Ma꞉tiyu 21:17 - Kamula

¹⁷ Epame Yesu yia꞉ saliyome Yelusalem tle ma Betani mo dla ella taiyo.

Ma꞉tiyu 21:17 Iomraidhean Croise

Ma꞉tiyu 16:4

Wata oloma hema ha꞉ha꞉ so opaye pta bobtalimana. Epame yia꞉ ma God kokoye pokoko desemdepo. Epammama yia꞉ ulugiyemale koko tlo tlamha꞉ha꞉lowedeme na꞉ watle atlamha꞉ha꞉po. Amasiyama na꞉ yia꞉ dla ulugiyemale koko hale ponati-iliwa, isikimi Yona koko tlo yia꞉ watle nati-iliwepo.” Yesu koko i atlepo gudepame yia꞉ saliyome ma-taiyo.

Ma꞉tiyu 26:6

Yesu Betani mo dla Saimon kapala batalimale oplami aya dla taiyo.

Maka 11:1

Yesuta ya꞉ alotle tlalo so mate Yelusalem dla tamama Olipi tamali kikiwi isili dla mo yimlala Betapage mate epo Betani mate mateka꞉pi dla puame woyamaiyo. Yia꞉ edla puame ha꞉ha꞉mama Yesu ya꞉ alotle tlalo so dapiyamte taiya demama epo atlaiyo,

Maka 11:11

Epame Yesu Yelusalem dla tame Yu so aiyalma aya dla hetame woloma tlamsela꞉iyo. Epo ma-apomtlati ya꞉ alotle tlalo so 12 eleme ma Betani mo dla taiyo.

Maka 11:19

Epame tamila꞉la edla Yesuta ya꞉ alotle tlalo so mate Yelusalem saliyomtaiyo.

Maka 14:3

Yesu Betani mo dla Saimon kapala batalimale oplami aya dla taiyo. Ya꞉ edla hetame daya dempollati a꞉ya hale isilako dla ullu ka꞉depo pamalalo dakopala tipo hampuaiyo. Ya꞉ puame isilako glastepo Yesu dokopala di dla simaiyo.

Maka 3:7

Yesu ya꞉ alotle tlalo so mate Ga꞉lili kaula dla tlati opa hapulomata ya꞉ dolumtaiyo. Opa hapuloma iwoloye mo meyelope meyelope dle itle pumulaiyo, opita Ga꞉lili tle epo Yudiya tle epo Yelusalem tle epo Idumiya tle epo Yoden aloma seme dla ha꞉ha꞉lalo mo tle epo Taya mate epo Saidon mate epame mo e mateka꞉pi dla ha꞉ha꞉lalo mo tle. Epedeme opa hapulomata Yesuta koko hamsela꞉le dlalepame mo meyelope meyelope dle itle Yesu hala dla pumulaiyo.

Ka꞉dle molo atlale yu Lukta ilimale 10:38

Yesu mate ya꞉ alotle tlalo so mate tamalemama mo hale dla tame woyamaiyo. Epalati mo edla hallalo a꞉ya hale Matatapo Yesuye ya꞉ aya dla seme hetaiyo.

Ka꞉dle molo atlale yu Lukta ilimale 19:29

Ya꞉ tame Olipi tamali kikiwi isili dla mo dapiyamte Betapage mate epo Betani mate mateka꞉pi dla tame woyamaiyo. Epame ya꞉ alotle tlalo so dapiyamte watle taiya demama epo atlaiyo,

Ka꞉dle molo atlale yu Lukta ilimale 24:50

Epame Yesuta ya꞉ alotle tlalo so eleme Betani mo mateka꞉pi dla tamalaiyo. Yia꞉ edla tame woyapame Yesuta ya꞉ do ta꞉ta꞉depame yia꞉ yilo inoma sumama siyele yu atlaiyo.

Ka꞉dle molo atlale yu Yonta ilimale 11:1

Betani mo dla hallalo oplami hale esiyemhalaiyo, ya꞉ hiye Lasales. Epame ya꞉ nanadulo Meli mate epo Mata mate yia꞉ mape Betani mo edla ha꞉ha꞉mdiyo. A꞉ya Meli iye alotle Lod Yesu hete dla dakopala ullu ka꞉dle pamalalo mate sipame ya꞉ kokosase mate hiyolle a꞉ya ipo.

Ka꞉dle molo atlale yu Yonta ilimale 11:18

Betani mo iye Yelusalem tle pase pateka꞉muyo, isikimi 3 kilomita api selemalli epapiyo.