Ma꞉tiyu 26:25 - Kamula

²⁵ Epalati Yesu opahale do tama dla homallalo oplami Yudasta epo atlaiyo, “Imalalo oplami, na꞉ta꞉?” diyo. Epalati Yesuta asiyama ya꞉ watle epo atlaiyo, “Yao, mowolo ma-atlapo,” diyo.

Ma꞉tiyu 26:25 Iomraidhean Croise

Ma꞉tiyu 23:7

Epame api duka dla opata yia꞉ dla heodepame namkale dle yu atlamalati yia꞉ sikemte dallowe tlo solotamdepo. Epame yia꞉ ma solotamdepo, opatapo yia꞉ watle imalalo so dlepo depame.

Ma꞉tiyu 23:8

Amasiyama poka꞉dena, opatapo wua꞉ watle atlemama imalalo oplami dloweye. Adipalati, wua꞉ imalalo oplamiye hatlopepo. Epame wua꞉ dulu dla haleta potla꞉mtamhalasema.

Ma꞉tiyu 26:14

Epame Yesu ya꞉ alotle tlalo so 12 dulu dla hallalo hale Yudas Iskaliyotta aiyalma aya dokopala so watle tame epo atlaiyo,

Ma꞉tiyu 26:49

Epedeme Yudas opa me-eleme puame halemama Yesu hala dla tame epo atlaiyo, “Namkale, imalalo oplami,” depame ya꞉ye huliyo.

Ma꞉tiyu 26:64

Yesu asiyama epo atlaiyo, “Yao, mowolo ma-atlapo. Epame na꞉ wua꞉ dla ma-atlema. Wua꞉ Opa Yamiye God dowala tiyama dla polla natilipe. Epame ya꞉tapo pepele di tle wuala dulu dla malla natilipe.”

Ma꞉tiyu 27:11

Yesuye Loum gamani oplami Paelet hala dla seme hetlati asiyama gamani oplamita ya꞉ watle epo atlaiyo, “Wa꞉ye ikadepe Yu so dokopala oplamita꞉?” diyo. Epalati Yesuta asiyama ya꞉ watle epo atlaiyo, “Yao, wa꞉ta atla mepo,” diyo.

Ka꞉dle molo atlale yu Lukta ilimale 22:70

Epalati asiyama yia꞉ta hapulomata epo atlaiyo, “Epedeme wa꞉ye ikadepe God Yamita꞉?” diyo. Epalati asiyama Yesuta yia꞉ watle epo atlaiyo, “Wua꞉ta na꞉ye God Yami dleye, e mikadepepo,” diyo.

Ka꞉dle molo atlale yu Yonta ilimale 18:37

Epalati Paeletta ma epo atlaiyo, “Epapedeme wa꞉ ikadepe dokopala oplami wa꞉ni?” diyo. Epapalati Yesuta epo atlaiyo, “Wa꞉ta na꞉ watle atlemama, ‘wa꞉ye ikadepe dokopala oplami wa꞉ni,’ dleye, e mikadepepo. Koko edla na꞉ye ta꞉lamo hema hamuwapo. Epame na꞉tapo opa dla ikadepe kokoye atlamolowedeme ta꞉lamo hema puwapo. Epapedeme opa anawolotapo ikadepe koko dulu dla ha꞉ha꞉ma꞉, yia꞉ na꞉ yu dalemha꞉ha꞉po.”

Ka꞉dle molo atlale yu Yonta ilimale 4:31

Opa hapulomatapo ala Yesu natila pumha꞉ha꞉lati Yesu ya꞉ alotle tlalo sota Yesu watle epo atlamyaiyo, “Imalalo oplami, daya dene,” demyaiyo.