Ka꞉dle molo atlale yu Lukta ilimale 7:8 - Kamula

⁸ Epame ya꞉ ma epo atla, ya꞉ ma opa opi isili tle oko hamhalemama yia꞉ yu dla salladepo sela꞉mduwo. Epame ya꞉ ma ya꞉ isili dla oko halalo so opa opi me-ha꞉ha꞉uwo. Epedeme ya꞉tapo ewolo watle huma taiya dlati yia꞉ ma tamduwo. Epame hema puaiya dlati yia꞉ ma pumduwo. Epame koko e haiya dlati yia꞉ ma koko e hamduwo. Epedeme ya꞉ koko epapele hamdedeme, wa꞉ ma isikimi metle halemama yu tlo atlepo de, ya꞉ oko oplamita ka꞉dlepo depame.”

Ka꞉dle molo atlale yu Lukta ilimale 7:8 Iomraidhean Croise

Ka꞉dle molo atlale yu Lukta ilimale 7:7

Epame ya꞉ ma wa꞉ hala dla puluweye pase malamasemuwo. Epapele tlope ya꞉ solotamuwo, wa꞉tapo isikimi wa꞉ta hala metle ya꞉ oko oplamita ka꞉dlepo depame yu tlo atlane, de.

Ka꞉dle molo atlale yu Lukta ilimale 7:9

Epalati Yesuta opahale omhallalota yu hamili dalepame sikemte yeliyo. Epame opa alumale ya꞉ dolumpuale dla helestame omhalemama epo atlaiyo, “Na꞉ta Isalael mo dla sela꞉uwa dla mikadepe dle kokalle oplami ipapele ponatimdena,” diyo.

Taiya dle so 23:17

Epalati Polota opahale so omhallaloye sisilapame ya꞉ watle epo atlaiyo, “Maseyemala iye wua꞉ dokopala oplami watle yu hame puana, epedeme ya꞉ hala dla hamame tuwane,” diyo.

Taiya dle so 23:23

Epame opahale so dokopala oplamita opahale so omha꞉ha꞉lalo dapiyamte sisilapame yia꞉ watle epo atlaiyo, “Wua꞉ wata Poloye Kasaliya mo dla semtaiya. Wua꞉ta tamama 200 opa aipa꞉ya halomale mate epo 200 opa kosele halomale mate epame 70 opa aliya koa tle tlowe so mate hohopame Kasaliya dla tlowedeme dinapiya. Wua꞉ epo dinapopame wata utula꞉la opata mo-hutiyelati Kasaliya dla telepe. Wua꞉ epammama Polo watle aliya koa hale hamilipe, ya꞉tapo gamani oplami Peliks watle woloma tame woyamelepo depame,” diyo.

Taiya dle so 23:26

“Namkale gamani oplami Peliks, na꞉ye Kolodiyas Lusiyaspo.

Taiya dle so 23:31

Epalati utula꞉la oloma edla opahale sota yia꞉ dokopala oplami yu dalepo Poloye Kasaliya dla semtamalemama api duka Antipatlis mo dla puame woyamaiyo.

Taiya dle so 24:23

Epame Peliksta ma opahale so omhallalo hale watle epo atlaiyo, “Wua꞉ Poloye woloma omha꞉ha꞉mama ya꞉ dla upiyele koko hale hamimiyo. Epammama ya꞉mkadulota ya꞉ watle namkale dle alisisi hapilowe apiye pohimomollowa,” diyo.

Taiya dle so 25:26

Amasiyama koko hema na꞉ta di pato oplami Sisa watle Polo koko dla yu ilipo hamiloweye yu hawa halema. Epedeme na꞉ta ya꞉ye wua꞉ mila꞉pi tle seme ma-ta. Epapedeme Agilipa, wa꞉ta ya꞉ watle atlanatine. Epame asiyama yu ya꞉ta wa꞉ watle atla dalepo gudepame na꞉ watle atlane. Epalati na꞉ta yu eye ilipo Sisa watle hamilowepo.

Kolosi 3:22

Epame asiyama pa꞉le dla oko halalo so, wua꞉ ta꞉lamo hema wua꞉ dokopala so yu dla woloma salladepo siyamama yia꞉ okoye woloma halomha꞉ha꞉iya. Epammama hatlo yia꞉ta wua꞉ omha꞉ha꞉lati oko ka꞉pi hali demiya. Adipalati, oko halowe dla sasalalimale soye isikimi yia꞉ dokopala sota yia꞉ omha꞉ha꞉lati natipame oko ka꞉pi halomdepo. Epedeme wua꞉ woloma wua꞉ dupa dulu tle solotamale mate wua꞉ dokopala so okoye ka꞉pi halomha꞉ha꞉iya. Adipalati, ipapele kokotapo wua꞉ta wua꞉ Lod wowota꞉le kokoye botomastamdepo.