Maka 2:8 - Kamula

⁸ Amasiyama Yesu yia꞉ta momalampopa꞉leye ma-natipame yia꞉ watle epo atlaiyo, “Wua꞉ adipalati na꞉ta atlale koko dla sikemte momalampopa꞉mama allimpopa꞉ma꞉?

Maka 2:8 Iomraidhean Croise

Ma꞉tiyu 12:15

Epedeme Yesu yia꞉ta yu hatitimpopa꞉le koko dalepame ma mo hale dla taiyo. Epalati opa hapulomatapo ya꞉ dolumtamalaiyo. Epapalati ya꞉tapo yia꞉ dla esusulumale hutiyele hapulomaye ka꞉ka꞉depame yia꞉ watle itiyamale mate epo atlaiyo,

Ma꞉tiyu 16:7

Amasiyama Yesu ya꞉ alotle tlalo sota koko i dalepame yiskamu yia꞉ dulu dla esempopa꞉mama epo atlamyaiyo, “Dita daya pohame pulalo wekele koko tle Yesutapo di natipo yu epo atlapo,” demyaiyo.

Ma꞉tiyu 9:4

Amasiyama Yesu yia꞉ta momalamale ma-natipame epo atlaiyo, “Wua꞉ adipalati na꞉ta atlale kokoye batalipo momalampopa꞉mama sikemte allimpopa꞉ma꞉?

Maka 2:7

“Oplami iye adipalati ipo atlo? Ya꞉ God hi mate putlopo atlalepo. Adipalati, hatlo God dla itiyamale elapo, opa batalimale hiyotimoloweye,” dempopa꞉iyo.

Maka 2:9

Wua꞉ akoloyale oplami i natiya. Ya꞉ dla koko adipo atlowe tlo kokaleta꞉? ‘Na꞉ta wa꞉ batalimaleye ma-hiyostalepo,’ dlowe kokota kokaleta꞉? O, ‘wa꞉ sila꞉time wa꞉ wa꞉ya hame ma-tane,’ dlowe kokota kokaleta꞉?

Maka 7:21

Epedeme oplami dupa dulu tle ipapele kokota wowoyamdepo, eye batalimale koko malamolowe, epo opa mate wola꞉ mate uhalomolowe, epo upo alisisi uhalowe, epo ya꞉mkale yumuluwe, epo ya꞉mkale ya꞉llu mate ya꞉mkale ya꞉wolali mate uhalowe,

Ka꞉dle molo atlale yu Lukta ilimale 24:38

Epalati asiyama Yesuta yia꞉ watle epo atlaiyo, “Wua꞉ adipalati epo sikemte wowota꞉mama totokoleyaple kokota wua꞉ dulu dla elema꞉?

Ka꞉dle molo atlale yu Lukta ilimale 5:22

Amasiyama Yesu yia꞉ta momalamale ma-natipame epo atlaiyo, “Wua꞉ adipalati na꞉ta atlale koko dla sikemte momalampopa꞉mama allimpopa꞉ma꞉?

Ka꞉dle molo atlale yu Lukta ilimale 6:8

Epapele tlope yia꞉ta malamaleye Yesuta momalanatipame do seme powale oplami watle epo atlaiyo, “Wa꞉ sila꞉time haliyamale hema puame halane,” diyo. Epalati do seme powale oplamita sila꞉time haliyamale dla tuwame halaiyo.

Ka꞉dle molo atlale yu Yonta ilimale 21:17

Epame ma dapahatlope oloma dla Saimon watle epo atlaiyo, “Saimon, Yon yami, wa꞉ na꞉ye sikemte malahalema꞉?” diyo. Epalati Pitatapo Yesuta ma dapahatlope oloma dla atlemama wa꞉ na꞉ye sikemte malahalema꞉ dlati dalepame sikemte dupa koliyo. Amasiyama ya꞉tapo asiyama epo atlaiyo, “Lod, koko hapulomaye wa꞉ malastana. Epedeme wa꞉malamana, na꞉ta wa꞉ sikemte malahala kokoye,” diyo. Epalati Yesutapo ya꞉ watle epo atlaiyo, “Na꞉ sipi aliya haloye woloma ilimhalane.

Ka꞉dle molo atlale yu Yonta ilimale 6:64

Yesu ya꞉ tatle ma-natiyo, opa anawolotapo ya꞉ dla pomikadepe dlalo wekelowe soye. Epame ya꞉ye hamame opahale do tama dla homellowe oplami mape ma-natiyo. Epapedeme ya꞉tapo yia꞉ watle epo atlaiyo, “Opa opi wua꞉ dulu dla ha꞉ha꞉ye ala na꞉ dla pomikadepe desema.

Taiya dle so 5:3

Epalati Pitata Ananayas watle epo atlaiyo, “Wa꞉ adipalati Saitenta wa꞉ta malamale dla oko ha di? Epo adipalati God ya꞉ Hela꞉dle Soko dla elemala natimama wa꞉ ta꞉la mani seme hemele himi?

Taiya dle so 8:22

Epedeme wa꞉ watapo wa꞉ta batalipo malampolaleye memelepame God dla inoma sumane. Epalati pona꞉malamana, ya꞉tapo wa꞉ta batalipo malamaleye howahapo hiyostlowe sepena,” diyo.

Hibulu 4:13

Epapele dulu dla koko hapulomatapo God tle hemele pohatiyomeleme elasema. Amasiyama koko hapulomatapo ya꞉ inoma dali dla hutiyepo. Epedeme God hatlo hema ditapo diskamu di koko hapulomaye bobotimatimelepe.

Bobotimatimale 2:23

Epame na꞉tapo ya꞉ dolumalalo opa hapuloma ma potimolowepo. Epalati sos hapulomatapo koko i natimama na꞉ye opata malamale mate epo dupa dulu mate tlamalalo oplami dlepe. Epedeme na꞉tapo wua꞉ watle wua꞉ta halomha꞉ha꞉le asiyama mate ala꞉le hapilowepo.