Ma꞉tiyu 2:12 - Kamula

¹² Amasiyama yia꞉ ma i-ilapo tlowedeme hutiyelati Godta milamalo yia꞉ watle epo atlaiyo, “Wua꞉ ma i-ilapo tamalemama Helod hala dla potlowa. Amasiyama wua꞉ api hale tle ma wua꞉ mo dla taiye,” diyo. Epalati yia꞉tapo yu e dolumama api hale tle yia꞉ mo dla tamalaiyo.

Ma꞉tiyu 2:12 Iomraidhean Croise

Yeneses 31:24

Epalati yia꞉ mape seme mateka꞉pi medla kimpo hutiyeiyo. Epalati utula꞉la oloma edla Godtapo milamalo malame Laban watle epo atlaiyo, “Wa꞉ Yokob watle koko atlamolowedemeye woloma malapo atlamelepe,” diyo.

Ekesedes 1:17

Amasiyama dulu edla wola꞉ dapiyamte iwolotapo God tlo wowota꞉mama dokopala oplami Pelo yu dla posalladlalo Isalael so wola꞉ta akimlala hohomalati popotimasemdiyo.

Ma꞉tiyu 1:20

Yosep ala koko hema me-momalamhallati God ya꞉ banakakata milamalo ya꞉ dla tulume epo atlaiyo, “Yosep, Deibidi ya꞉ mama, wa꞉ Meli halowe koko dla ase sikemte wota꞉miya. Adipalati, ya꞉ye Hela꞉dle Sokota itiyamale tle mopapo polapo.

Ma꞉tiyu 2:13

Epo alotle tamili sesa꞉lalo sota ma-tamallati utula꞉la edla Yosep ellati milamalo God ya꞉ banakakata tulume epo atlaiyo, “Wa꞉ sila꞉time maseyemala mate epo ya꞉ wai mate eleme Isip mo dla teletane. Adipalati, Helod ya꞉ opatapo maseyemala e yumuluwedeme totampumullupe. Epedeme wua꞉ potame Isip mo dla ha꞉ha꞉lepe. Wua꞉ edla tame ha꞉ha꞉lati ma na꞉ta wua꞉ta ilampuluwe yuye atlowepo,” diyo.

Ma꞉tiyu 2:19

Yosep ala Isip mo dla me-hallati dokopala oplami Helodye mo-powaiyo. Epalati God ya꞉ banakaka oplamitapo Yosep ellati milamalo tulume epo atlaiyo,

Ma꞉tiyu 2:22

Amasiyama Helodta polati ma yami Akeleyosta Yudiya mo dla dokopala oplami halaiyo. Epalati Yosepta dalepame mo edla tlowe wota꞉iyo. Epalati God ya꞉ banakakata mamisika꞉ milamalo tulume ya꞉ watle epo atlaiyo, “Wa꞉ Yudiya mo dla potlowa,” diyo. Yoseptapo banakaka oplamita epo atla dalepame ma Ga꞉lili mo pato dulu dla Nasalet mo yemala dla halla taiyo. Epapedeme Godta ya꞉ tle yu hapame molo atlalo oplami mati tle atlale kokotapo mo-mikadepe duwapo. Adipalati, ya꞉ta epo atluwapo, “Opata Kelisoye semama Nasalet oplami dlepe,” duwapo.

Ma꞉tiyu 27:19

Paelet ala koko gladlalo mo dla me-pollati ya꞉lluta ya꞉ watle yu hamimama epo atlaiyo, “Wa꞉ batalimale pa꞉le oplami edla koko hale hamiyo. Adipalati, na꞉ wata utula꞉la milamalo ya꞉ koko dla pta batalipo nati,” diyo.

Ka꞉dle molo atlale yu Lukta ilimale 2:26

Amasiyama Hela꞉dle Sokota ka꞉yapa ya꞉ watle ma-atlaiyo, ya꞉tapo totoyemala ikadepe halemama Lodta sale Kelisoye natipame poloweye.

Taiya dle so 10:22

Epalati asiyama yia꞉ta Pita watle epo atlaiyo, “Di pato oplami Koneliyas, Loum opahale so omhallalo oplamita dia꞉ye taiya duwa. Adipalati, God ya꞉ banakaka oplamita tulume Koneliyas watle atlemama, wa꞉tapo tame Koneliyas watle God yu atloweyo, diyo. Epedeme dita wa꞉ye Koneliyas watle semtlowedeme pua. Koneliyas iye God wota꞉lalo ka꞉dle oplamipo. Epame Yu so hapulomata ya꞉ye solotamama ka꞉dle oplami demde,” diyo.

Taiya dle so 4:19

Amasiyama Pita mate Yon mate asiyama yia꞉ watle epo atlaiyo, “Epedeme wua꞉ wuskamu koko iye woloma natiya. Ka꞉deta꞉, God mila꞉pi tle dita wua꞉ yu dla salladepo siyamama God yu dla posalladlalo wekeloweye?

Taiya dle so 5:29

Amasiyama Pita mate Taiya dle so opi mate asiyama epo atlaiyo, “Di Godta solotamale koko tlo hamsiyama, amasiyama opata solotamale koko pohalowa.

1 Kolin 3:19

Adipalati, ta꞉lamota malamale hamili kokoye Godtapo yiyilamale koko demhalapo. Adipalati, God yu bukata epo atlapo, “Opa miyelo ta꞉lamo koko tle malamaletapo dea susumale some hallati asiyama Godtapo yia꞉ye edla ka꞉ka꞉tipo hohomhalapo.”

Hibulu 11:7

Epame mikadepe dle koko tle Nowatapo ya꞉llu mate epo ya꞉ yimlala mate pasakalo gadlowedeme koa pato tiwapo. Adipalati, Godta itapu dla woyamolowe kokoye ya꞉ watle momolo atlati ya꞉tapo dalepame God dla wota꞉mama isikimi salladuwapo. Epame ya꞉ta mikadepe dle kokotapo ta꞉lamo so hapuloma dla yia꞉ bobtalimale kokoye imuwapo. Epame Godtapo Nowata mikadepe dle koko natipame ya꞉ye ka꞉dle oplami duwapo.

Hibulu 8:5

Amasiyama yia꞉ta oko halomduwa aiyalma aya eye isikimi Pepele dimo dla aiyalma aya ikadepeta pola e ya꞉nasamapo. Adipalati, Godtapo Moses watle tlukata halë aiyalma aya e halepo depame epo atluwapo, “Wa꞉ na꞉ta tamali di dla nati-iwa nasama edla dolumama aiyalma ayaye woloma ka꞉pi halepe,” duwapo.