Ka꞉dle molo atlale yu Lukta ilimale 5:1 - Kamula

¹ Alila hale dla Yesuta Ga꞉lili kaula peleyama dla God yu atlemhallati opa hapulomata dallowedeme alumama sikemte kustimtame elaiyo.

Ka꞉dle molo atlale yu Lukta ilimale 5:1 Iomraidhean Croise

Ma꞉tiyu 11:12

Epedeme Yonta God yu atlamsela꞉uwa oloma etle kotiyapo puame wata oloma hema batalimale sotapo Pepele dimo kokoye batalipo hamastlowedeme sikemte akumyemama ma yia꞉ta eledostla yakomduwapo.

Ma꞉tiyu 14:34

Yesu mate ya꞉ alotle tlalo so mate kaula ulume Genesalet mo dla tame woyapame koa himiyo.

Maka 3:9

Opa hapuloma iwolota Yesu hala dla alumalati Yesuta esusulumale so opiye ka꞉ka꞉diyo. Epalati natipame esusulumale so opi hapulomata Yesu tluka ipi umuluwedeme opa alumale dulu dla sikemte akumtumulaiyo. Epedeme opata epo sikemte akumtumullati Yesuta ya꞉ alotle tlalo so watle epo atlaiyo, “Na꞉ koa hale momolo himme popa꞉iya,” diyo.

Maka 4:1

Alila haleta Yesu Ga꞉lili kaula pili dla imhallati opa hapulomata dallowedeme ya꞉ hala dla puame sikemte alumaiyo. Epalati Yesuta koa dla posokolome yú duka tiyama dla akustepo polomama opaye impolaiyo. Epalati opa hapulomata tamali tle popa꞉mama dalempopa꞉iyo.

Maka 5:24

Epalati Yesuta ya꞉ yu dalepame ya꞉ mate taiyo. Amasiyama dulu edla opa hapulomata Yesu mate tamama sikemte kustipo tamalaiyo.

Maka 6:53

Yia꞉ kaula ulume Genesalet mo dla tame woyapame koa himiyo.

Ka꞉dle molo atlale yu Lukta ilimale 12:1

Oloma edla opa hapulomatapo Yesu hala dla sikemte alumtumama kustipo tame elaiyo. Epalati Yesuta ka꞉yapa ya꞉ alotle tlalo so watle epo atlaiyo, “Wua꞉ wolomape! Pa꞉lisi sota yiskamu pepeyalimde kokotapo daya haka꞉le epapele some halapo. Adipalati, daya amko ka꞉dleye daya haka꞉le mate dukumelepiye, daya amko ka꞉dleye batalimelepe.

Ka꞉dle molo atlale yu Lukta ilimale 5:2

Yesu me-halemama amalo halomalalo sota yia꞉ mata howahalomolowedeme koa dapiyamte tamali di dla hallumhetame hatitimaleye natiyo.

Ka꞉dle molo atlale yu Lukta ilimale 8:22

Alila haleta Yesuta ya꞉ alotle tlalo so watle epo atlaiyo, “Di kaula seme dla ulluwa,” diyo. Epame yia꞉ tulume koa dla alupo ma-tamalaiyo.

Ka꞉dle molo atlale yu Lukta ilimale 8:23

Yia꞉ kaula duka dla mo-ulumha꞉ha꞉lati Yesu ellelati elaiyo. Epalati pakasiyamalalo sokomoko patota bibikilimama kaula dla ulo patotota silliyo. Epame ulo patotota sillimama yia꞉ koa dla yúta pasatapame yia꞉ye koa mate yú dulu dla ollodla yakomaiyo.

Ka꞉dle molo atlale yu Lukta ilimale 8:33

Epalati bataliya yimlala hapulomata oplami etle alikili dla u-ulapo tame ma aliya dulu dla tumulaiyo. Epalati aliya hapulomatapo donapi di tle ullumtulume yú dla tutula꞉mama paliyo.

Ka꞉dle molo atlale yu Lukta ilimale 8:45

Epalati Yesuta epo atlaiyo, “Anta na꞉ye umo?” diyo. Amasiyama opa hapulomata epo atlamyaiyo, “Dita wa꞉ye po-umana,” demyaiyo. Epalati Pitata Yesu watle epo atlaiyo, “Dokopala oplami, opa hapulomatapo wa꞉ mate tamama wa꞉ umamtamalapo,” diyo.

Ka꞉dle molo atlale yu Yonta ilimale 1:40

Epedeme opa dapiyamte iwolo dulu dla oplami hale hiye Endulupo, Saimon Pita ya꞉ ei.

Ka꞉dle molo atlale yu Yonta ilimale 6:1

Epedeme koko ita tame gudlati Yesutapo ma Ga꞉lili kaula seme dla uliyo. Ga꞉lili kaula i ya꞉ hi haleye Taibiliyes kaula demdepo.

Hibulu 13:7

Epame ka꞉yapa God yu wua꞉ dla atlamha꞉ha꞉uwa dokopala so ewolo kokoye momalamha꞉ha꞉iya. Adipalati, yia꞉ta adipo ha꞉ha꞉le koko tle wua꞉ dla siyele hampumduwa e malapame yia꞉ta mikadepe dle koko ma natipame dolumaiya.