Ka꞉dle molo atlale yu Lukta ilimale 21:25 - Kamula

²⁵ “Epapedeme ulugiyemale kokotapo sali dla epo mama dla epo tamili dla wowoyamelepe. Epalati ta꞉lamo hema kaula dla ulo patotota hehetamama sikemte bibikilimale yu dallepe. Epalati opata sikemte dupa yulumama wowota꞉myelepe.

Ka꞉dle molo atlale yu Lukta ilimale 21:25 Iomraidhean Croise

Ma꞉tiyu 24:29

“Epame wotiyalle alila ita tame gudlati pakasiyamalalo ‘salita sumtlepe. Epalati mamata ma hela꞉dle pohamilowa. Epo tamili mape omapla di dla popa꞉ye ta꞉la dla teteyulupe. Epame itiyamale alisisi omapla di dla ha꞉ha꞉tapo hohoulalumama itiyamale pa꞉lepe.’

Ma꞉tiyu 27:45

Sali mo-dukuslopi dla hallati mo patota motiti tumama sali inoma dapahatlope pololiyo.

Maka 13:24

“Epame wotiyalle alila ita tame gudlati, ‘salita sumtlepe. Epalati mamata ma hela꞉dle pohamilowa.

Maka 13:26

Oloma edla opata Opa Yamiye wuala dulu tle hela꞉dle mate itiyamale pato mate pulati natilipe.

Maka 15:33

Sali mo-dukuslopi dla hallati mo patota motiti tumama sali inoma dapahatlope pololiyo.

Ka꞉dle molo atlale yu Lukta ilimale 21:24

Dulu edla opa opiye opahale so aipa꞉yata potimelepe. Epame opa opiye deata keketipoliyepo asiyama pa꞉le oko halowedeme mo opi dla elemta demha꞉ha꞉lepe. Epalati oloma edla Yelusalemye po-Yu sotapo kolahapame hete dollepe. Yia꞉ me-hete dolemha꞉ha꞉lati Godta yia꞉ta gudlowe alila hamilipe.”

Ka꞉dle molo atlale yu Lukta ilimale 21:26

Epame pepele di dla itiyamale alisisi hutiyetapo houlalimelepe. Epalati opatapo yia꞉ dla apa kokota wowoyama꞉e depame wowota꞉mama powatatalemyelepe.

Taiya dle so 2:19

Epapalati na꞉tapo omapla di dla epo ta꞉la isili hema ulugiyemale koko nalati-iliwepo. Oloma edla ta꞉lamo hema wua꞉tapo omali mate dlapa mate epo namile pato mate tlamelepe.

Bobotimatimale 20:11

Na꞉ matle dokopala oplamita pollalo kamale alisisi pato di dla Godta polla natiwa. Epalati ta꞉lamo mate epo pepele di mateta ya꞉ tle mosukulu potlati oplami haleta ma yia꞉ ponatina.