Ka꞉dle molo atlale yu Lukta ilimale 11:7 - Kamula

⁷ Epalati wa꞉ amkale aya dulu dla elata epo atellepe, ‘Wa꞉ ma ilame tane. Adipalati, na꞉ mate na꞉ yimlala mate kokolomaye ma-himomeleme hutiyema. Epedeme na꞉ sila꞉time wa꞉ dla alisisi hale pohamilowa,’ dlepe.

Ka꞉dle molo atlale yu Lukta ilimale 11:7 Iomraidhean Croise

Ma꞉tiyu 25:10

Amasiyama yia꞉ ala tuloma yú tilimala tlati a꞉ya hala pulalo oplamita mo-puame woyamaiyo. Epalati hutulli so wola꞉ ya꞉ ompopa꞉letapo ya꞉ mate daya dlowedeme aya dulu dla me-hetaiyo. Yia꞉ aya dulu edla me-hetame popa꞉lati kokolomaye mo-godiyo.

Ka꞉dle molo atlale yu Lukta ilimale 11:8

Amasiyama na꞉ wua꞉ dla ikadepe koko atlema. Ya꞉ta wa꞉ye isikimi namkale depame sila꞉time alisisi pohalopiliwa. Amasiyama wa꞉ta kokoloma dla me-heyulumhalemama otomhallepiye, eta ya꞉tapo sila꞉time wa꞉ dla alisisi halopilipe.

Ka꞉dle molo atlale yu Lukta ilimale 13:25

Adipalati, aya yotapo sila꞉time kokoloma godlepe. Epalati wua꞉tapo alikili tle siyamama kokoloma heyulumyelepe, kokoloma gowaladlepo depame. Epammama epo atlamyelepe, ‘Dokopala oplami, kokoloma gowaladene. Di tuluwama,’ demyelepe. Amasiyama ya꞉tapo epo atellepe, ‘Na꞉ wua꞉ koko pona꞉malamana, wua꞉ apa sota꞉?’ dlepe.

Ka꞉dle molo atlale yu Lukta ilimale 7:6

Epalati Yesuta yu i dalepame yia꞉ mate taiyo. Yesu ala aya mateka꞉pi dla tamhallati opahale omhallalo oplamita ya꞉mkaduloye taiya dlati yia꞉ta puame Yesu watle epo atlaiyo, “Opahale so omhallalo oplamita wa꞉ watle yu ipo hami. Wa꞉ta ya꞉ aya dla tloweye ya꞉ pase malamasemuwo. Adipalati, ya꞉ ya꞉skamu batalimale oplami depame wa꞉ye ya꞉ aya dla pumiyo de.

Galasiya 6:17

Epedeme na꞉ dla ase upiyele hapimha꞉ha꞉miya. Adipalati, na꞉ moto dla ulu hutiyetapo na꞉ta Yesu Keliso ya꞉ oko oplami depo hala kokoye nati-ipo.