Ka꞉dle molo atlale yu Lukta ilimale 7:27 - Kamula

²⁷ Adipalati, God yu buka dla ipo atlaleye Yon koko atlapo, ‘Na꞉tapo na꞉ yu hamsela꞉lalo oplami tatle tane dlowepo. Ya꞉tapo wa꞉ apiye dinapelepo depame.’

Ka꞉dle molo atlale yu Lukta ilimale 7:27 Iomraidhean Croise

Ma꞉tiyu 11:10

Adipalati, God yu buka dla ipo atlaleye Yon koko atlapo, ‘Na꞉tapo na꞉ yu hamsela꞉lalo oplami tatle tane dlowepo. Ya꞉tapo wa꞉ apiye dinapelepo depame,’ depo.

Maka 1:2

God tle yu hapame molo atlalo oplami Aisayata ya꞉ buka dla ipo hatitimuwapo, “Na꞉ta na꞉ yu hamsela꞉lalo oplamiye tane dlowepo. Epalati ya꞉ tatle tame wa꞉ apiye dinapelepe.

Ka꞉dle molo atlale yu Lukta ilimale 1:76

Amasiyama na꞉ maseyemala, wa꞉ye opatapo di ikadepe dla hallalo God yu molo atlalo oplami dlepe. Adipalati, wa꞉tapo Lodta puluwedeme hallati wa꞉ tatle tame ya꞉ apiye dinapelepe.

Ka꞉dle molo atlale yu Lukta ilimale 7:26

Amasiyama wua꞉ God tle yu hapame molo atlalo oplami natila tamama apuwa? Yao, wua꞉ta tame natiwa oplami Yon eta God tle yu hapame molo atlalo so ka꞉yapa ha꞉ha꞉uwaye ma-tla꞉mtame halapo.

Ka꞉dle molo atlale yu Lukta ilimale 7:28

Epapedeme na꞉tapo ikadepe kokoye wua꞉ watle atlema. Yonta ka꞉yapa ha꞉ha꞉mpuwa opa hapulomaye tla꞉mtame halapo. Amasiyama epapele tlope oplami antapo God ya꞉ mo koko dla yimka꞉mala depo hallepiye, ya꞉tapo Yonye tla꞉mtame halapo,” diyo.

Ka꞉dle molo atlale yu Yonta ilimale 1:23

Epalati asiyama Yontapo God tle yu hapame molo atlalo oplami Aisayata atlale yu mate yia꞉ watle epo atlaiyo, “Na꞉ye dalupa dulu dla sisilamhala oplamipo, Wua꞉ Lod apiye ka꞉depo dolepo himiya.”