Ma꞉tiyu 26:52 - Kamula

⁵² Epalati Yesuta ya꞉ watle epo atlaiyo, “Wa꞉ aipa꞉ya alikili dla himine. Adipalati, yimkadulo potimolowedeme aipa꞉ya halopo siyamalalo soye yia꞉ ma aipa꞉ya tama dla pallipe.

Ma꞉tiyu 26:52 Iomraidhean Croise

Yeneses 9:6

Epedeme oplami antapo ya꞉mkale omaliye olostlepiye, ya꞉ ma asiyama ya꞉ omaliye olostlepe. Adipalati, Godtapo oplamiye me-ya꞉ mila꞉pi sepele mita꞉puwapo.

Ma꞉tiyu 5:39

Amasiyama na꞉ koko edla ma ipo atlema, wa꞉ oplami haleta wa꞉ dla batalimale koko adipapele halepiye, wa꞉ asiyama epapele kokoye ya꞉ watle ponati-iliwa. Epedeme oplami haletapo wa꞉ damta dla heyulupiye, ka꞉dena, ma damta seme dla heyulupo depame ya꞉ dla haiyeloweye.

Loum 12:19

Epapedeme mikadepe dle so namkadulo, opa opitapo wua꞉ dla batalimale halati asiyama batalimale mepapele mate yia꞉ watle hamimiya. Amasiyama God watle pomeliya. Adipalati, “Lodta epo atlema, ‘Na꞉tapo opa dla yia꞉ batalimale asiyama hamilalo halapo.’”

1 Tesalonika 5:15

Epamha꞉ha꞉le dulu dla oplami haleta wua꞉ watle batalimale koko hale halepiye, wua꞉ asiyama ya꞉ watle wotiyalle pohamilowa. Amasiyama sadle mate ka꞉ka꞉dle koko tlo wua꞉ dulu dla epo opa hapuloma dulu dla halomha꞉ha꞉iya.

1 Pita 3:9

Epame wua꞉ amkadulota wua꞉ watle batalimale koko halati asiyama batalimale koko mate yia꞉ watle hademha꞉ha꞉miya. Epame yia꞉tapo wua꞉ watle putlopo atlati wua꞉ mape asiyama yia꞉ watle putlomale yu mate atlamha꞉ha꞉miya. Amasiyama wua꞉ yia꞉ watle asiyama isikimi ka꞉ka꞉dle koko tlo nati-imha꞉ha꞉iya. Adipalati, wua꞉ta ipapele koko tlo halomha꞉ha꞉lepo depame Godta wua꞉ye sisilamuwapo. Epedeme ya꞉tapo wua꞉ watle asiyama hapilipe.

Bobotimatimale 13:10

Opa anawoloye amtuwale aya dla hohopo telepe dle hallepiye, yia꞉ye mepo amtuwale aya dla hohopo telepe. Epame opa anawoloye aipa꞉ya mate potimelepe dle hallepiye, yia꞉ye mepo aipa꞉ya mate potimelepe. Ipapele koko natimama God ya꞉ opatapo mikadepe dle dulu dla woloma kokalepo ha꞉ha꞉lowe ka꞉pi.

Bobotimatimale 16:6

Adipalati, bobtalimale so iwolotapo wa꞉ opa mate wa꞉ yu molo atlamalalo so mate yia꞉ omaliye olotimuwapo. Epapedeme wa꞉ watapo omaliye yia꞉ta delepo depame hamilipo. Eye yia꞉ asiyama mate ala꞉lepo.”