Ka꞉dle molo atlale yu Lukta ilimale 3:14 - Kamula

¹⁴ Epame opahale sota Yon watle epo atlaiyo, “Di ma apa koko hapa꞉?” diyo. Epalati asiyama Yontapo yia꞉ watle epo atlaiyo, “Wua꞉ yimkadulo mani uhalowedeme yia꞉ye ha꞉ha꞉limha꞉ha꞉miya. Epame yimkadulo mani uhalowedeme isikimi yia꞉ mala-atlamsiyamiya. Amasiyama isikimi wua꞉ta wua꞉ oko asiyama dla mani hademha꞉ha꞉ dla mepo ha꞉ha꞉iya,” diyo.

Ka꞉dle molo atlale yu Lukta ilimale 3:14 Iomraidhean Croise

Ekesedes 20:16

Epame ya꞉mkale hi mate isikimi mala-atla aiyalma.

Ma꞉tiyu 8:5

Yesu Kapaniyem mo dla tame woyamalati Loum opahale so omhallalo oplamita gadle yilo Yesu watle puame epo atlaiyo,

Ka꞉dle molo atlale yu Lukta ilimale 19:8

Epalati yia꞉ tame Sa꞉kiyes aya dla popa꞉mama Sa꞉kiyesta sila꞉time epo atlaiyo, “Lod, na꞉ wata ipapele koko halowama. Na꞉ na꞉ alisisi semeye atali so watle halopilowama. Epame na꞉ opa mani na꞉ta isikimi elemale tle halomuwaye, ma ilame yia꞉ watle pato halopilowama,” diyo.

Ka꞉dle molo atlale yu Lukta ilimale 3:10

Epalati opata Yon yu dalepame asiyama epo atlaiyo, “Ame di apa koko hapa꞉?” diyo.

Ka꞉dle molo atlale yu Lukta ilimale 3:13

Yonta asiyama epo atlaiyo, “Wua꞉ta opa dla mani halomha꞉ha꞉mama seme wua꞉ta halowa depo malamama ta꞉kis mani himilowe saleye ase sikemte tla꞉mtame hademha꞉ha꞉miya. Amasiyama ala꞉le tlo opa dla hademha꞉ha꞉iya,” diyo.

Taiya dle so 10:7

Epame God ya꞉ banakaka oplamita ya꞉ mate yukamhalepo ma-tlati ya꞉ oko so opa dapiyamte mate epo opahale oplami hale, Yu so yia꞉ God dla mikadepe dlalo mate sisilalimaiyo. Opahale oplami iye Koneliyas gadlalo oplamiyo.

Pilipi 2:15

Adipalati, wua꞉ta epapele koko pohalomalalo ha꞉ha꞉lepiye, eta wua꞉ye God ya꞉ akimlala depame ullu pa꞉le ikadepe ka꞉ka꞉dle so dlepe. Epame dulu edla wua꞉tapo ta꞉lamo hema ha꞉ha꞉mama batalimale so dulu dla tamili some salempopa꞉lepe.

Pilipi 4:11

Epedeme na꞉ dla alisisita pa꞉lati wua꞉ watle alisisi otomama po-atlasema. Amasiyama na꞉ na꞉malamana, na꞉ta adipapele koko dulu dla tulume hallepiye, na꞉ edla alimama pobatalimana desemde.

Taites 2:3

Epame toto wola꞉ ma ipo imane, yia꞉tapo God yu dla mikadepe depame moto mate koko halomha꞉ha꞉lepo depame. Epame yia꞉ atlamane, yia꞉tapo yimkadulo yuye poballalo ha꞉ha꞉lepo depame. Epame yia꞉tapo kawata yú dlopo yiyilamsiyamalala depame yia꞉ye atlamane. Epame yia꞉ta ka꞉ka꞉dle koko halomha꞉ha꞉lati wola꞉ opita yia꞉ natipame yia꞉ dolumelepo depame yia꞉ye imane.

Bobotimatimale 12:10

Na꞉ epalati pepele di tle yu teta꞉le patota epo atla daluwa, “Wata God ya꞉ mo koko mate epo ya꞉ta itiyamale mateta dia꞉ dla mo-pualepo. Epame pasakalo gadlowe koko mape dia꞉ watle ma hamilipo. Epedeme watapo Godta sale Kelisotapo dokopala oplami halapo. Adipalati, Saitenye watapo Pepele di tle ma-ka꞉stalepo. Ya꞉tapo alila hapuloma mate epo utula꞉la hapuloma mate God mila꞉pi tle halemama mikadepe dle so kokoye batalipo atlemhalemduwapo.