Ma꞉tiyu 4:4 - Kamula

⁴ Amasiyama Yesuta epo atlaiyo, “God yu bukata epo atlapo, ‘Oplamitapo daya siyapo tlo demhalemama pasakalo pohallowa. Amasiyama ya꞉ God yu tlo daya some demhalemama pasakalo hallepe,’” diyo.

Ma꞉tiyu 4:4 Iomraidhean Croise

Ekesedes 16:15

Epapele dulu dla Isalael sota koko i natipame apa alisisita꞉ depo momalamyaiyo. Epalati Mosestapo yia꞉ watle epo atlaiyo, “Eye Godta daya hamimama apopo.

Ekesedes 16:35

Epapele dulu dla Isalael sotapo 40 sokomoko dulu dla isikimi mena daya tlo dlomsiyamama yia꞉ta ha꞉ha꞉lowe mo Keinan dla puame woyamama medla gudiyo.

Ma꞉tiyu 15:11

Epedeme wua꞉ natiya, oplamitapo dlowe alisisi demdeta ya꞉ dupa duluye pobatalimasemde. Amasiyama oplami ya꞉ dupa dulu tle malamale woyamdeta ya꞉ dupa duluye batalimdepo,” diyo.

Ma꞉tiyu 4:10

Epalati Yesuta ya꞉ watle epo atlaiyo, “Saiten, wa꞉ na꞉ tle alikili a꞉ma tane. Adipalati, God yu bukata epo atlapo, ‘Wa꞉ hatlo Lod wa꞉ God dla heodepo siyele ta꞉demama ya꞉ yu dla salladepo sela꞉ne.’”

Ma꞉tiyu 4:7

Amasiyama Yesuta epo atlaiyo, “God yu bukata ma epo atlapo, ‘Wa꞉ Lod wa꞉ Godta itiyamale natilowedeme ya꞉ye elemala natimiya,’” diyo.

Maka 7:20

Yesu ma epo atlaiyo, “Oplami dupa dulu tle batalimale koko woyamdeta ya꞉ye batalimdepo.

Ka꞉dle molo atlale yu Lukta ilimale 4:12

Asiyama Yesuta epo atlaiyo, “God yu bukata ma epo atlapo, ‘Wa꞉ Lod wa꞉ Godta itiyamale natilowedeme ya꞉ye elemala natimiya,’” diyo.

Ka꞉dle molo atlale yu Lukta ilimale 4:4

Amasiyama Yesuta epo atlaiyo, “God yu bukata epo atlapo, ‘Oplamitapo daya siyapo tlo demhalemama pasakalo pohallowa,’” diyo.

Ka꞉dle molo atlale yu Lukta ilimale 4:8

Epalati Yesuta asiyama Saiten watle epo atlaiyo, “God yu bukata epo atlapo, ‘Wa꞉ hatlo Lod wa꞉ God dla heodepo siyele ta꞉demama ya꞉ yu dla salladepo sela꞉ne.’”

Ka꞉dle molo atlale yu Yonta ilimale 15:26

Epedeme na꞉tapo wua꞉ gadlalo Hela꞉dle Sokoye wua꞉ watle hamilowepo. Hela꞉dle Soko etapo A tle malame wua꞉ watle ikadepe kokoye imelepe. Epame Hela꞉dle Soko etapo na꞉ kokoye botomastlepe.

Ka꞉dle molo atlale yu Yonta ilimale 6:63

Epedeme Sokotapo pasakalo hapimhalapo. Amasiyama mota solotamale kokotapo pasakalo pohapimhalasema. Epapedeme na꞉ta wua꞉ watle atlamale yu dulu hema Soko mate pasakalo mate elapo.”

Loum 15:4

Epedeme koko hapulomaye God yu buka dla mo-powataliya hatitimuwapo, di imhalemama di gadlalo hallepo depame. Epapele koko tle di sadle mate ha꞉ha꞉mama Godtapo di watle pasakalo hamilowe dla dalemha꞉ha꞉mama omha꞉ha꞉lowepo.

Epeses 6:17

Epame pasakalo gadlowe kokoye etimi some didiyeiya. Epame Hela꞉dle Sokota wua꞉ dla hapili aipa꞉yaye wua꞉ do mate halopo ha꞉ha꞉iya. Adipalati, aipa꞉ya iye God yupo.