Ka꞉dle molo atlale yu Lukta ilimale 23:54 - Kamula

⁵⁴ Amasiyama alila oloma eye Yu sota inoma sumolowe alilata mo-kotiyamalati apiyo.

Ka꞉dle molo atlale yu Lukta ilimale 23:54 Iomraidhean Croise

Ma꞉tiyu 27:62

Epo alallati Yu sota inoma sumalalo alila dla aiyalma aya dokopala so mate epo Pa꞉lisi so mateta Paelet hala dla tame ya꞉ watle epo atlaiyo, “Isikimi mala-atlalo oplami Yesu itapo epo atlemduwapo, ‘Na꞉ye wabasi dulu dla alila dapiyamte elepame ma dapahatlope alila dla sila꞉tilowepo,’ demduwapo.

Maka 15:42

Epame ma tamila꞉la oloma edla Yosep Alimatiya oplamita Paelet hala dla taiyo. Ya꞉ mape Yu so dokopala oplami hale halemama God ya꞉ mo kokota puluwe dla omhalaiyo. Epeleye Yu so inoma sumalalo alila umuluwe mo-mateka꞉pi hallati ya꞉tapo powota꞉lalo Paelet watle Yesu moto hame tlowedeme tame daliyo.

Ka꞉dle molo atlale yu Lukta ilimale 23:53

Epame ya꞉ Yesu motoye dali yekelemhimili di tle isili dla hame tulume tlukata polupame tei seselemale dulu dla wabasi muwalle dla tuwame himiyo. Wabasi eye ala amko ikadepe, oplami powale moto haleye ala dulu edla pohamatilalo ha꞉ha꞉iyo.

Ka꞉dle molo atlale yu Yonta ilimale 19:14

Epapedeme koko iye yia꞉ta Namilatale daya dele wiki dulu edla yia꞉ta inoma sumalalo alila koko dla dinapele alila dla apiyo. Oloma edla sali inoma mape mo-duka dla umula hetama halaiyo. Epalati Paelettapo Yu so watle epo atlaiyo, “Natiya. Wua꞉ dokopala oplamiye ipo,” diyo.

Ka꞉dle molo atlale yu Yonta ilimale 19:31

Epapedeme alila eye Yu sota inoma sumalalo alila koko dla dinapolowe alilapo. Amasiyama yia꞉ta inoma sumalalo alila eye pta koko pato. Adipalati, yia꞉ta Namilatale daya dele ma me-elaiyo. Epapele koko tle Yu so dokopala sotapo posolotamaiyo, opa moto etapo yia꞉ta inoma sumalalo alila edla dali yekelemhimili di dla me-hutiyeloweye. Epammama yia꞉ta Paelet watle epo atlaiyo, “Opa dali yekelemhimili di dla hutiyeye hapele pallipo depame hete hauwokokopo moto isili dla halopo malame ma alikili dla halopo taiya,” diyo.

Ka꞉dle molo atlale yu Yonta ilimale 19:42

Epapeleye yia꞉tapo yia꞉ta inoma sumolowe alilata mo-kotiyamolowe mateka꞉pi hallati Yesu motoye hapele wabasi edla polomeliyo. Adipalati, wabasi eye mateka꞉piyo.