Loum 8:1 - Kamula

¹ Epapedeme opa anawolotapo Yesu Keliso dulu dla ha꞉ha꞉ma꞉, Godta yia꞉ watle yia꞉ batalimale asiyama poloweye pohamilowa.

Loum 8:1 Iomraidhean Croise

Ka꞉dle molo atlale yu Yonta ilimale 14:20

Epapele dulu dla na꞉tapo powale tle ma pasakalo dlepiye, eta wua꞉tapo na꞉ta A dulu dla hala kokoye malamelepe. Epame wua꞉tapo na꞉ dulu dla ha꞉ha꞉lati na꞉tapo wua꞉ dulu dla halapo.

Ka꞉dle molo atlale yu Yonta ilimale 15:4

Epedeme wua꞉ na꞉ dla gugoudepo ha꞉ha꞉iya. Epalati na꞉ mape wua꞉ dla gugoudepo hallowepo. Epapedeme dlotapo isikimi meyelo halemama dlomoko pomiliwa. Amasiyama dlotapo dali moto dla gugoudepo hallepiye, eta dlomoko milipe. Epapele api tle wua꞉ isikimi muwolo ha꞉ha꞉lepiye, dlomoko pomilimolowa. Amasiyama wua꞉ye na꞉ dla puame gugoudepo ha꞉ha꞉iya.

Ka꞉dle molo atlale yu Yonta ilimale 5:24

Epedeme na꞉ ikadepe koko wua꞉ watle atlema. Oplami antapo na꞉ yuye dalepame na꞉ye tane dle oplami dla ma mikadepe dlepiye, ya꞉ye halepo halepo pasakalo ma-hamhalapo. Epapele oplamiye ya꞉ batalimale asiyama pohamilowa. Ya꞉ye powale tle mo-ulatame pasakalo dla halapo.

Loum 16:3

Epame na꞉ta namkale dle yuye Plisila dla epo ya꞉wolali Akwila dla hamiya. Adipalati, yia꞉ Yesu Keliso dulu dla na꞉ oko ipi halalo sopo.

Loum 16:7

Epame na꞉ asiyadulo Andlonikus mate epo Yuniyas mate dla mape na꞉ta namkale dle yuye hamiya. Adipalati, yia꞉tapo na꞉ mate yimkata amtuwale aya dulu dla ha꞉ha꞉uwapo. Epapele dulu dla Taiya dle so opa dulu dla opa dapiyamte iwoloye sikemte i-itiyamale sopo. Yia꞉ye na꞉ ala Keliso dla pomikadepe dlalo hallati yia꞉ tatle mo-powataliya mikadepe depo ha꞉ha꞉uwapo.

Loum 5:1

Epapedeme dita God dla mikadepe dle koko tle dia꞉ye God mila꞉pi tle mo-ullu pa꞉talo so depo ha꞉ha꞉po. Epedeme di Lod Yesu Kelisota koko halë tle God mate sadepo ha꞉ha꞉po.

Loum 5:16

Epedeme Godta bokotiyapo malamale tle puwa koko mate epo A꞉damta batalimale tle puwa koko mateye pohatlope. Ame adipalati, A꞉damta batalimale koko hatlo halë tle dita hapulomatapo ma Dlapa mo dla tlowe api dla ha꞉ha꞉uwapo. Amasiyama Godta isikimi bokotiyapo malamaletapo dita hapulomata batalimale koko dulu dla ha꞉ha꞉lati alikili dla eleme woyamuwapo.

Loum 7:17

Epapele dulu dla ikadepe na꞉tapo batalimale koko iye pohalomhalasema. Amasiyama batalimale na꞉ dulu dla halatapo batalimale koko halomhalapo.

Loum 7:20

Epapedeme na꞉ na꞉ta posolotamalalo wekele koko halomhallepiye, eye ikadepe na꞉ta po-aposema. Amasiyama batalimale na꞉ dulu dla halatapo ammhalapo.

Loum 8:11

Amasiyama Godtapo wua꞉ta palilati ya꞉ Hela꞉dle Soko tle wua꞉ palli motoye ma pasakalo dlepe. Adipalati, Yesu Kelisoye powale tle ma pasakalo duwa God ya꞉ Sokoye wua꞉ dulu dla halapo.

Loum 8:14

Adipalati, opa anawoloye God ya꞉ Sokota dokopala depo elemtama꞉, opa ewolotapo God ya꞉ akimlala ikadepe depo ha꞉ha꞉po.

Loum 8:2

Adipalati, batalimale itiyamaleta dia꞉ye polowe dla elemtlati asiyama Yesu Kelisota itiyamale tle pasakalo hamilalo Sokotapo dia꞉ye alikili dla eleme woyamuwapo.

Loum 8:34

Epame matle oplami antapo Godta ma sesalemale so dia꞉ye Dlapa mo dla tlowe so depa꞉? Hawa. Adipalati, Yesu Keliso popo ma pasakalo depame ya꞉ A dowala tiyama dla polomama dia꞉ yilo inoma sumale himhalapo.

Loum 8:39

Epame omapla di dla alisisi hutiye mate epo ta꞉la isili hema hutiye alisisi matetapo dia꞉ye Godta bokotiyapo malamale tle duka pogladlowa. Epedeme ta꞉lamo pato dulu hema koko haletapo dia꞉ye Godta bokotiyapo malamale tle duka pogladlowa. Epapedeme Godta bokotiyapo malamale iye Yesu Keliso tle dia꞉ dla botomastamhalapo.

Loum 8:4

Epapedeme Godtapo koko iye dinapuwapo, aiyalmata atla koko hapulomaye Kelisota dia꞉ yilo ala꞉po pustamhallepo depame. Epapele koko tle di mota solotamale koko dla podolumsiyamasema, amasiyama Sokota solotamale koko dla siyamapo.

Loum 8:9

Amasiyama epapele dulu dla mota solotamale kokotapo wua꞉ye dokopala depo pe-elemsiyamasema. Amasiyama God ya꞉ Soko wua꞉ dulu dla halatapo wua꞉ye dokopala depo elemsiyamapo. Epedeme oplami antapo Keliso ya꞉ Soko pa꞉le halema꞉, ya꞉ye po-Keliso ya꞉ oplami ikadepe.

1 Kolin 1:30

Hatlo Godta koko halë tle wua꞉tapo Yesu Keliso dulu dla ha꞉ha꞉po. Epame Godtapo Kelisoye dita ka꞉depo malamalalo sitali duwapo. Epame ma ya꞉tapo dia꞉ye ullu pa꞉talo so depame ka꞉ka꞉dena duwapo. Adipalati, Kelisotapo di batalimale yilo popame ma dia꞉ye God hala dla eleme puwapo.

1 Kolin 15:22

Adipalati, A꞉damtapo polowe kokoye opa hapuloma dla hampuwapo. Amasiyama ma watapo opa hapulomatapo Keliso dulu dla pasakalo hamha꞉ha꞉lepe.

2 Kolin 12:2

Epedeme 14 sokomoko mo-pololepo haluwa oloma edla na꞉ye Pepele dimo ikadepe dla hamame hetauwapo. Epapele dulu dla na꞉ pona꞉malamana, na꞉ye ikadepe na꞉ moto mate Pepele di dla hamame hetauwo-o, o isikimi inomata meyelope demama natiwo-o. Amasiyama koko eye hatlo God tlo ya꞉malamana.

2 Kolin 5:17

Epedeme oplami antapo Yesu Keliso dla mikadepe dlepiye, ya꞉ye ma-oplami amko depo. Ya꞉ta ka꞉yapa haluwa pasakalo takalaye ma-hamastlati ma asiyama pasakalo amkota ya꞉ dla mo-puwapo.

Galasiya 3:13

Epedeme aiyalma koko dolumolowetapo dia꞉ye Godta kasilamale dulu dla elemtuwapo. Epalati Kelisotapo dia꞉ye Godta kasilamale dulu dla ha꞉ha꞉lati elepo alikili dla woyamuwapo. Epame asiyama ya꞉tapo dia꞉ yilo Godta kasilamale dulu dla tuwapo. Adipalati, God yu bukata epo atlapo, “Oplami antapo dali di dla powame ellepiye, ya꞉tapo Godta kasilamale dulu dla elapo,” depo.

Galasiya 3:26

Wua꞉ta hapulomaye Yesu Keliso dla mikadepe dle koko tle wua꞉ye God ya꞉ akimlala depo ha꞉ha꞉po.

Galasiya 3:28

Epedeme Keliso dulu dla hukulli hawa ikadepe. Epapedeme Yu so mate po-Yu so mate ma hatlope, epame wotiyalle dulu dla asiyama pa꞉le oko halalo so mate epo yia꞉ omha꞉ha꞉lalo so mate ma hatlope. Epame opa mate wola꞉ mate ma hatlope. Adipalati, wua꞉ta hapulomaye Keliso dulu dla ma hatlope depo ha꞉ha꞉po.

Galasiya 5:16

Epapedeme na꞉ta wua꞉ watle atlema, Sokota solotamale tle siyamaiya, wua꞉tapo mota solotamale koko dla potullalo wekelepo depame.

Galasiya 5:25

Epame ditapo pasakalo amkoye Hela꞉dle Soko tle ma-hamha꞉ha꞉po. Epapedeme ka꞉dena, Hela꞉dle Sokota di dokopala depo halloweye.

Epeses 1:1

Na꞉ye Polopo. Godta na꞉ye sauwapo, na꞉tapo Yesu Keliso ya꞉ Taiya dle oko halepo depame. Epedeme na꞉tapo yu ilimale iye Epeses mo dulu dla ha꞉ha꞉lalo Yesu Keliso dla mikadepe dle so wua꞉ dla hamima. Adipalati, wua꞉ye God ya꞉ opapo.

Pilipi 3:9

Na꞉ Keliso mate hatlope depo hallowe tlo sikemte solotama. Epele dulu dla na꞉ta di Yu so aiyalma dolumhaluwatapo na꞉ye God mila꞉pi tle ullu pa꞉le oplami pe-epapena, hao. Amasiyama na꞉ta Keliso dla mikadepe duwa koko tle Godtapo na꞉ye ullu pa꞉le oplami duwapo.