlaiyo, “Wua꞉ God yu bukata atlama kokoye posesa꞉lalo wekemdi? Adipalati, edla ipo atlapo, ‘Aya halalo sota alumiti allimama alumiti hamastaletapo ma wata aya duka dla molopa kestale some halapo. Epedeme koko iye Lodta hauwapo. Epalati dita koko i natipo yiyelemama sikemte ka꞉dena depo.’

Ma꞉tiyu 4:10

Epalati Yesuta ya꞉ watle epo atlaiyo, “Saiten, wa꞉ na꞉ tle alikili a꞉ma tane. Adipalati, God yu bukata epo atlapo, ‘Wa꞉ hatlo Lod wa꞉ God dla heodepo siyele ta꞉demama ya꞉ yu dla salladepo sela꞉ne.’”

Ma꞉tiyu 4:4

Amasiyama Yesuta epo atlaiyo, “God yu bukata epo atlapo, ‘Oplamitapo daya siyapo tlo demhalemama pasakalo pohallowa. Amasiyama ya꞉ God yu tlo daya some demhalemama pasakalo hallepe,’” diyo.

Ka꞉dle molo atlale yu Lukta ilimale 4:12

Asiyama Yesuta epo atlaiyo, “God yu bukata ma epo atlapo, ‘Wa꞉ Lod wa꞉ Godta itiyamale natilowedeme ya꞉ye elemala natimiya,’” diyo.

Taiya dle so 15:10

Epedeme wua꞉ God elemala natimiya. Epame po-Yu so mikadepe dle soye Mosesta aiyalma hatitimale dolumelepo depame ha꞉ha꞉limiya. Wua꞉ta epapelepiye, wua꞉ta yia꞉ watle upiyele alisisi epapele some goludemama apelepe. Adipalati, dia꞉ mate epo di mamadulo mate woloma upiyele alisisi eye pohampuana.

Taiya dle so 5:9

Amasiyama Pitata epo atlaiyo, “Adipalati wua꞉ta madipatata God ya꞉ Hela꞉dle Soko dla elemala natilowedeme solotamale himi? Wa꞉ natine, kiptalo wa꞉wolali hamatili soye kokoloma dla ha꞉ha꞉po. Ma hatlo yia꞉tapo wa꞉ta polati hamatilipe,” diyo.

1 Kolin 10:9

Epame wua꞉ mape Kelisoye elemala natimiya. Adipalati, yia꞉ta epapalati yia꞉ye ilamata yiyelemama palimpuwapo.

Hibulu 3:9

Epedeme wua꞉ mamadulotapo 40 sokomoko dalupa dulu dla siyamama na꞉ta yia꞉ watle koko patoto halomduwaye me-natimduwapo. Epapele tlope yia꞉ na꞉ yu dallowe allimama na꞉ dla siyaladle hapimduwapo.