Ma꞉tiyu 4:12 - Kamula

¹² Yesutapo Yon opa yú dla ka꞉ka꞉timalalo oplamiye amtuwale aya dla ka꞉stale dalepame ma Ga꞉lili dla ilamtaiyo.

Ma꞉tiyu 4:12 Iomraidhean Croise

Ma꞉tiyu 11:2

Yon opa yú dla ka꞉ka꞉timalalo oplamitapo amtuwale aya dulu dla halemama Kelisota koko halomsela꞉le dalepame ya꞉ alotle tlalo so opa opi watle Yesu hala dla taiya diyo.

Maka 1:14

Yu so dokopala oplami Helodta Yon amtuwale aya dla ka꞉stale alotle Yesu Ga꞉lili mo pato dla tame God tle puale ka꞉dle yuye epo atlamsela꞉iyo,

Maka 6:17

Alila haleta Helodta ya꞉ ei Pilipi ya꞉llu Helodiyasye kolahalati Yon opa yú dla ka꞉ka꞉timalalota ya꞉ye sikemte golemama epo atlemdiyo, “Wa꞉ta wa꞉ ei ya꞉llu kolahaleye, koko e poka꞉dena,” demdiyo. Epalati Helodiyasta siyaladepame tame Helod watle Yon amtuwale aya dulu dla ka꞉stlepo depame atlaiyo. Epalati Helodta ya꞉ opaye taiya dlati yia꞉tapo tame Yon hampame amtuwale aya dulu dla ka꞉staiyo. Amasiyama Helodiyasta Yon sikemte alimama ya꞉ yumuluwe solotamaiyo. Epele tlope Helodta Yon yumuluwe wota꞉mama ya꞉ye woloma omhalaiyo. Adipalati, Helod ya꞉ malamaiyo, Yonye ka꞉dle oplamipo. Epedeme Helodta Yonta God yu atlemhallati dalepame haloweye malamale tatlamdiyo. Epele tlope ya꞉ Yon yuye me-dallowe solotamdiyo.

Ka꞉dle molo atlale yu Lukta ilimale 23:5

Amasiyama yia꞉ koko eye memellowe allimama yu itiyamale mate epo atlamyaiyo, “Opata Loum gamani so dla siyalasiyaladlepo depame ya꞉tapo Yudiya mo pato dulu dla opa watle yiyilamale kokoye imsela꞉mduwapo. Ya꞉ koko iye Ga꞉lili mo tle kotiyapame ma hema puame ammsela꞉po,” demyaiyo.

Ka꞉dle molo atlale yu Lukta ilimale 3:20

Epalati alotle Helodta siyaladepame ya꞉ batalimale pato hale hamama Yonye amtuwale aya dla ka꞉staiyo.

Ka꞉dle molo atlale yu Lukta ilimale 4:14

Yesuye Hela꞉dle Sokota pasatapame itiyamale mate ma Ga꞉lili dla ilame taiyo. Epame ya꞉tapo Yu so inoma sumalalo aya hapuloma dla imsela꞉lati opata ya꞉ dla sisiyemdiyo. Epalati Ga꞉lili mo pato dulu dla opa hapulomata Yesu koko dlalemtaiyo.

Ka꞉dle molo atlale yu Lukta ilimale 4:31

Epame Yesu matle Ga꞉lili mo dulu dla mo hale Kapaniyem mo dla taiyo. Ya꞉ edla tame halemama inoma sumalalo alila haleta yia꞉ta inoma sumalalo aya dla hetame God yuye imhalaiyo.

Ka꞉dle molo atlale yu Yonta ilimale 1:43

Epame ma alila haleta Yesu ya꞉ solotamaiyo, ma Ga꞉lili dla tlowedeme. Epapele oloma dla ya꞉ oplami hale Pilipi umpame ya꞉ watle epo atlaiyo, “Wa꞉ na꞉ dolumpuane,” diyo.

Ka꞉dle molo atlale yu Yonta ilimale 2:11

Epedeme Ga꞉lili mo pato dulu dla Ka꞉na mo yemala dla Yesutapo ka꞉yapa itapu ulugiyemale koko nati-imama ya꞉ta hela꞉dle mate nati-iyo. Epalati ya꞉ alotle tlalo sotapo koko e natipame ya꞉ dla mikadepe diyo.

Ka꞉dle molo atlale yu Yonta ilimale 4:43

Epapele dulu dla Yesutapo Samaliya sota mikadepe dle koko natipame ya꞉skamu epo atlaiyo, “God tle yu hapame molo atlalo oplamiye ya꞉ mo so ikadepeta allipe,” diyo. Yesu alila dapiyamte Samaliya dla halepo gudepame ma Ga꞉lili mo dla taiyo.

Ka꞉dle molo atlale yu Yonta ilimale 4:54

Epapedeme Yesutapo Yudiya mo tle ma Ga꞉lili mo dla puame ulugiyemale koko halëye ita ma dapiyamte diyo.