Ka꞉dle molo atlale yu Lukta ilimale 22:12 - Kamula

¹² Epalati ya꞉tapo aya alupoli pato di dla hallaloye wua꞉ watle nati-ilipe. Wua꞉ epalati dita Godta Namilatale daya dloweye edla dinapelepe,” diyo.

Ka꞉dle molo atlale yu Lukta ilimale 22:12 Iomraidhean Croise

Ka꞉dle molo atlale yu Lukta ilimale 22:13

Epalati Pita mate Yon mate yu i dalepo tame natilati koko hapuloma Yesuta atlamaletapo mepo hutiyela tlamaiyo. Yia꞉ epapalati Namilatale daya dloweye edla dinapiyo.

Ka꞉dle molo atlale yu Yonta ilimale 2:25

Epedeme ya꞉ dla oplami haletapo opata yia꞉ dupa dulu dla malamale hutiye imoloweye po-ala꞉na. Adipalati, ya꞉ tatle yia꞉ dupa dulu dla malamale hutiye hapulomaye mo-malastame halaiyo.

Ka꞉dle molo atlale yu Yonta ilimale 21:17

Epame ma dapahatlope oloma dla Saimon watle epo atlaiyo, “Saimon, Yon yami, wa꞉ na꞉ye sikemte malahalema꞉?” diyo. Epalati Pitatapo Yesuta ma dapahatlope oloma dla atlemama wa꞉ na꞉ye sikemte malahalema꞉ dlati dalepame sikemte dupa koliyo. Amasiyama ya꞉tapo asiyama epo atlaiyo, “Lod, koko hapulomaye wa꞉ malastana. Epedeme wa꞉malamana, na꞉ta wa꞉ sikemte malahala kokoye,” diyo. Epalati Yesutapo ya꞉ watle epo atlaiyo, “Na꞉ sipi aliya haloye woloma ilimhalane.

Taiya dle so 1:13

Yia꞉ Yelusalem dla tame yia꞉ta ha꞉ha꞉lalo aya dla hetaiyo. Taiya dle so iwolotapo aya dulu hema ha꞉ha꞉iyo, Pita mate epo Yon mate epo Yeims mate epo Endulu mate epo Pilipi mate epo Tomas mate epo Batolome mate epo Ma꞉tiyu mate epame Alpiyes yami Yeims mate epame Loum gamani so mate opahale demhalale oplami Saimon mate epo Yeims yami Yudas.

Taiya dle so 20:8

Epalati di aya dulu edla tuloma pasatale ota꞉mtipo popa꞉mama Polo yu dalempopa꞉uwa.