Ka꞉dle molo atlale yu Lukta ilimale 7:16 - Kamula

¹⁶ Opa hapulomata koko i natipame sikemte yiyelepame God dla siyele yu ta꞉demyaiyo. Epamyemama yia꞉ta epo atlamyaiyo, “God tle yu hapame molo atlalo oplami patotapo dia꞉ dulu dla mo-woyamalepo. Epame Godtapo ya꞉ opa gadlowedeme mo-pualepo,” demyaiyo.

Ka꞉dle molo atlale yu Lukta ilimale 7:16 Iomraidhean Croise

Ekesedes 4:31

Epedeme Godtapo yia꞉ta wotiyalle dulu dla ha꞉ha꞉leye natipo gadlepe depame, yia꞉tapo God dla heodepo sisiyemama ya꞉ hi di dla ta꞉diyo.

Ma꞉tiyu 15:31

Epapele dulu dla opata koko i natipame sikemte yiyelemama Isalael so yia꞉ God dla siyele pato ta꞉diyo. Adipalati, yu pa꞉talo sota ma yuhamyaiyo, epame moto palli so ma mo-sillipo siyamaiyo, epame akoloyalemale so ma ka꞉ka꞉depo siyamaiyo, epame inoma pa꞉talo so ma ma-tlamaiyo.

Ma꞉tiyu 21:11

Epalati opa alumaletapo asiyama epo atlaiyo, “Iye God tle yu hapame molo atlalo oplami Yesupo. Ya꞉ye Ga꞉lili mo pato dulu dla Nasalet mo yemala tle puapo,” diyo.

Ma꞉tiyu 28:8

Epo atla dalepame wola꞉ta ma ilame hapele sisiyele mate tamalemama me-wowota꞉mtamalaiyo, ya꞉ alotle tlalo so atlamolowedeme.

Ma꞉tiyu 9:8

Epame opa hapulomata koko i natipo yiyelepame God hi di dla ta꞉demyaiyo. Adipalati, Godta itiyamale iye opa dla hamili natipame.

Ka꞉dle molo atlale yu Lukta ilimale 1:65

Epalati mo edla ha꞉ha꞉lalo sotapo koko i natipo wowota꞉iyo. Epame Yudiya tamali mo dla ha꞉ha꞉lalo so mape koko iye dlalemtaiyo.

Ka꞉dle molo atlale yu Lukta ilimale 1:68

“Isalael so yia꞉ Lod God hi di dla ta꞉diya. Adipalati, ya꞉tapo puame asiyama mate dia꞉ye ya꞉ hala dla elempulupe.

Ka꞉dle molo atlale yu Lukta ilimale 19:44

Epame yia꞉tapo wua꞉ aya dodokotipame opa hapulomaye poyulupe. Epame wua꞉ mo dodokotimale dulu edla ewala haletapo ma woloma yimkadulo tama di dla popopa꞉lowa. Epapedeme ipapele kokotapo woyamelepe. Adipalati, Godtapo wua꞉ gadlowedeme puwaye wua꞉ta e woloma pomalanatina.”

Ka꞉dle molo atlale yu Lukta ilimale 2:20

Halo omha꞉ha꞉lalo sota ma ilame tamalemama yia꞉ta dalle koko mate epo tlamale koko mate dla God watle siyele pato ta꞉diyo. Adipalati, yia꞉ta tlamale hapulomaye banakaka oplamita atlamale yu mate ma-ala꞉iyo.

Ka꞉dle molo atlale yu Lukta ilimale 24:19

Epalati Yesuta asiyama ya꞉ watle epo atlaiyo, “Wa꞉ apa koko atlema꞉?” diyo. Epapalati asiyama yia꞉ta ya꞉ watle epo atlaiyo, “Di Yesu Nasalet oplami kokoye atlema. Adipalati, ya꞉ye God tle yu hapame molo atlalo oplami depo halemama God mila꞉pi tle epo opa mila꞉pi tle God yuye itiyamale mate atlamsela꞉mduwapo. Epammama ya꞉tapo ulugiyemale koko patotoye halomsela꞉mduwapo.

Ka꞉dle molo atlale yu Lukta ilimale 5:26

Opa hapulomatapo koko i natipo yiyelepame wowota꞉le mate God dla siyele ta꞉demama epo atlamyaiyo, “Di wata pta ulugiyemale koko pato nati,” demyaiyo.

Ka꞉dle molo atlale yu Lukta ilimale 5:8

Saimon Pitata koko i natipame Yesu hete sitali dla heodepo polomama epo atlaiyo, “Lod, na꞉ tle alikili a꞉ma tane, na꞉ye batalimale oplami,” diyo.

Ka꞉dle molo atlale yu Lukta ilimale 7:15

Epalati maseyemalata sila꞉time polomama yukamalati Yesuta maseyemalaye ya꞉ wai watle semtaiyo.

Ka꞉dle molo atlale yu Lukta ilimale 7:39

Epalati Pa꞉lisi oplami Saimonta koko e natipame epo momalampolaiyo, “Oplami iye ikadepe God tle yu hapame molo atlalo oplami dematiye, eta a꞉ya ya꞉ umpolaye malanatilimla. Adipalati, a꞉ya iye batalimale a꞉yapo,” diyo.

Ka꞉dle molo atlale yu Lukta ilimale 8:37

Epalati Gelasa so hapulomatapo sikemte wowota꞉mama Yesu watle epo atlamyaiyo, “Wa꞉ mo itle alikili dla woyamane,” demyaiyo. Epapalati Yesuta mo-tlowedeme ya꞉ koa dla tulume posokoliyo.

Ka꞉dle molo atlale yu Lukta ilimale 9:19

Epalati asiyama yia꞉ta epo atlaiyo, “Opa opita wa꞉ye Yon opa yú dla ka꞉ka꞉timalalo demdepo. Epame ma opita wa꞉ye Ilaya mle demdepo. Epalati asiyama opita wa꞉ye God tle yu hapame molo atlamalalo so ka꞉yapa ha꞉ha꞉uwa haleta ma ilame puana demdepo.”

Ka꞉dle molo atlale yu Yonta ilimale 1:21

Epalati yia꞉ ma asiyama ya꞉ watle epo atlaiyo, “Ame wa꞉ye anata꞉? Wa꞉ye Ilayata꞉?” diyo. Epalati asiyama ya꞉tapo epo atlaiyo, “Hao, pona꞉,” diyo. Epalati ma asiyama yia꞉tapo ya꞉ watle epo atlaiyo, “Wa꞉ye God tle yu hapame molo atlalo oplami pulupe depo omha꞉ha꞉uwa oplami wa꞉ta꞉?” diyo. Epalati asiyama ya꞉tapo yia꞉ watle epo atlaiyo, “Hao, pona꞉.”

Ka꞉dle molo atlale yu Yonta ilimale 1:25

“Wa꞉ta atlemama, ‘na꞉ye po-Keliso epo na꞉ye po-Ilaya epame na꞉ye podita omha꞉ha꞉uwa God tle yu hapame molo atlalo oplami,’ dlepo. Ame wa꞉ adipalati opaye yú dla ka꞉ka꞉timsela꞉ma꞉?” diyo.

Ka꞉dle molo atlale yu Yonta ilimale 4:19

Epalati asiyama a꞉yata ya꞉ watle epo atlaiyo, “Wa꞉ye God yu molo atlalo oplami hale mle.

Ka꞉dle molo atlale yu Yonta ilimale 6:14

Opa hapulomatapo Yesuta ulugiyemale koko halë i natipame epo atlamyaiyo, “Ikadepe, oplami iye God tle yu hapame molo atlalo oplami dita pulupe depo omha꞉ha꞉uwa oplamipo,” demyaiyo.

Ka꞉dle molo atlale yu Yonta ilimale 9:17

Epame Pa꞉lisi sotapo mamisika꞉ oplami dla atlanatiyo, “Wa꞉ oplami wa꞉ inoma ka꞉dleye ana depo malama꞉?” diyo. Epalati oplamitapo asiyama epo atlaiyo, “Na꞉ ya꞉ye God tle yu hapame molo atlalo oplami dema,” diyo.

Taiya dle so 5:5

Epo atlale oloma edla Ananayasta yu i dalepo powame teyuiyo. Ya꞉ powame ellati kiptalota matime tlukata ya꞉ moto polupo hamtame ta꞉la muwalepo hamatiyo. Epalati opa koko i dalle sota sikemte wowota꞉iyo.

Taiya dle so 7:37

Epedeme Moses hatlo me-ita ya꞉ opa Isalael so watle epo atluwapo, ‘Godta wua꞉ yilo wua꞉ dulu tle ya꞉ yu molo atlalo oplami hale na꞉ sepele hulumelepe,’ duwapo.

Galasiya 1:24

Epalati opa iwolota na꞉ koko dalepame God dla siyele pato ta꞉demdiyo.