Ma꞉tiyu 19:19 - Kamula

¹⁹ amasiyama wa꞉ a mate epo wa꞉ wai mate yia꞉ yu dla heodepame salladepo sela꞉lepe, epame wa꞉ wa꞉skamu sikemte bokotiyapo malamdiye, epammama wa꞉ amkale ma sikemte bokotiyapo malamelepe.”

Ma꞉tiyu 19:19 Iomraidhean Croise

Ekesedes 20:12

Epame wa꞉ a yu mate epo wa꞉ wai yu mate dla heodepo salladepo sela꞉ne. Wa꞉ta epapelepiye, etapo na꞉ta wa꞉ watle ta꞉la hami hema kokó hallepe.

Ma꞉tiyu 19:20

Amasiyama oplamitapo Yesu watle epo atlaiyo, “Aiyalma koko hapuloma iye na꞉ta mo-dolumhaluwapo. Epele tlope na꞉ ma apa koko hapa꞉?” diyo.

Ma꞉tiyu 22:39

Epame ya꞉ ko tle aiyalma hale pato me-epapele sepeleye ipo, ‘Wa꞉ta wa꞉skamu sikemte malamdiye, epammama wa꞉ amkale ma sikemte malamhalane.’

Ma꞉tiyu 5:43

“Epedeme wua꞉ yu ipo atlati ma-daluwapo, ‘Wa꞉ amkale tlo bokotiyapo malamama asiyama wa꞉ dla opahale dlalo oplami tlo aline’ duwaye.

Ka꞉dle molo atlale yu Lukta ilimale 10:27

Oplamita asiyama epo atlaiyo, “Wa꞉ Lod wa꞉ Godye sikemte malamhalane, wa꞉ dupa dulu malamale tle epo wa꞉ soko tle epame wa꞉ta itiyamale tle epame wa꞉ta malamale tle. Epame wa꞉ta wa꞉skamu sikemte malamdiye, epammama wa꞉ amkale ma sikemte malamhalane,” diyo.

Loum 13:9

Adipalati, aiyalma opiye ipo hutiyepo, upo a꞉ya mate epo upo oplami mate uhala aiyalma, epame ya꞉mkale yumula aiyalma, epame upo alisisi uhala aiyalma, epame ya꞉mkale alisisi halowedeme sikemte solotamale himila aiyalma. Epame aiyalma opi ma me-hutiyepo. Amasiyama aiyalma hapuloma iye aiyalma hatlope dulu hema bopudepo halapo. Eye, “Wa꞉tapo wa꞉skamu sikemte bokotiyapo malamhalemdiye, epammama wa꞉ amkadulo mape epo sikemte bokotiyapo malamhalane.”

Galasiya 5:14

Adipalati, aiyalma koko hapulomaye molo atlale yu hatlo dulu hema hutiyepo. Eye, “Wa꞉ta wa꞉skamu sikemte bokotiyapo malamdiye, epammama wa꞉ amkale ma sikemte bokotiyapo malamhalane.”

Yeims 2:8

God yu buka dulu dla molo atlale yu pato ipo elapo, “Wa꞉ wa꞉skamu sikemte bokotiyapo malamdiye, epammama wa꞉ amkale ma sikemte bokotiyapo malamane,” depo. Epedeme wua꞉ molo atlale yu i woloma dolumha꞉ha꞉lepiye, eta wua꞉ye api dla ha꞉ha꞉po.