Ma꞉tiyu 19:23 - Kamula

²³ Epalati Yesuta ya꞉ alotle tlalo so watle epo atlaiyo, “Na꞉ ikadepe kokoye wua꞉ dla atlema. Alisisi pasatale oplamitapo Pepele dimo dla ulatuluweye pta kokalena.

Ma꞉tiyu 19:23 Iomraidhean Croise

Ma꞉tiyu 13:22

Epalati opa opitapo witi daya ale osamokolo dulu dla teteyuli epapele some ha꞉ha꞉po. Yia꞉tapo God yu dalepame hamdepo. Amasiyama ta꞉lamo pasakalo momalamale mate epo alisisi poposatilipo ha꞉ha꞉lowe malamale mateta yia꞉ta mikadepe dleye yumdepo. Epapele koko tle yia꞉ta mikadepe dle kokota dlomoko pomilimasemde.

Ma꞉tiyu 18:3

“Na꞉ ikadepe koko wua꞉ watle atlema. Wua꞉ malamale meyelope depame maseyemala yimka꞉mala ipapele some poha꞉ha꞉lalo wekelepiye, wua꞉ Pepele dimo dla po-u-ulapo tuluwa.

Ma꞉tiyu 19:22

Oplamitapo Yesu yu i dalepame sikemte dupa kolle mate taiyo. Adipalati, ya꞉ye alisisi pasatepo halaiyo.

Ma꞉tiyu 21:31

Epedeme akimlala dapiyamte dulu hema maseyemala aditapo ya꞉ ata solotamale koko hauwa?” Epalati asiyama aiyalma aya dokopala so mate epo Yu so dokopala so mateta epo atlaiyo, “Ka꞉yapa hamale maseyemalatapo ya꞉ ata solotamale kokoye hauwapo,” diyo. Epalati Yesuta yia꞉ watle epo atlaiyo, “Na꞉ ikadepe koko wua꞉ watle atlema. Ta꞉kis mani halomalalo so mate epame opa ala꞉msiyamalalo so wola꞉ matetapo yia꞉ tatle Pepele dimo dla u-ulapo tumama asiyama wua꞉ tlo alikili dla pomellepe.

Ma꞉tiyu 5:20

Epedeme na꞉ ikadepe koko wua꞉ watle atlema. Wua꞉ta God dla salladleta aiyalma imalalo so mate epo Pa꞉lisi so mateta God dla salladleye potla꞉mtlalo wekelepiye, wua꞉ Pepele dimo dla po-ulatuluwa.”

Maka 10:23

Epame Yesu oplamita ma-tlati omhalemama ya꞉ alotle tlalo so watle epo atlaiyo, “Alisisi pasatale sotapo God ya꞉ mo koko dla ulatuluweye pta kokalena,” diyo.

Ka꞉dle molo atlale yu Lukta ilimale 18:24

Oplamita ma ilame tla omhalemama Yesuta ya꞉ alotle tlalo so watle epo atlaiyo, “Alisisi pasatale oplamitapo God ya꞉ mo koko dla ulatuluweye pta kokalena.

Ka꞉dle molo atlale yu Yonta ilimale 3:3

Epapalati Yesuta asiyama ya꞉ watle epo atlaiyo, “Na꞉ ikadepe koko wa꞉ watle atlema. Oplamita mamisika꞉ pohamalalo wekelepiye, ya꞉ God ya꞉ mo koko dla po-ulatuluwa,” diyo.

Ka꞉dle molo atlale yu Yonta ilimale 3:5

Amasiyama Yesuta ma epo atlaiyo, “Na꞉ ikadepe koko wa꞉ watle atlema. Oplamitapo yú tle epo Hela꞉dle Soko tle ma po-amko dlalo hallepiye, ya꞉ God ya꞉ mo koko dla po-ulatuluwa.

1 Kolin 1:26

Epapedeme mikadepe dle so namkadulo, Godta ka꞉yapa wua꞉ sisilamuwa oloma edla wua꞉ta ha꞉ha꞉uwa pasakaloye wua꞉ tlo wua꞉malamana. Adipalati, wua꞉ dulu dla ta꞉lamo tle di dla momalamale so mate epame dokopala so mate epo alisisi poposatilimale so mateye pase pasatana.

Yeims 2:6

Amasiyama dulu edla wua꞉tapo alisisi pa꞉talo soye pokoko demdepo. Ame wua꞉ adipalati ma alisisi pasatale so dla dostasiyama꞉? Ewolotapo wua꞉ dla wotiyalle hapipame koko gladle dla elemtulumdepo.