Loum 8:36 - Kamula

³⁶ Epedeme God yu bukatapo epo atlapo, “Wa꞉ yilo opatapo alila hapuloma dia꞉ye wotiyalle sikemte hapimha꞉ha꞉po. Epame wa꞉ yilo dia꞉ye eleme alinepi some mo-potimala tapo.”

Loum 8:36 Iomraidhean Croise

Ka꞉dle molo atlale yu Yonta ilimale 16:2

Adipalati, opatapo wua꞉ hiye inoma sumalalo aya dulu dla hutiyeye kotipame wua꞉ye ma alikili dla dodolomsallepe. Epame alilata me-pulupe, opatapo mikadepe dle so potimolowe kokoye semte God oko hamapo depo malamoloweye.

Taiya dle so 20:24

Epapedeme na꞉ pasakalo pase malamasema. Amasiyama na꞉ hatlo Lod Yesuta na꞉ watle hamili oko eye, ka꞉dle yu Godta bokotiyapo malamale kokoye opa dla atlowe tlo sikemte malamama mosukulu dla tame gudlowe solotama.

Taiya dle so 8:32

Epedeme ya꞉ta sesa꞉mpolale yuye ipo, “Ya꞉ye aliya halo some yumuluwedeme semtauwapo. Ya꞉ye sipi aliya dlalo kestlati woloma yu dimi hayeme elemdiye, epapele some eluwapo. Epammama ya꞉ yu hale po-atlana.

1 Kolin 15:30

Epame palli tle ma silliwe kokota pe-ellalo wekematiye, di adipapalati diskamu dia꞉ye God yu yilo alila hapuloma dulu dla wotiyalle dulu dla halopo tulumama polowe mateka꞉pi dla hatitimdi?

1 Kolin 15:31

Epapedeme mikadepe dle so namkadulo, na꞉tapo Yesu Keliso di Lod dulu dla wua꞉ yilo siyemhala kokoye atlemama ipo atlema, na꞉tapo alila hapuloma dulu dla polowe mateka꞉pi dla halemde.

1 Kolin 4:9

Amasiyama pona꞉malamana, Godtapo Taiya dle so dia꞉ye hohopame mosukulu alo ikadepe dla hatitimuwayo, ditapo koko gladle dla palliwedeme ha꞉ha꞉ so opa epapele some ha꞉ha꞉lati asiyama ta꞉lamo so opa hapuloma mate epo banakaka so mateta dia꞉ye tepelemha꞉ha꞉lepo depame.

2 Kolin 1:9

Yao ikadepe, na꞉ta malamuwaye, na꞉ dulu medla polope depo malamuwa. Amasiyama koko itapo epo wowoyamuwapo, na꞉tapo naskamu gadlowe tlo pomalamalalo, ma palli so pasakalo dlalo God dla hitahallepo depame.

2 Kolin 11:23

Epame ma yia꞉tapo atlemama yia꞉ye Keliso ya꞉ oko so demdepo. Amasiyama na꞉tapo Keliso ya꞉ oko oplami depo halemama itiyamale mate oko hauwata yia꞉ okoye tla꞉mtame halapo. Epame na꞉ tlope alila pasatale amtuwale aya dla tutula꞉mhalemduwapo. Epame na꞉ye opata sikemte hopolemduwapo. Epame na꞉ye mo-yumuluwe mateka꞉pi dla halemduwapo.

2 Kolin 6:9

Epapele dulu dla opa hapulomatapo di kokoye mo-malastepo ha꞉ha꞉ tlope asiyama yia꞉tapo dia꞉ye woloma ponatisemde. Epame opatapo dia꞉ye hohopolemyemama mo-palila yakomapo. Amasiyama di ala me-pasakalo ha꞉ha꞉po.

Pilipi 3:10

Epedeme na꞉ Keliso koko mate epo ya꞉ye powale tle ma pasakalo dla ta꞉duwa itiyamale koko mate tlo sikemte malamolowe solotama. Epammama na꞉ solotama, Kelisota wotiyalle hapo pouwaye na꞉ ma epapolowedeme.