Ma꞉tiyu 13:57 - Kamula

⁵⁷ Epedeme yia꞉ta ipo malamale tle Yesuta imale haloweye alliyo. Epalati Yesuta yia꞉ watle epo atlaiyo, “Opatapo God tle yu hapame molo atlalo oplami yu dla dalepame heodemdepo. Amasiyama ya꞉ mo so mate epo ya꞉ asiyadulo mateta ya꞉ yu dla dalepame poheodesemde,” diyo.

Ma꞉tiyu 13:57 Iomraidhean Croise

Ma꞉tiyu 11:6

Epapedeme opa anawolota na꞉ koko tle pokustamtlalo wekelepiye, Godta yia꞉ dla siyelepe.”

Ma꞉tiyu 13:58

Epedeme Yesu yia꞉ta ya꞉ dla mikadepe dle pa꞉le natipame ya꞉ mo edla ulugiyemale kokoye pase halomaiyo.

Maka 6:1

Yesu ya꞉ alotle tlalo so mate mo etle ma ilame ya꞉ mo ikadepe Nasalet dla taiyo.

Maka 6:14

Epalati alotle Yesuta itiyamale mate ulugiyemale koko halomsela꞉lati opata Yesu koko dla epo atlemdiyo, “Oplami iye Yon opa yú dla ka꞉ka꞉timalalo oplami mle. Epedeme ya꞉ powale tle ma-sila꞉timpuame ulugiyemale koko i halomsela꞉yo,” demdiyo. Epo opa opita ma epo atlemdiyo, “Yesuye God tle yu hapame molo atlalo oplami hale Ilaya mle,” demdiyo. Epalati ma opa opitapo epo atlemdiyo, “Ya꞉ God tle yu hapame molo atlalo so ka꞉yapa ha꞉ha꞉uwa so epapele oplami hale mle,” demdiyo. Amasiyama Helodta Yesu koko dalepame epo atlaiyo, “Ya꞉ye Yonpo. Na꞉ta dokopala ketamastauwata matle powale tle pasakalo depo sila꞉timsela꞉yo,” diyo.

Maka 6:3

Ya꞉ isikimi Meli yami, aya halalo oplamipo. Epo ya꞉ye Yeims epo Yosep epo Yudas epo Saimon yia꞉ bapapo. Epame yotumadulo mape dia꞉ mate midla popa꞉po,” demyaiyo. Epedeme yia꞉ta ipo malamale tle Yesuta imale haloweye alliyo.

Maka 6:4

Epalati Yesuta yia꞉ watle epo atlaiyo, “Opatapo God tle yu hapame molo atlalo oplami yu dla dalepame heodemdepo. Amasiyama ya꞉ mo so mate epo ya꞉ asiyadulo mate epo ya꞉ aya dulu dla ha꞉ha꞉lalo so matetapo ya꞉ yu dla dalepame peheodesemde,” diyo.

Ka꞉dle molo atlale yu Lukta ilimale 4:24

Amasiyama Yesu ma yia꞉ watle epo atlaiyo, “God tle yu hapame molo atlalo oplamiye ya꞉ mo so ikadepeta allipe.

Ka꞉dle molo atlale yu Lukta ilimale 7:23

Epapedeme oplami antapo na꞉ koko tle pokustamtlalo wekelepiye, Godta ya꞉ dla siyemhalapo.”

Ka꞉dle molo atlale yu Yonta ilimale 6:42

Epame yia꞉tapo epo atlamyaiyo, “Oplami iye Yosep yami Yesupo. Adipalati, di ya꞉ a mate epo ya꞉ wai mate dimalamana. Epapedeme ya꞉ye adipo atlemama, ‘na꞉ye Pepele di tle maluwa,’ demsela꞉ma꞉?” demyaiyo.

Ka꞉dle molo atlale yu Yonta ilimale 6:61

Epapele dulu dla Yesutapo ya꞉ dolumsiyamale sota yia꞉ dulu dla yu balempopa꞉le malapame yia꞉ watle epo atlaiyo, “Na꞉ta atlama koko itapo wua꞉ dla wotiyalle hamima꞉?