Maka 14:1 - Kamula

¹ Godta Namilatale daya dele dlowe mate epo Isip mo tle alikili dla woyamale malamale daya dele dlowe mate alila dapiyamte umuluwe ma a꞉ma hutiyeiyo. Epalati aiyalma aya dokopala so mate epo aiyalma imalalo so mateta esemama isikimi mala-atlale koko tle Yesuye hampo yumuluwedeme api totamaiyo.

Maka 14:1 Iomraidhean Croise

Yeneses 37:18

Amasiyama Yosepta ala pateka꞉mu tle pumhallati ya꞉ bapadulotapo natipame ya꞉ye yumuluwedeme yu himimama epo atlamyaiyo, “Milamalo natilalo oplami mo-puapo!

Ekesedes 12:1

Epedeme Moses mate epo A꞉lon mate ala Isip mo dla me-ha꞉ha꞉lati Godta yia꞉ watle epo atlaiyo,

Ma꞉tiyu 12:14

Epalati Pa꞉lisi sotapo koko i natipame siyalasiyalademama yia꞉ta inoma sumalalo aya tle alikili dla tamalaiyo. Yia꞉ tame yiskamu yia꞉ dulu dla Yesuye adipo hampo yumpa꞉ dle kokoye esemaiyo.

Ma꞉tiyu 6:2

Epapele dulu dla wa꞉ atali so watle alisisi halopiliwedeme haliyamale opa inoma dali tle halopimiya. Adipalati, yiskamu pepeyalimalalo sotapo opata yia꞉ tlo ka꞉ka꞉dle so dlepo depame ipapele kokoye inoma sumalalo aya dla epame mo duka dla halomsiyamdepo. Epedeme na꞉ ikadepe koko wua꞉ watle atlema. Yia꞉ta epapele koko halomha꞉ha꞉lati opata yia꞉ natipo sisiyemha꞉ha꞉ tle yia꞉ asiyama ma-hamha꞉ha꞉po. Epapedeme yia꞉ God tle asiyama hale pohalowa.

Maka 14:12

Isip mo tle alikili dla woyamale malamale daya dele kotiyamale alila dla Yu sota Godta Namilatale daya dele tatle dlowedeme sipi aliya haloye poyumdiyo. Epedeme Yesu ya꞉ alotle tlalo sota Yesu watle epo atlaiyo, “Di hadima tame Namilatale daya dloweye dinapopa꞉?” diyo.

Maka 14:2

Amasiyama yia꞉ yiskamu epo atlaiyo, “Di daya dele dulu dla ya꞉ye poyumuluwa. Adipalati, opata siyaladle ta꞉dlala,” diyo.

Ka꞉dle molo atlale yu Yonta ilimale 11:47

Epapalati aiyalma aya dokopala so mate epo Pa꞉lisi so mateta Yu so dokopala so hapuloma sisilapame epo atlaiyo, “Di apa koko hapa꞉? Adipalati, oplami iye ulugiyemale koko pasatale mo-halomsela꞉po.

Ka꞉dle molo atlale yu Yonta ilimale 13:1

Yu sota Namilatale daya dlowe alilata mo-mateka꞉pi hallati Yesu ya꞉ ma malamaiyo, ya꞉ta ta꞉lamo i saliyome ma ya꞉ A hala dla hetlowe alilata mo-mateka꞉pi dla puaye. Epapedeme ya꞉tapo ta꞉lamo hema halemama ya꞉ alotle tlalo soye sikemte bokotiyapo malamale mate halemama ya꞉ta polowe sukulu dla tame gudiyo.

Taiya dle so 12:4

Helod ya꞉ solotamaiyo, Godta Namilatale daya dele alilata gudlati opa inoma dali dla Pitaye yumuluwedeme. Epammama Pitaye aseka amtuwale aya dulu dla ka꞉staiyo. Epame ya꞉ opahale so 16 hohopame Pitaye woloma omha꞉ha꞉iye diyo.