Ma꞉tiyu 23:35 - Kamula

³⁵ Epedeme ta꞉lamo hema wua꞉ mamadulotapo ka꞉ka꞉depo ha꞉ha꞉lalo soye mo-potimpuwapo. Epammama yia꞉tapo ka꞉dle oplami Eibol tle yumuluwe kotiyapame potimpuame Belekaya yami Sekalaya yumpo guduwapo. Epedeme yia꞉tapo Sekalayaye aiyalma aya ka꞉ epo God dla alinepi poyupo halomalalo tile ka꞉ duka dla hallati yumuwapo. Epapedeme wata ha꞉ha꞉ so wua꞉tapo wua꞉ mamadulota ka꞉yapa God tle yu hapame molo atlamalalo so potimpuwa yia꞉ batalimale asiyamaye wua꞉ta halepe.

Ma꞉tiyu 23:35 Iomraidhean Croise

Yeneses 4:8

Alotle Keintapo ya꞉ ei Eibol watle epo atlaiyo, “Di moku dla isikimi hohola꞉mtlowa,” diyo. Yia꞉ epo ma-tame moku dla ha꞉ha꞉mama Keintapo ya꞉ ei Eibol hampame yumiyo.

Taiya dle so 5:28

“Di wua꞉ watle yu itiyamale mate ipo hamiwapo, ‘Wua꞉ matle Yesu hi mate imsiyamama koko opi halomsiyamiyo,’ duwapo. Amasiyama wua꞉ di yu pohana. Epedeme wua꞉ natiya. Wua꞉ta imale kokotapo Yelusalem mo patoye ma-hauwapo. Epame wua꞉ Yesuta powale kokoye ma dia꞉ dla gudlowedeme apopo,” diyo.

Hibulu 11:4

Eiboltapo God dla mikadepe demama namkale dle alisisi hapimhallati Godtapo ya꞉ dla siyemama ka꞉dle oplami duwapo. Amasiyama ya꞉ bapa Keinta namkale dle alisisi halopimhalale dla Godtapo posiyena. Epapele dulu dla Eibol yoye mo-powataliya pouwapo. Amasiyama ya꞉ta mikadepe dle kokotapo ala dia꞉ dla me-imhalapo.

Hibulu 12:24

Epame mo edla Yesu ma me-halapo. Ya꞉tapo Godta yu itiyapo himili amkoye di watle hampuwapo. Epame ya꞉ omalita popokalletapo dia꞉ dla batalimale howahalowe kokoye imapo. Amasiyama Eibol omaliye pe-epapena.

Bobotimatimale 18:24

Epapedeme Godtapo Babilon mo dla ya꞉ batalimale asiyamaye ma-hamipo. Adipalati, ya꞉tapo God tle yu hapame molo atlamalalo so mate epame God ya꞉ opa mate epame ta꞉lamo pato dulu dla opa opi mate mo-potimduwapo.”