Maka 12:36 - Kamula

³⁶ Deibiditapo meyelo Hela꞉dle Soko tle ipo atluwapo, ‘Godta na꞉ Lod watle epo atluwapo, Wa꞉ na꞉ dowala tiyama dla polane. Epalati na꞉tapo wa꞉ watle opahale demha꞉ha꞉ soye wa꞉ hete sitali isili dla hatitimolowepo,’ duwapo.

Maka 12:36 Iomraidhean Croise

Ma꞉tiyu 5:35

Epame ta꞉lamo hi sepame aiyalma posolowa. Adipalati, eye Godta ya꞉ hete kellepo pollalo mopo. Epame Yelusalem mo hi sepame aiyalma posolowa. Adipalati, mo eye dokopala oplami ya꞉ mopo.

Taiya dle so 1:16

“Mikadepe dle so namkadulo, na꞉ta wua꞉ watle Yudas kokoye atlowepo. Ya꞉ye di alumale dulu dla dia꞉ mate oko hatlo hamsela꞉uwapo. Epapele tlope ya꞉tapo Yesuye opahale so dla hamame iwapo. Epalati asiyama aiyalma aya dokopala sota ya꞉ watle mani hamiwapo. Epalati Yudastapo mani e hamtame ta꞉la hauwapo. Epedeme ya꞉ ta꞉la edla tame teyumama kokota hopostepo elepalota gowala tulumama pouwapo. Epalati Yelusalem so hapulomata koko i dalepo, ta꞉la iye yia꞉ yu mate hi ipo sauwapo, ‘Akeledama.’ Hi i ya꞉ dulu kokoye omali ta꞉la demama apopo. Epapedeme God yu bukata atlale yuye mo-mikadepe duwapo. Adipalati, Hela꞉dle Sokota imale tle Deibidita Yudas kokoye mo-powataliya God yu buka dla ilimuwapo. Epapele tle ya꞉ Sam buka dla yu eye ipo ilimuwapo, ‘Ya꞉ ayata aya siyapo hallepe, oplami haleta pohallowa.’ Epame ma epo ilimuwapo, ‘Oplami haletapo ya꞉ oko ipiye halepe.’”

Taiya dle so 28:25

Epammama yia꞉ dulu dla duka gladepame yu dlomuwa. Epame yia꞉ta mo-tlowedeme popa꞉lati Polota pomikadepe dle so dla yu hatlo itlo atluwa, “Hela꞉dle Sokotapo ikadepe kokoye God tle yu hapame molo atlalo oplami Aisaya tle wua꞉ mamadulo dla yu ipo atluwapo,

1 Kolin 15:25

Kelisotapo ya꞉ dla opahale dlalo so hapulomaye ya꞉ hete sitali isili dla ipila꞉lowe alila dla ompumama ya꞉tapo dokopala depo hallepe.

2 Timoti 3:16

Epedeme God yu bukaye, e God yu ikadepepo. Epapedeme God yu bukatapo opaye imhalemama opata api hotlati matle ikadepe api dla elempua demhalapo. Epame God yu bukatapo opata ka꞉depo ha꞉ha꞉lowe kokoye imhalapo, God ya꞉ opata ka꞉ka꞉dle koko siyapo tlo halomha꞉ha꞉lowe ala꞉po ha꞉ha꞉lepo depame.

Hibulu 1:13

Epapele dulu dla Godtapo banakaka oplami hale dla yu po-ipo atlana, “Wa꞉ na꞉ dowala tiyama dla polane. Wa꞉ pollati na꞉tapo wa꞉ watle opahale demha꞉ha꞉ soye wa꞉ hete sitali isili dla hatitimolowepo,” pe-epo atlana.

Hibulu 4:7

Epedeme Godtapo dita u-ulapo tulupo depame ma alila hale himiwapo. Alila eye wata ipo. Adipalati, ma alotle Godtapo Deibidi tle dita mo-malamale yu hema mamisika꞉ epo atluwapo, “Watapo wua꞉ God yu dalepame wua꞉ dupa kokalalimiya,” duwapo.

1 Pita 1:11

Epalati Keliso ya꞉ Sokotapo yia꞉ dulu dla halemama Kelisotapo wotiyalle hapame ma dokopala depo hallowe kokoye imduwapo. Epapedeme yia꞉tapo Kelisota adipalalo woyamolowe depame woloma totamha꞉ha꞉mdiyo. Epame oplami anaye Keliso depa꞉ demha꞉ha꞉mdiyo.

2 Pita 1:21

Adipalati, God yu buka dulu dla molo atlale yu haleta isikimi opata malamale tle popuana. Amasiyama Hela꞉dle Sokotapo opa dulu dla hallati yia꞉tapo God tle yu eye hapame ma atlamsiyamuwapo.