Ka꞉dle molo atlale yu Lukta ilimale 15:29 - Kamula

²⁹ Amasiyama ya꞉ta ya꞉ a watle epo atlaiyo, ‘Na꞉tapo sokomoko hapuloma dulu dla wa꞉ oko oplami some wa꞉ yu dla salladepo sela꞉mama oko pato hamhaluwapo. Epapele tlope wa꞉ gaut aliya halo yemalaye na꞉ watle yumpo wa꞉ amkadulo mate dene pe-epamdena.

Ka꞉dle molo atlale yu Lukta ilimale 15:29 Iomraidhean Croise

Ma꞉tiyu 20:12

‘Dia꞉ tlo alila pato sali alemalle dla oko hamha꞉ha꞉lepo. Amasiyama opa iwoloye isikimi sali inoma kiyele dla oko halepo. Epapele tlope wa꞉ adipalati yia꞉ watle mani hapili mepapeleye ma di watle hapi?’ diyo.

Ka꞉dle molo atlale yu Lukta ilimale 15:28

Epalati ya꞉ bapatapo koko i dalepame alimama daya dele dulu dla potuwaiyo. Epapalati ya꞉ atapo puame yami patota daya dele dla tulupo depame ha꞉ha꞉maiyo.

Ka꞉dle molo atlale yu Lukta ilimale 15:30

Amasiyama wa꞉ maseyemala itapo wa꞉ alisisi mate wa꞉ mani mate halopo tame duka dla siyamalalo wola꞉ mate halemama pokadepo pulati asiyama wa꞉tapo ya꞉ dla siyemama aliya kakaliyapeleye yumpame daya pato demha꞉ha꞉pa?’ diyo.

Ka꞉dle molo atlale yu Lukta ilimale 15:7

Epapedeme na꞉ wua꞉ watle mikadepe koko atlema. Pepele dimo dla 99 ka꞉ka꞉dle so koko dla siyele kokota me-elapo. Amasiyama batalimale oplami hatlota ya꞉ batalimale tle malamale meyelope depame ma God hala dla helestlepiye, Pepele dimo dla sikemte siyele patota ellepe.”

Ka꞉dle molo atlale yu Lukta ilimale 17:10

Epapedeme wua꞉ ma epapolowe ka꞉pi. Wua꞉ apa kokoye na꞉ta wua꞉ watle haiya dlepiye, wua꞉tapo koko e halopame ma epo atlowe tlo ka꞉pi, ‘dia꞉ye isikimi oko so. Epapedeme di dita oko hamsiyama iye koko hale halowa depo po-aposema’ dlepe,” diyo.

Ka꞉dle molo atlale yu Lukta ilimale 18:9

Opa opitapo yiskamu yia꞉ tlo ka꞉ka꞉dena depame asiyama opa opi tlo bobtalimana dlalo so dla Yesutapo wayu iye atlaiyo.

Ka꞉dle molo atlale yu Lukta ilimale 19:21

Adipalati, wa꞉ye pta itiyamale oplami, epedeme na꞉ wa꞉ pta wota꞉uwa. Epame na꞉malamana, wa꞉ye wa꞉ta itiyamale tle opa opita hatitimale alisisiye halomdepo. Epame opa opita emale alisisiye hauwalemdepo,’ diyo.

Loum 10:3

Epapedeme yia꞉ mape Godta meyelo opaye ya꞉ mila꞉pi tle ullu pa꞉talo so demhalaye poyia꞉malamana. Amasiyama yia꞉ miyelo itiyamale tle God mila꞉pi tle ullu pa꞉talo so dlowa depo yia꞉ aiyalma dolumha꞉ha꞉ta yia꞉ pogadesema. Epapele koko tle yia꞉tapo ikadepe God mila꞉pi tle ullu pa꞉talo so depo ha꞉ha꞉lowe koko haloweye posolotamasema.

Loum 3:20

Adipalati, isikimi aiyalma koko dolumolowetapo Godta dia꞉ye ya꞉ mila꞉pi tle po-ullu pa꞉talo so dlowa. Amasiyama aiyalmatapo isikimi di bobtalimale kokoye dia꞉ watle haliyamale dla bobotimatimhalapo.

Loum 3:27

Epedeme dia꞉ dla api elema꞉, ditapo diskamu di dla hame hetloweye? Hao, pe-elasema. Adipalati, isikimi mikadepe dle tle dia꞉ye God mila꞉pi tle ullu pa꞉talo so demhalapo. Ditapo aiyalma koko dolumha꞉ha꞉le tle po-aposema.

Loum 7:9

Epapedeme na꞉tapo ka꞉yapa aiyalma koko pomalamalalo haluwa oloma edla na꞉ siyele mate haluwapo. Amasiyama na꞉tapo aiyalma koko malastauwa oloma edla na꞉ naskamu na꞉ye batalimale oplami depame polowedeme haluwa kokoye malastauwapo.

Bobotimatimale 2:17

Epapedeme molo walle oplamitapo Hela꞉dle Sokota sos dla atlemhalaye dallepe. Epedeme oplami antapo mikadepe depo halemama itiyamale mate kokalepo hallepiye, na꞉tapo ya꞉ watle hemele ela mena daya mate epo ewala kamale mate hapilowepo. Ewala hema hi amkoye me-elapo. Epapedeme hi eye oplami haleta poya꞉malamana. Amasiyama yo ewala e halalo oplami tlo ya꞉malamana.”

Bobotimatimale 3:17

Epapedeme wa꞉ta wa꞉skamu wa꞉ye atlemama, ‘na꞉ye alisisi pasatana,’ depame ‘na꞉ dla alisisi ma-ala꞉na,’ demdepo. Amasiyama wa꞉ powa꞉malamata꞉, wa꞉tapo alisisi pa꞉po halemama atali yemala some inoma pa꞉po tidali siyapo sela꞉ye?