Maka 16:1 - Kamula

¹ Epame Yu sota inoma sumalalo alilata tamila꞉la ma-tame mogudlati Meli Magadalin mate epo Meli Yeims ya꞉ wai mate epo Salome mate ka꞉depo ullu pamalalo dakopala Yesu moto dla huhutupiliyelowe halomaiyo.

Maka 16:1 Iomraidhean Croise

Yeneses 50:2

Epame ya꞉ opa watle yu hamimama ya꞉ a motoye hapele hutulala depame woloma dinapiya diyo.

Maka 14:3

Yesu Betani mo dla Saimon kapala batalimale oplami aya dla taiyo. Ya꞉ edla hetame daya dempollati a꞉ya hale isilako dla ullu ka꞉depo pamalalo dakopala tipo hampuaiyo. Ya꞉ puame isilako glastepo Yesu dokopala di dla simaiyo.

Maka 14:8

Epedeme a꞉ya itapo ya꞉ta haleli dle kokoye na꞉ dla halëpo. Ya꞉tapo na꞉ motota wabasi dulu dla elloweye malamama dakopalata na꞉ dla simalepo.

Maka 15:40

Epame wola꞉ opi Yesu mate Ga꞉lili tle pumulale sota pateka꞉mu tle Yesu dali yekelemhimili di dla ellati omha꞉ha꞉iyo. Alumale dulu edla ha꞉ha꞉le so wola꞉ye Meli Magadalin mate epo Meli hale (Yeims yimka꞉mala mate Yosep mate yia꞉ wai), epo Salome matepo. Epeleye wola꞉ dapahatlope iwoloye Yesu mate Ga꞉lili dla siyamama Yesuye gademsiyamaiyo.

Maka 15:42

Epame ma tamila꞉la oloma edla Yosep Alimatiya oplamita Paelet hala dla taiyo. Ya꞉ mape Yu so dokopala oplami hale halemama God ya꞉ mo kokota puluwe dla omhalaiyo. Epeleye Yu so inoma sumalalo alila umuluwe mo-mateka꞉pi hallati ya꞉tapo powota꞉lalo Paelet watle Yesu moto hame tlowedeme tame daliyo.

Maka 15:47

Amasiyama Meli Magadalin mate epo Meli Yosep ya꞉ wai mateta Yesu moto hamatili moye me-natiyo.

Maka 16:2

Epame Sande alila utulala ikadepe sali mo-matamhallati yia꞉ Yesu wabasi natila taiyo.

Maka 16:8

Epalati wola꞉tapo wabasi tle wowota꞉le mate ullumtamalemama eseselalalimtamalaiyo. Amasiyama yia꞉ api duka dla tamalemama oplami hale po-atlaiyo. Adipalati, yia꞉ sikemte wowota꞉le mate tamalaiyo.

Ka꞉dle molo atlale yu Lukta ilimale 23:54

Amasiyama alila oloma eye Yu sota inoma sumolowe alilata mo-kotiyamalati apiyo.

Ka꞉dle molo atlale yu Lukta ilimale 23:56

Epame yia꞉ ma ilame tame dakopala ullu ka꞉depo pamalaloye Yesu moto dla huhutupiliyelowedeme dinapiyo. Amasiyama yia꞉ Yu sota inoma sumolowe alilata mo-kotiyamalati Mosesta aiyalma hatitimale e dolumama aseka hedepo popa꞉iyo.

Ka꞉dle molo atlale yu Lukta ilimale 24:1

Sande alila utulala ikadepe wola꞉ iwolota yia꞉ta ullu ka꞉depo pamalalo dakopala dinapeleye halopo Yesu wabasi dla tamalaiyo.

Ka꞉dle molo atlale yu Yonta ilimale 19:25

Epapele dulu dla Yesu ya꞉ wai mate epo ya꞉la mate epo Kolopas ya꞉llu Meli mate epame Meli Magadalin mateta Yesu dali yekelemhimili di dla ellati isili tle omha꞉ha꞉iyo.

Ka꞉dle molo atlale yu Yonta ilimale 19:31

Epapedeme alila eye Yu sota inoma sumalalo alila koko dla dinapolowe alilapo. Amasiyama yia꞉ta inoma sumalalo alila eye pta koko pato. Adipalati, yia꞉ta Namilatale daya dele ma me-elaiyo. Epapele koko tle Yu so dokopala sotapo posolotamaiyo, opa moto etapo yia꞉ta inoma sumalalo alila edla dali yekelemhimili di dla me-hutiyeloweye. Epammama yia꞉ta Paelet watle epo atlaiyo, “Opa dali yekelemhimili di dla hutiyeye hapele pallipo depame hete hauwokokopo moto isili dla halopo malame ma alikili dla halopo taiya,” diyo.