Loum 9:16 - Kamula

¹⁶ Epedeme Godta hulumale kokoye opata solotamale tle epo yia꞉ta koko halomde koko tle natipo po-apesemde. Amasiyama Godta isikimi meyelo bokotiyapo malamale tle oplamiye hulumhalapo.

Loum 9:16 Iomraidhean Croise

Ma꞉tiyu 11:27

Yesu ma opa watle epo atlaiyo, “Na꞉ Atapo koko hapulomaye na꞉ watle ma-halopiwapo. Oplami haletapo Yamiye poya꞉malamana. Amasiyama hatlo A tlo Yamiye ya꞉malamana. Epame oplami haletapo Aye poya꞉malamana. Amasiyama hatlo Yami tlo Aye ya꞉malamana. Epame opa anawolo dla Yamita A kokoye botomastlowe solotamelepiye, opa ewoloye A kokoye yia꞉ ma malamelepe.

Ma꞉tiyu 4:8

Saiten matle Yesu seme tamali pato di dla hetaiyo. Epame ya꞉ watle ta꞉lamo patotota yia꞉ta itiyamale mate hela꞉dle mate hutiye kokoye nalati-iyo.

Ka꞉dle molo atlale yu Lukta ilimale 10:21

Epalati Yesu Hela꞉dle Sokota ya꞉ dla pasatapame siyele mate halemama epo atlaiyo, “A, Pepele dimo mate epo ta꞉lamo mate wa꞉tapo Lod depo halapo. Epedeme na꞉ wa꞉ dla siyema. Adipalati, wa꞉tapo wa꞉ mo koko hemele hutiyeye, koko malamale so dla pobotomastlalo wekuwapo. Amasiyama wa꞉tapo isikimi koko yeitamale so dla botomastauwapo. Yao A, ikadepe, koko iye wa꞉ta solotamale kokopo.

Ka꞉dle molo atlale yu Yonta ilimale 3:8

Wa꞉ mosisita ya꞉ta solotamale dla hotlomde yuye me-dalemdepo. Amasiyama wa꞉ ya꞉ta pumde api mate epo tamde api mate powa꞉malamana. Epedeme Hela꞉dle Sokota pasakalo hapimha꞉ha꞉ so dla ma epamhalapo.”

Loum 9:11

Epapele dulu dla yimlala dapiyamte iye ala pohohomalalo hallati Godtapo Lebeka watle epo atluwapo, “Wa꞉ maseyemala patotapo ya꞉ ei yemala yu dla heodepo salladepo sela꞉lepe,” duwapo. Epedeme Godtapo yia꞉ta dapiyamteta koko halomolowe ala yeitapo ha꞉ha꞉lati yu i tatle ma-atluwapo. Epedeme dita Godta ya꞉ opa sesalemhala koko dla natiye, ya꞉ dita koko halomha꞉ha꞉ dla natipo po-apesema. Amasiyama ya꞉ isikimi meyelo malapame dinapele tle sesalemhalapo.

Galasiya 2:2

Adipalati, Godta na꞉ye edla telepo depame imuwa. Epalati na꞉ta edla tame na꞉ta po-Yu so watle ka꞉dle yu imsela꞉ kokoye sos dokopala so mate esemuwa. Ame adipalati, na꞉ posolotamana, yia꞉tapo na꞉ oko dla pomikadepe dlalo wekemama na꞉ okoye batalipo hamastlala depame.

Epeses 2:8

Epapedeme wua꞉ta God dla mikadepe dlati asiyama ya꞉ta bokotiyapo malamale tle wua꞉ pasakaloye gaduwapo. Epedeme wua꞉ta muwolo itiyamale tle po-apena. Amasiyama Godta isikimi ya꞉ta namkale dle koko tle apuwapo.

Pilipi 2:13

Adipalati, Godtapo wua꞉ dulu dla oko hamhalemama wua꞉ watle ya꞉ta solotamale koko ka꞉ka꞉dle halomolowe malamaleye halopimdepo.

Yeims 1:18

Epapedeme Godtapo meyelo yu himili dolumama ya꞉ yu ka꞉dle tle di watle pasakalo hallowe kokoye ma-hamiwapo, ya꞉ta mimita꞉ple alisisi hapuloma dulu dla ditapo itapu so depo ha꞉ha꞉lepo depame.