Ma꞉tiyu 23:4 - Kamula

⁴ Epapedeme yia꞉ta aiyalma imale kokotapo opa dla upiyele pato hapimdepo. Amasiyama yia꞉tapo yimkadulo gagademama upiyele ipi eye ma miyelo pohasemde.

Ma꞉tiyu 23:4 Iomraidhean Croise

Ma꞉tiyu 23:23

Epapedeme ka꞉e, aiyalma imalalo so mate epo Pa꞉lisi so mate, wua꞉ wuskamu sikemte pepeyalimalalo sopo! Wua꞉ God dla namkale dle alisisi hapimama mala mate epo sosoko mate epo alisisi opi yimka꞉sikili mate woloma kolumale 10 dulu dla kolumale hatlope God watle hapi demha꞉ha꞉mama asiyama aiyalma hatitimale dulu dla koko patoto hutiye halomolowe tlo wowelimdepo. Eye ka꞉dle koko halowe mate, epo ya꞉mkale bokotiyapo malamolowe koko mate, epo mikadepe dlowe koko matepo. Epedeme koko patoto e tlo woloma halomha꞉ha꞉iya. Epammama God dla namkale dle alisisi halopiliwe koko ma wowelimiya.

Ma꞉tiyu 23:3

Epedeme yia꞉ yu dla salladepo siyamama yia꞉ta atlamha꞉ha꞉ kokoye halomha꞉ha꞉iya. Amasiyama wua꞉ yia꞉ta moto mate koko halomha꞉ha꞉ e natipame wua꞉ ma e halomiya. Adipalati, yia꞉ aiyalma koko wua꞉ dla ipo ma miyelo moto mate koko eye pohalomasemde.

Ka꞉dle molo atlale yu Lukta ilimale 11:46

Epalati Yesutapo ma aiyalma imalalo so watle epo atlaiyo, “Ka꞉e, aiyalma imalalo so, wua꞉ wolomape! Adipalati, wua꞉ta aiyalma imale kokotapo opa dla upiyele pato hapimdepo. Amasiyama wua꞉tapo yia꞉ye gademama upiyele ipi eye ma muwolo pohasemde.

Taiya dle so 15:10

Epedeme wua꞉ God elemala natimiya. Epame po-Yu so mikadepe dle soye Mosesta aiyalma hatitimale dolumelepo depame ha꞉ha꞉limiya. Wua꞉ta epapelepiye, wua꞉ta yia꞉ watle upiyele alisisi epapele some goludemama apelepe. Adipalati, dia꞉ mate epo di mamadulo mate woloma upiyele alisisi eye pohampuana.

Taiya dle so 15:28

Adipalati, di Hela꞉dle Soko mate malamale ma-hatlope depo himiwapo. Epedeme di wua꞉ watle upiyele hale pohamilowa. Amasiyama wua꞉ isikimi koko hatlo itlo dolumaiya.

Galasiya 6:13

Epele dulu dla kapala kotimale so ewolota Moses ya꞉ aiyalma kokoye woloma podolumha꞉ha꞉sema. Asiyama yia꞉tapo isikimi wua꞉ye kapala kotimale koko tle yiskamu yia꞉ye di dla halopo hetlowedeme apopo.

1 Yon 5:3

Adipalati, God sikemte malamolowe ya꞉ dulu kokoye ipo. Ditapo ya꞉ta molo atlale yu dla salladepo siyamelepe. Epedeme ya꞉ta molo atlale yuye dia꞉ dla pase upiyena.

Bobotimatimale 2:24

Yesabelta imale hamsela꞉ iye Saitenta imale kokopo. Amasiyama Tayatila so opi wua꞉ye ya꞉ta imale koko iye podolumha꞉ha꞉na. Epedeme na꞉ wua꞉ dla atlema, na꞉ta puluwe sukulu dla omtamama isikimi wua꞉ta God yu dla ha꞉ha꞉ye mepo me-ha꞉ha꞉mama koko hatlo metlo dolumha꞉ha꞉iya.