Loum 8:37 - Kamula

³⁷ Amasiyama kokalalimale koko hapuloma dulu hema ditapo di bokotiyapo malamalalo Godta itiyamale tle mo-tla꞉mtame ha꞉ha꞉po.

Loum 8:37 Iomraidhean Croise

Ka꞉dle molo atlale yu Yonta ilimale 16:33

Epedeme wua꞉tapo na꞉ tle sadle halepo depame na꞉tapo wua꞉ watle koko hapuloma iye ma-atlamalepo. Epapedeme wua꞉ta ta꞉lamo hema ha꞉ha꞉lowe oloma edla wua꞉ ala wotiyalle dulu medla me-ha꞉ha꞉lepe. Amasiyama wua꞉ wota꞉le pa꞉po kokalepo ha꞉ha꞉iya. Adipalati, na꞉tapo ta꞉lamo dokopala oplamiye mo-tla꞉mtame halapo.”

Loum 8:35

Epedeme apa kokota dia꞉ye Kelisota bokotiyapo malamale tle duka gladepa꞉? Kokalle koko mate epo wotiyalle koko mateta dia꞉ye Kelisota bokotiyapo malamale tle duka gladepa꞉? Hao. Epame daya pa꞉le koko mate epo alisisi dimi hallowe koko mateta dia꞉ye Kelisota bokotiyapo malamale tle duka gladepa꞉? Hao. Epame wota꞉le koko mate epo polowe koko mateta dia꞉ye Kelisota bokotiyapo malame tle duka gladepa꞉? Hao, pe-epapolowa.

1 Kolin 15:57

Amasiyama dia꞉ God dla sisiyema. Adipalati, ya꞉tapo dia꞉ye eleme di Lod Yesu Keliso tle batalimale koko mate epo polowe koko mateye ma-tla꞉mtauwapo.

2 Kolin 12:19

Epapedeme dita koko ipo atlamalati wua꞉ta malamaletapo Poloye isikimi ya꞉ta batalimale koko halë me-kesoma demyayo. Amasiyama koko eye pomikadepe. Adipalati, di God mila꞉pi tle dia꞉ye Keliso ya꞉ oko so ikadepe demama wua꞉ye imha꞉ha꞉po. Epedeme mikadepe dle so namkadulo, di isikimi wua꞉ gadlowedeme apoma, wua꞉ dulu dla ipapele kokota hutiyelala depame. Eye yu topulolle koko epo ya꞉mkale ellewe koko epo siyaladlowe koko epo ya꞉skamu ya꞉ tlo malamolowe koko epo putlomale yu atlowe koko epame yu ballowe koko epo ya꞉skamu di dla hamhetlowe koko epo aiyalma pa꞉po ha꞉ha꞉lowe koko. Wua꞉ta ipapele koko dulu dla ha꞉ha꞉lati na꞉ta puame natilipiye, na꞉ wua꞉ dla sikemte siyalademama yu itiyamale mate atellepe. Amasiyama wua꞉ posolotamasema, na꞉ta ipapele koko wua꞉ dla haloweye.

2 Kolin 12:9

Amasiyama ya꞉tapo na꞉ watle epo atluwa, “Na꞉ta bokotiyapo malamaleye wa꞉ mate ma-ala꞉po halapo. Adipalati, wa꞉ta hopeyamalati na꞉ta itiyamaletapo wa꞉ mate halemdepo,” duwa. Epapedeme Kelisota itiyamaleta na꞉ dulu dla hallepo depame na꞉tapo na꞉ dla hopeyamale koko ela tlo naskamu di dla hamhetlowepo.

2 Kolin 2:14

Epedeme di ka꞉dena, God hi di dla ta꞉demama hatlo ya꞉ dla siyele hamiloweye. Adipalati, Godtapo Keliso tle Saitenta itiyamaleye mo-yumuwapo. Epapele koko tle ditapo Keliso dulu dla ha꞉ha꞉lati Godtapo dia꞉ dla itiyamale hamimdepo. Epapedeme dita mo hadima tama꞉, edla Godtapo ka꞉dle yuye dia꞉ tle ullu ka꞉dle pamalalo alisisi some opa dla pasalalemtelepe.

Galasiya 2:20

Epapele koko tle na꞉ta mikadepe duwatapo Yesuta dali yekelemhimili di dla pouwaye na꞉ ma epapuwapo. Epapedeme wata na꞉ta pohalasema. Amasiyama Kelisotapo na꞉ dulu dla halapo. Epapedeme na꞉tapo God Yami dla mikadepe dle tle watapo na꞉ moto ikadepe i mate halema. Ya꞉tapo na꞉ye sikemte bokotiyapo malapame na꞉ yilo ya꞉ pasakaloye polowe dla himiwapo.

Epeses 5:2

Epame yimkadulo bokotiyapo malamolowe mate ha꞉ha꞉iya. Adipalati, Kelisotapo di bokotiyapo malapame dia꞉ yilo mo-pouwapo. Epame Yu so opata ullu ka꞉dle alisisi God watle namkale dle hapimduwaye, epammama ya꞉tapo ya꞉ motoye God watle hamiwapo.

2 Tesalonika 2:16

Epedeme di inoma sumale yu himima, di Lod Yesu Keliso mate epo di A God mate wua꞉ gadle tle wua꞉ye itiyamale hamilipe, wua꞉tapo ka꞉ka꞉dle koko halomsiyamama ka꞉ka꞉dle yu tlo yuhamsiyamelepo depame. Adipalati, di A Godtapo dia꞉ye bokotiyapo malapame dia꞉ watle kokó elepo ellalo gadleye hamiwapo, ditapo siyele mate ya꞉ta hapilowe pasakalo dla dalemha꞉ha꞉mama omha꞉ha꞉lepo depame.

1 Yon 4:10

Bokotiyapo malamolowe ikadepe kokoye ipapena. Ka꞉yapa dita Godye pomalamana, hao. Amasiyama Godta dia꞉ye sikemte bokotiyapo malamama Yami hatlopeye di watle hamiwapo, ya꞉tapo di batalimale asiyama halowedeme.

1 Yon 4:19

Dia꞉ dla bokotiyapo malamaleye me-elapo. Adipalati, God tatle dia꞉ye bokotiyapo malamuwapo.

1 Yon 4:4

Na꞉ mamadulo namkadulo, epapele tlope wua꞉ye God ya꞉ akimlala ikadepepo. Epedeme wua꞉tapo biskapa God yu molo atlamalalo sota imale dalepame yia꞉ yu dla potullalo wekuwata wua꞉ta yia꞉ye ma-tla꞉mtauwapo. Adipalati, wua꞉ dulu dla Soko halata itiyamaletapo ta꞉lamo so dulu dla soko hala itiyamaleye ma-tla꞉mtame halapo.

Yuda 1:24

Godye itiyamana. Epedeme ya꞉tapo wua꞉ta teteyulala depame gadlepe. Epame ya꞉ye ala꞉na, ya꞉tapo wua꞉ye ullu pa꞉talo so depame ya꞉ta hela꞉dle dla elempupame wua꞉ dla siyele pato hamiloweye.

Bobotimatimale 1:5

Epame matle Yesu Keliso tle bokotiyapo malamale mate sadle mate halomaiya. Adipalati, ya꞉ye ikadepe koko atlalo oplamipo. Epame ya꞉ye powale dulu tle ya꞉tapo itapu sila꞉tili oplami halapo. Epame hatlo ya꞉tapo ta꞉lamo dla dokopala ha꞉ha꞉mta so yia꞉ dokopala oplami halapo. Ya꞉tapo dia꞉ye bokotiyapo malapame ya꞉ omali tle dia꞉ye di bobtalimale tle alikili dla me-eleme woyamuwapo.

Bobotimatimale 12:11

Amasiyama yia꞉tapo La꞉m omali tle epo ka꞉dle yu yia꞉ta hamsiyamale tle Saitenye ma-tla꞉mtauwapo. Epele dulu dla yia꞉ palliwe powowota꞉mdena.

Bobotimatimale 17:14

Epame yia꞉tapo La꞉m dla opahale dlepe. Amasiyama La꞉mtapo ya꞉ta sesa꞉le so opa elepame opahale dele dulu dla dokopala so 10ye tla꞉mtelepe. Adipalati, ya꞉ye dokopala so hapuloma yia꞉ dokopala oplamipo, epame patoto so hapuloma yia꞉ Lodpo.”

Bobotimatimale 21:7

Epame oplami antapo mikadepe depo halemama kokalepo hallepiye, ya꞉tapo koko hapuloma iye halomelepe. Epame na꞉tapo ya꞉ God hallati asiyama ya꞉tapo na꞉ maseyemala depo hallepe.

Bobotimatimale 3:9

Wa꞉ dalene! Na꞉ta Saiten ya꞉ opaye elempuame wa꞉ hete sitali isili dla pomellepe. Epalati yia꞉ta edla popa꞉mama na꞉ta wa꞉ bokotiyapo malamale kokoye malanatilipe. Epedeme opa iwolota mala-atlamyemama yiskamu yia꞉ye Yu sopo demdepo. Epele tlope yia꞉ po-Yu so ikadepe.