Maka 6:48 - Kamula

^48-49 Ya꞉ halemama natilati mosisita puame ya꞉ alotle tlalo so koa dla sikemte yulati yia꞉ta koa sosolemtamama susukalle mate tamha꞉ha꞉la natiyo. Epo utulala ikadepe ala iki yulumhallati Yesutapo yú di tle yia꞉ hala dla taiyo. Yesu yia꞉ koa ala tla꞉me tamhallati ya꞉ alotle tlalo sota ya꞉ natipame semte bataliya tepo depame ikiyeliyo.

Maka 6:48 Iomraidhean Croise

Yeneses 19:2

“Na꞉ adulo, wua꞉ aseka na꞉ aya dla hedla puaiya. Epalati na꞉tapo wua꞉ hete howahalomolowe yú tipo puluwepo. Epame wua꞉ wata utula꞉la hatlo na꞉ aya dulu hema hutiyepame ma iyela utulalati wua꞉ta solotamale mo dla tamalaiya,” diyo. Epalati asiyama yia꞉ta epo atlaiyo, “Hao, di wata utula꞉la isikimi mo duka haliyamale dla hutiyelowama,” diyo.

Yeneses 32:26

Epame Yokob watle epo atlaiyo, “Ma-ala꞉himima. Epapedeme na꞉ mo-tlowama,” diyo. Amasiyama Yokobtapo asiyama ya꞉ watle epo atlaiyo, “Na꞉ yilo inoma sumane. Epalati asiyama na꞉ta wa꞉ye ma-tane dlowepo,” diyo.

Ekesedes 14:24

Epapeleye ma alallowe mateka꞉pi dla hallati Godtapo wuala dulu tle epame dlapa ulli aloweli dulu tle Isip so natipame yia꞉ dla yeitamale hamiyo.

Ma꞉tiyu 14:24

Amasiyama oloma edla ya꞉ alotle tlalo sotapo koa dla alupame mo-kaula dukuslopi dla tamha꞉ha꞉iyo. Epalati mosisita ulo mate puame yia꞉ koa dla heyulati yia꞉tapo sikemte itiyamale mate koa sosolemtamalaiyo.

Ma꞉tiyu 24:43

Amasiyama wua꞉ koko iye woloma malamaiya. Oplamitapo uhalalo oplamita ya꞉ aya dla puluwe alilaye dallepiye, ya꞉ ma-dinapo polomama ompollepe. Epame uhalalo oplamita mo-pulati natipame ya꞉ye dodolomelepe.

Maka 13:35

Epapedeme aya yoye na꞉po. Epedeme wua꞉ woloma omha꞉ha꞉iye. Adipalati, wua꞉ powua꞉malamana, na꞉ta puluwe alilaye. Epapedeme pona꞉malamana, tamila꞉la puluwe, o utula꞉la dukuslopi puluwe, o iki ala yulumhallati puluwe, o utulala ikadepe puluwe.

Maka 6:47

Epame tamila꞉la eta ya꞉ alotle tlalo so koaye mo-kaula dukuslopi dla tamhallati Yesu meyelope tamali dla ala me-halaiyo.

Ka꞉dle molo atlale yu Lukta ilimale 12:38

Epedeme pona꞉malamana, dokopala oplamita puluwe alilaye. Ya꞉ utula꞉la dukuslopi dla puluwe, o ala iki yulumhallati puluwe. Amasiyama ka꞉dlepo, ya꞉ oko sotapo ya꞉ta pua dla dalemha꞉ha꞉mama me-omha꞉ha꞉lepiye, eta ya꞉ natipo yia꞉ dla siyelepe.

Ka꞉dle molo atlale yu Lukta ilimale 24:28

Yia꞉ Emaus mo mateka꞉pi dla pumha꞉ha꞉mama Yesuta yia꞉ watle epo atlaiyo, “Na꞉ hema pohedlowa. Amasiyama na꞉ ala me-tlowama,” diyo.

Ka꞉dle molo atlale yu Yonta ilimale 1:13

Epapedeme yia꞉tapo God ya꞉ akimlala duwaye, opa ikadepeta owayimlala hohomde api tle po-apena. Amasiyama Godta solotamale tle yia꞉ye God ya꞉ akimlala duwapo.