Ma꞉tiyu 4:2 - Kamula

² Ya꞉ 40 alila mate utula꞉la mate daya dimi sela꞉le oloma dla ma daya ta꞉le patota ya꞉ dla puaiyo.

Ma꞉tiyu 4:2 Iomraidhean Croise

Ekesedes 34:28

Mosestapo tamali di dla 40 alila mate epo utula꞉la mate dulu dla God mate halemama daya mate epo yú mate podlalo halaiyo. Epame Godta ewala dapiyamte dla aiyalma koko 10ye hatitimaiyo.

Ma꞉tiyu 21:18

Utulalati Yesu ma Yelusalem dla ilame tamama daya ta꞉iyo.

Ma꞉tiyu 25:35

Adipalati, na꞉ta daya ta꞉mpollati wua꞉tapo daya hapimduwapo. Epo na꞉ta yú ta꞉mpollati wua꞉tapo yú imduwapo. Epame na꞉ asepe oplami some pulati wua꞉tapo na꞉ye wua꞉ aya dla seme hetamduwapo.

Ma꞉tiyu 25:42

Adipalati, na꞉ daya ta꞉mpollati wua꞉tapo na꞉ye daya po-imdena. Epame yú ta꞉mpollati yú po-imdena.

Maka 11:12

Yesu Betani dla elepo ma Yelusalem dla pumama daya ta꞉iyo.

Ka꞉dle molo atlale yu Lukta ilimale 4:2

Ya꞉ 40 alila dalupa dulu dla hallati Saitentapo ya꞉ye elemala natimhalemdiyo. Ya꞉ alila dulu edla sela꞉mama daya dimi halaiyo. Epo 40 alila eta tame gudlati ya꞉ dla daya ta꞉leta puaiyo.

Ka꞉dle molo atlale yu Yonta ilimale 4:6

Epapeleye Yokobta yú kolomaleye edla ala me-polaiyo. Epapele dulu dla Yesu ya꞉ mo selemalli pualeta sukalemama hopeyamalati yú kolomale mateka꞉pi edla hedepo polaiyo. Oloma eye sali mo-dukuslopi dla hallati apiyo.