Maka 14:28 - Kamula

²⁸ Epame Yesu ma epo atlaiyo, “Amasiyama na꞉ powale tle ma sila꞉tipame na꞉ tatle tame Ga꞉lili dla wua꞉ omhallowepo,” diyo.

Maka 14:28 Iomraidhean Croise

Ma꞉tiyu 16:21

Epame oloma etle Yesutapo ya꞉ alotle tlalo so watle ya꞉ta polowe kokoye atlamsela꞉lowe kotiyamaiyo. Epammama ya꞉ta yia꞉ watle epo atlaiyo, “Na꞉ye Yelusalem dla hetlati Yu so dokopala so mate epo aiyalma aya dokopala so mate epo aiyalma imalalo so mateta na꞉ dla wotiyalle hamilipe. Epame opata na꞉ye yumulati wabasi dulu dla powame elepo alila dapahatlope dla ma pasakalo depame sila꞉tilipe,” diyo.

Ma꞉tiyu 26:32

Epame Yesu ma epo atlaiyo, “Amasiyama na꞉ powale tle sila꞉tipame na꞉ tatle tame Ga꞉lili dla wua꞉ omhallowepo.”

Ma꞉tiyu 28:10

Epalati Yesuta yia꞉ watle epo atlaiyo, “Wua꞉ ase sikemte wowota꞉miya. Wua꞉ tame na꞉ alotle tlalo soye atlaiye, yia꞉tapo tame Ga꞉lili dla na꞉ natilipo,” diyo.

Ma꞉tiyu 28:16

Yesu ya꞉ alotle tlalo so 11ta Yesuta atlale yu dolumama Ga꞉lili dla tame tamali hale dla hetaiyo.

Ma꞉tiyu 28:7

Epame wua꞉ ma hapele tame ya꞉ alotle tlalo so watle ipo atlaiye, ‘Yesuye ma-sila꞉time hetana. Epame ya꞉ tatle tame yia꞉ye Ga꞉lili dla ompolapo. Yia꞉ edla tame ya꞉ye natilipe,’ diye. Iye na꞉ yupo, wua꞉ dla.”

Maka 14:29

Epalati Pitata asiyama Yesu watle epo atlaiyo, “Opa hapulomatapo wa꞉ salepame potlepiye, asiyama hatlo na꞉ tlo wa꞉ posaliyome tlowa,” diyo.

Maka 16:7

Epedeme wua꞉ tame Pita mate epo Yesu ya꞉ alotle tlalo so opi mate dla atlaiye, yia꞉tapo Ga꞉lili dla telepo depame. Adipalati, Yesuye ya꞉ tatle tame Ga꞉lili dla yia꞉ye ompolapo. Epedeme yia꞉ tame Ga꞉lili dla Yesuye natilipe. Adipalati, Yesuta ka꞉yapa yia꞉ watle koko iye ma-atluwapo.”

Ka꞉dle molo atlale yu Yonta ilimale 21:1

Epame ma alotle Yesutapo ya꞉ alotle tlalo sota Ga꞉lili kaula peleyama dla tame siyamalati edla woyamaiyo. Epapeleye koko itapo ipo woyamaiyo.