Ka꞉dle molo atlale yu Lukta ilimale 7:47 - Kamula

⁴⁷ Epapedeme na꞉ta wa꞉ dla ikadepe koko atlema. A꞉ya i ya꞉ batalimale hapulomaye mo-howahapo wellipo. Epedeme ya꞉tapo na꞉ sikemte malamale kokoye haliyamale dla botomastalepo. Amasiyama oplami antapo na꞉ta ya꞉ batalimale yimka꞉malaye howahapo wellipiye, asiyama ya꞉ta na꞉ malamaleye pase pato,” diyo.

Ka꞉dle molo atlale yu Lukta ilimale 7:47 Iomraidhean Croise

Ma꞉tiyu 10:37

Oplami antapo ya꞉ a mate epo ya꞉ wai mate epo yami mate epo yoti mate dla sikemte malamale pato himhalemama, asiyama na꞉ dla malamale yimka꞉mala himhallepiye, ya꞉ye na꞉ dolumtlowe po-ala꞉na.

Ka꞉dle molo atlale yu Lukta ilimale 7:39

Epalati Pa꞉lisi oplami Saimonta koko e natipame epo momalampolaiyo, “Oplami iye ikadepe God tle yu hapame molo atlalo oplami dematiye, eta a꞉ya ya꞉ umpolaye malanatilimla. Adipalati, a꞉ya iye batalimale a꞉yapo,” diyo.

Ka꞉dle molo atlale yu Lukta ilimale 7:46

Epame wa꞉tapo dakopala ullu ka꞉dle mate na꞉ dokopala dla posimana. Amasiyama a꞉ya itapo na꞉ hete dla simalepo.

Ka꞉dle molo atlale yu Lukta ilimale 7:48

Epame Yesuta a꞉ya watle epo atlaiyo, “Wa꞉ batalimale hapulomaye mo-howahapo wellipo,” diyo.

Taiya dle so 5:31

Epedeme Godtapo Yesuye powale tle ma pasakalo depame ya꞉ dowala tiyama dla pamoluwapo, ya꞉tapo dokopala halemama pasakalo gadlalo oplami hallepo depame. Epapedeme hatlo ya꞉ dla itiyamale elapo, Isalael so hapulomata yia꞉ta malamale meyelope depame yia꞉ bobtalimale tle heheletimalati ya꞉tapo yia꞉ bobtalimaleye howahapo weliloweye.

Loum 5:20

Epapedeme Godtapo opa dla ya꞉ aiyalma kokoye hamiwapo, yia꞉tapo yia꞉ta batalimale koko sikemte halomha꞉ha꞉ye malanatilipo depame. Epapele dulu dla batalimale kokotapo sikemte ta꞉mtlati asiyama Godta bokotiyapo malamale mape sikemte ma-a꞉ma ta꞉mtapo.

2 Kolin 5:14

Adipalati, Kelisota bokotiyapo malamaletapo dia꞉ye elemsiyamapo. Ame adipalati, dimalamana, oplami hatlopetapo opa hapuloma yilo pouwapo. Epapele koko tle dita hapulomatapo mo-paliwapo.

Galasiya 5:6

Epele dulu dla kapala kotimolowe koko mate epo kapala pokotimalalo wekelowe koko mateta Keliso dulu dla koko pato pohalasema. Amasiyama mikadepe dle tle yimkadulo bokotiyapo malamolowe koko tlo pato halapo.

Epeses 6:24

Epedeme di Lod Yesu Keliso sikemte malamalalo so opa dla Godta bokotiyapo malamaleta yia꞉ mate hallepe.

Pilipi 1:9

Na꞉ wua꞉ yilo inoma sumale yu pato himima, wua꞉ dulu dla wua꞉tapo yimkadulo bokotiyapo malamolowe kokota ta꞉lepo depame, epame wua꞉tapo God koko malamoloweta sikemte ta꞉lepo depame. Epo na꞉ ma inoma sumale yu hale himima, wua꞉tapo ka꞉dle koko mate batalimale koko mate dulu dla ka꞉dle koko tlo malanatipame halomha꞉ha꞉lepo depame. Epo wua꞉ta epamha꞉ha꞉mama Kelisota puale oloma dla ullu pa꞉talo so depo ha꞉ha꞉lepo depame.

1 Timoti 1:14

Epame di Lodta ya꞉ta polowamale kokoye na꞉ dla sikemte pasatepo hamiwapo. Epapele koko tle na꞉tapo Yesu Keliso dulu dla halemama ya꞉ dla mikadepe dlowe koko mate epame yimkadulo bokotiyapo malamolowe koko mate hauwapo.

1 Yon 1:7

Amasiyama Godta hela꞉dle dulu dla halaye, epammama di ma hela꞉dle dulu dla ha꞉ha꞉lepiye, eta di mikadepe dle so hapulomaye hatlope depo ha꞉ha꞉mama apelepe. Epapalati Yami Yesu omalitapo di bobtalimale hapulomaye howahapame hiyostlepe.

1 Yon 3:18

Na꞉ mamadulo namkadulo, poka꞉dena, ditapo isikimi di mati tle ya꞉mkale bokotiyapo malamolowe kokoye atlamha꞉ha꞉loweye. Amasiyama ka꞉dena, ditapo ya꞉mkale bokotiyapo malamolowe koko ikadepeye moto mate nati-imha꞉ha꞉loweye.

1 Yon 4:19

Dia꞉ dla bokotiyapo malamaleye me-elapo. Adipalati, God tatle dia꞉ye bokotiyapo malamuwapo.

1 Yon 5:3

Adipalati, God sikemte malamolowe ya꞉ dulu kokoye ipo. Ditapo ya꞉ta molo atlale yu dla salladepo siyamelepe. Epedeme ya꞉ta molo atlale yuye dia꞉ dla pase upiyena.