Ka꞉dle molo atlale yu Lukta ilimale 24:36 - Kamula

³⁶ Yia꞉ ala koko hema me-yuhampopa꞉lati Yesuta pakasiyamalalo yia꞉ta popa꞉ duka metle me-woyapo halaiyo. Ya꞉ epo halemama yia꞉ watle epo atlaiyo, “Namkadulo, sadleta wua꞉ mate ellepe,” diyo.

Ka꞉dle molo atlale yu Lukta ilimale 24:36 Iomraidhean Croise

Ma꞉tiyu 10:13

Epalati aya dulu edla ha꞉ha꞉lalo sota wua꞉ mate namkale demama sadle mate wua꞉ye elemhetlepiye, wua꞉ta namkale dle yu atlamaletapo yia꞉ mate hallepe. Amasiyama yia꞉ta wua꞉ye pe-elemhetlalo wekelepiye, wua꞉ta namkale dle yu atlamaletapo yia꞉ mate pohallowa.

Maka 16:14

Epame alotle Yesu ma ya꞉ alotle tlalo so 11ta daya dempopa꞉lati tame woyamaiyo. Epame yia꞉ watle yu itiyamale mate epo atlaiyo, “Wua꞉ mikadepe dle pa꞉talo sopo. Wua꞉ adipalati opa opita ka꞉yapa na꞉ natipo puame atlamalati edla pomikadepe dlalo weki?” diyo.

Ka꞉dle molo atlale yu Lukta ilimale 10:5

Wua꞉ mo hale dla tame woyamalati aya hadima eleme hetlepiye, wua꞉ tatle aya edla popa꞉ so watle namkale dle yu atlemama, ‘Godta sadle kokotapo wua꞉ mate hallepe,’ dlepe.

Ka꞉dle molo atlale yu Yonta ilimale 14:27

Epedeme na꞉ta sadleye wua꞉ dla hamima. Sadle na꞉ta hami iye ta꞉lamo sota wua꞉ watle hamilalo pe-epapena. Epapedeme wua꞉ ase dupa sikemte momalamale mate epo wowota꞉le mate ha꞉ha꞉miya.

Ka꞉dle molo atlale yu Yonta ilimale 16:33

Epedeme wua꞉tapo na꞉ tle sadle halepo depame na꞉tapo wua꞉ watle koko hapuloma iye ma-atlamalepo. Epapedeme wua꞉ta ta꞉lamo hema ha꞉ha꞉lowe oloma edla wua꞉ ala wotiyalle dulu medla me-ha꞉ha꞉lepe. Amasiyama wua꞉ wota꞉le pa꞉po kokalepo ha꞉ha꞉iya. Adipalati, na꞉tapo ta꞉lamo dokopala oplamiye mo-tla꞉mtame halapo.”

Ka꞉dle molo atlale yu Yonta ilimale 20:26

Epame Sande hatlo ma-hamastapame Yesu ya꞉ alotle tlalo sotapo aya hatlo medla alupo popa꞉iyo. Oloma edla Tomas ma yia꞉ mate me-polaiyo. Amasiyama yia꞉ kokoloma hapuloma hihimapo popa꞉lati Yesutapo yia꞉ta popa꞉ duka dla woyapo halemama epo atlaiyo, “Sadle mate ha꞉ha꞉iya,” diyo.

Taiya dle so 1:3

Ya꞉ epame wabasi tle sila꞉time 40 alila dulu dla sela꞉mama Taiya dle so watle tame wowoyamsela꞉uwapo, ya꞉tapo ikadepe ma pasakalo dle koko dla yia꞉ta mikadepe dlepo depame. Epo yia꞉ mate sela꞉mama God ya꞉ mo kokoye atlamsela꞉uwapo.

1 Kolin 15:5

Epame ya꞉tapo Pita dla tame woyamuwapo. Epame ma alotle tame ya꞉ alotle tlalo so dla woyamuwapo.

1 Kolin 15:7

Epame ya꞉ye ma Yeims hala dla tame woyamuwapo. Epame matle Taiya dle so opa hapuloma dla tame woyamuwapo.

2 Tesalonika 3:16

Epedeme na꞉ inoma sumale yu himima, koko hapuloma dulu dla sadle hamilalo Lodtapo alila hapuloma dulu dla wua꞉ dla sadle hapilalo hallepo depame. Lod etapo wua꞉ mate hallepe.

Bobotimatimale 1:4

Na꞉ Yontapo Asiya mo dulu dla sos 7 dla namkale dle yu atlema. God halapo, epame ka꞉yapa haluwapo, epame ya꞉ matle hallepe. Epedeme wua꞉ ya꞉ tle bokotiyapo malamale mate sadle mate halomaiya. Epame ya꞉ mila꞉pi dla ha꞉ha꞉lalo Soko 7 tle ma bokotiyapo malamale mate sadle mate halomaiya.