Ka꞉dle molo atlale yu Lukta ilimale 6:48 - Kamula

⁴⁸ Ya꞉ye oplamita aya hamama munamu sikemte mumuwalepo alumiti kellepo aya halë epapele some halapo. Adipalati, yúta pupo tulumama aya dla heyulati ayata podokalamhamastana. Ayata me-ka꞉pi kokalepo poluwapo.

Ka꞉dle molo atlale yu Lukta ilimale 6:48 Iomraidhean Croise

Ka꞉dle molo atlale yu Lukta ilimale 6:47

Oplami antapo na꞉ dla puame na꞉ yu dalepame salladepo sela꞉lepiye, ya꞉ye ipapena.

Ka꞉dle molo atlale yu Lukta ilimale 6:49

Amasiyama oplami antapo na꞉ yu dalepame posalladlalo sela꞉ma꞉, ya꞉ye oplamitapo aya hamama munamu pase mumuwallalo wekele epapele some halapo. Adipalati, yúta pupo tulumama ya꞉ aya dla heyulati ayata pokokallalo dokalamhamastauwapo.”

Ka꞉dle molo atlale yu Yonta ilimale 16:33

Epedeme wua꞉tapo na꞉ tle sadle halepo depame na꞉tapo wua꞉ watle koko hapuloma iye ma-atlamalepo. Epapedeme wua꞉ta ta꞉lamo hema ha꞉ha꞉lowe oloma edla wua꞉ ala wotiyalle dulu medla me-ha꞉ha꞉lepe. Amasiyama wua꞉ wota꞉le pa꞉po kokalepo ha꞉ha꞉iya. Adipalati, na꞉tapo ta꞉lamo dokopala oplamiye mo-tla꞉mtame halapo.”

Epeses 2:20

Epedeme wua꞉ye Godta aya halë some halapo. Epapedeme aya hema Taiya dle so mate epo God tle yu hapame molo atlamalalo so opa matetapo saka some ha꞉ha꞉po. Epalati asiyama Yesu Keliso meyelo molopa kestale alumiti some halapo.

2 Timoti 2:19

Amasiyama Godtapo sitali kotiyamama kokalepo himilita ala me-elapo. Sitali koko eye ipo, “Godtapo ya꞉ opaye malastepo halapo. Epedeme oplami antapo atlemama, ‘Na꞉ God dulu dla halema,’ dlepiye, ya꞉ ka꞉dena, batalimale koko hapuloma tle alikili dla woyapo hallepe.”

2 Pita 1:10

Epapedeme mikadepe dle so namkadulo, wua꞉ Godtapo sesalepame sisilamuwa dulu medla ha꞉ha꞉lowedeme sikemte itiyamaiya. Wua꞉ta epapelepiye, wua꞉ poteteyuluwa.

1 Yon 2:28

Epapedeme na꞉ mamadulo, wua꞉ Keliso dulu dla mepo ha꞉ha꞉iya. Epelepiye, wua꞉tapo ya꞉ta puale oloma edla ya꞉ mila꞉pi tle itiyamale mate wowota꞉le pa꞉po ha꞉ha꞉lepe.

Yuda 1:24

Godye itiyamana. Epedeme ya꞉tapo wua꞉ta teteyulala depame gadlepe. Epame ya꞉ye ala꞉na, ya꞉tapo wua꞉ye ullu pa꞉talo so depame ya꞉ta hela꞉dle dla elempupame wua꞉ dla siyele pato hamiloweye.