Ma꞉tiyu 11:29 - Kamula

²⁹ Epame na꞉ta imale kokoye hapame na꞉ koko natipo dolumaiya. Adipalati, na꞉ye pta sikemte sadena. Epapedeme wua꞉ puame na꞉ dla hedle haiya.

Ma꞉tiyu 11:29 Iomraidhean Croise

Ma꞉tiyu 17:5

Pita ala me-yukamhallati wuala sikemte hela꞉dletapo malame yia꞉ye bopudiyo. Epalati wuala dulu tle yuta epo atlaiyo, “Iye na꞉ta sikemte malamama dupa ellalo maseyemalapo. Na꞉ ya꞉ dla sikemte siyema. Epedeme ya꞉ yu dla daliya,” diyo.

Ma꞉tiyu 21:5

“Wua꞉ Yelusalem so atlaiya, ‘Wua꞉ dokopala oplamiye wua꞉ dla mo-puapo. Ya꞉ye pta sadena. Ya꞉ye donki aliya yemala tle puapo.’”

Ma꞉tiyu 28:20

Epame molo atlale yu na꞉ta wua꞉ta dolumha꞉ha꞉lepo depo hamiwaye ma yia꞉ watle hamiya, ma yia꞉ta yu eye dolumha꞉ha꞉lepo depame. Amasiyama wua꞉ malamaiya, wata oloma itle kotiyapame ta꞉lamo mosukulu dla telepiye, na꞉tapo alila hapuloma dulu dla wua꞉ mate hallowepo.”

Ma꞉tiyu 7:24

“Oplami antapo na꞉ yu dalepame salladepo sela꞉lepiye, ya꞉ye oplamita aya hamama munamu sikemte mumuwalepo alumiti kellepo aya halë epapele some halapo.

Ka꞉dle molo atlale yu Lukta ilimale 8:35

Epalati opata koko i dalepame natila pumulaiyo. Yia꞉ puame natitepo bataliya walle oplamitapo ma-ka꞉depame Yesu hete sitali dla polomama malamale ka꞉dle mate tluka didiyepo polla natiyo. Epalati yia꞉ta hapulomatapo sikemte wowota꞉iyo.

Ka꞉dle molo atlale yu Yonta ilimale 13:15

Na꞉ta wua꞉ dla koko hale i natipo dolumaiya.

Ka꞉dle molo atlale yu Yonta ilimale 13:17

Epapele dulu dla wua꞉ koko iye malapame epo hamha꞉ha꞉lepiye, Godtapo koko iye natimama siyelepe.

Taiya dle so 7:37

Epedeme Moses hatlo me-ita ya꞉ opa Isalael so watle epo atluwapo, ‘Godta wua꞉ yilo wua꞉ dulu tle ya꞉ yu molo atlalo oplami hale na꞉ sepele hulumelepe,’ duwapo.

1 Kolin 9:21

Epame na꞉tapo po-Yu so mate halale dulu dla mepamduwapo. Yia꞉ye Mosesta aiyalma hatitimale kokoye yeitamana. Epedeme na꞉ mape yia꞉ mate mepo aiyalma koko yeliyele oplami some halemduwapo, yia꞉ye Keliso hala dla eleme puluwedeme. Amasiyama epapele dulu dla na꞉ye ikadepe aiyalma pa꞉le dulu dla pohalasema. Adipalati, na꞉ mape Keliso aiyalma dolumalalo halapo.

2 Kolin 10:1

Epapedeme wua꞉ dulu dla opa opitapo na꞉ koko dla epo atlamyapo, “Polotapo dia꞉ mate halemama hopeyamale mate yu atlamhalemde. Amasiyama ya꞉tapo dia꞉ tle alikili a꞉ma tame halemama yu ilimale tle dia꞉ dla yu itiyamale mate sikemte atlamhalemde,” demyapo. Epame wua꞉ dulu dla na꞉ watle ta꞉lamo oplami some halema depo atlalo so ma me-ha꞉ha꞉po. Epedeme na꞉tapo sadle mate epo bokotiyapo malamale mate hallalo Keliso hi tle wua꞉ dla otele himima, na꞉ yu ballalo sotapo na꞉ta puluwe dla omha꞉ha꞉mama yia꞉ bobtalimale tle heheletimelepo depame. Yia꞉ta epapelepiye, eta na꞉ puame yia꞉ watle yu itiyamale mate po-atlowa.

2 Kolin 10:5

Epame opahale alisisi i mate ta꞉lamota malamale mate epo ya꞉skamu di dla hamhetlowe koko mateye yumdepo. Adipalati, ipapele kokotapo God koko malamolowe apiye himomelemdepo. Epame ma opahale alisisi i mate opata malamaleye meyelope depame ma Keliso dla salladepo siyamolowe dla elempumdepo.

Pilipi 2:5

Wua꞉ta ha꞉ha꞉le dulu dla wua꞉ta momalamale mate epo wua꞉ta moto mate koko halë mate Keliso some ipo ha꞉ha꞉iya.

1 Tesalonika 4:2

Wua꞉ mo-wua꞉malamana, dita Lod Yesuta itiyamale tle wua꞉ watle imuwa kokoye.

2 Tesalonika 1:8

Lod Yesuta malame God koko posolotamalalo wekelalo so mate epo ka꞉dle yu Keliso koko dla posalladepo siyamalalo so mate dla asiyama wotiyalle halopilipe.

Hibulu 5:9

Epapele koko tle ya꞉tapo ya꞉ yu dla salladepo siyamalalo so dla kokó elepo ellalo pasakalo sitali halapo. Adipalati, ya꞉ta wotiyalle halë koko tle Godtapo ya꞉ye ala꞉na duwapo.

1 Yon 2:6

Eye, oplami haleta atlemama, “Na꞉ God mate hatlope depo halema,” dlepiye, ka꞉dena, epapele oplamitapo Yesuta haluwa pasakalo epapele some hallepe.