Ka꞉dle molo atlale yu Lukta ilimale 2:41 - Kamula

⁴¹ Sokomoko hapuloma dulu dla Yesu ya꞉ wai mate ya꞉ a mate Yelusalem dla Godta Namilatale daya dla hetamdiyo.

Ka꞉dle molo atlale yu Lukta ilimale 2:41 Iomraidhean Croise

Ekesedes 12:11

Yia꞉ daya dlomolowedeme woloma tluka alisisi mate epo hete alisisi mate didiyepo popa꞉mama dali ku mape halomelepe. Epame daya e demama ma hapele hahamale mate delepe. Epapedeme daya dele iye semama Godta Namilatale daya dele dlepe.

Ekesedes 12:14

Epedeme Isalael so wua꞉tapo na꞉ta wua꞉ di tle namilatamama wua꞉ yimlala popotimalalo wekele kokoye powowelliwa, woloma sikemte malaha꞉ha꞉mama sokomoko hapuloma dulu dla alila i umulati na꞉ta Namilatale daya dele iye hademha꞉ha꞉lepe.

Ekesedes 34:23

Epapedeme sokomoko hatlo dulu dla wua꞉ opa hapulomatapo dapahatlo oloma dla na꞉ mila꞉pi tle hetame alumademha꞉ha꞉lepe. Adipalati, na꞉ye Isalael so wua꞉ Lod Godpo.

Ka꞉dle molo atlale yu Lukta ilimale 2:42

Sokomoko haleta yia꞉ matle Namilatale daya dlowedeme hetaiyo. Oloma edla Yesuye sokomoko 12 halaiyo.

Ka꞉dle molo atlale yu Yonta ilimale 11:55

Epame Godta Namilatale daya dele alilata mo-teteka꞉mpulati Yu so mo yimlala yimka꞉sikili dla ha꞉ha꞉mtale so opitapo Yelusalem dla hetamalaiyo, yiskamu yia꞉ye God mila꞉pi tle dinapolowedeme.

Ka꞉dle molo atlale yu Yonta ilimale 13:1

Yu sota Namilatale daya dlowe alilata mo-mateka꞉pi hallati Yesu ya꞉ ma malamaiyo, ya꞉ta ta꞉lamo i saliyome ma ya꞉ A hala dla hetlowe alilata mo-mateka꞉pi dla puaye. Epapedeme ya꞉tapo ta꞉lamo hema halemama ya꞉ alotle tlalo soye sikemte bokotiyapo malamale mate halemama ya꞉ta polowe sukulu dla tame gudiyo.

Ka꞉dle molo atlale yu Yonta ilimale 2:13

Epapele dulu dla Yu sota Namilatale daya dele alilata mo-teteka꞉mpulati Yesutapo Yelusalem dla hetaiyo.

Ka꞉dle molo atlale yu Yonta ilimale 6:4

Epapedeme oloma edla Yu so yia꞉ Namilatale daya dele alilatapo ma-teteka꞉mpuaiyo.