Loum 4:11 - Kamula

¹¹ Epedeme A꞉iblahamta ala kapala pokestlalo halemama God dla mikadepe dlati Godta ya꞉ye ullu pa꞉le oplami duwapo. Epapele alotle ya꞉ kapalaye kestauwapo, ya꞉ta God mila꞉pi tle mo-ullu pa꞉le oplami depo hala kokoye nati-iliwedeme. Epapele koko tle opa anawolotapo kapala pokotimalalo ha꞉ha꞉mama yia꞉ta mikadepe dle tle ullu pa꞉po ha꞉ha꞉ma꞉, ewolo yia꞉ a ikadepeye A꞉iblahampo.

Loum 4:11 Iomraidhean Croise

Ekesedes 12:13

Epapedeme na꞉tapo itapu hohomale akimlala potimolowedeme mo dulu dla tumama omalita wua꞉ aya kokoloma tala dla huhutupiliyemtale halla natilipiye, aya eye di tle namilatademtlowepo. Epapele dulu dla na꞉ta Isip so dla wotiyalle hamilowe etapo ma wua꞉ akimlala dla populuwa.

Ma꞉tiyu 16:16

Epalati Saimon Pitata asiyama epo atlaiyo, “Wa꞉ye Keliso, kokó halepo halemhala God Yamipo,” diyo.

Ma꞉tiyu 8:11

Epapedeme na꞉ wua꞉ watle atlema, opa hapuloma ta꞉lamo meyelope meyelope dle tle puame Pepele dimo dla A꞉iblaham mate epo Aisek mate epo Yokob mate yimkata daya dlowedeme puame popa꞉lepe.

Ka꞉dle molo atlale yu Lukta ilimale 19:9

Epalati Yesuta Sa꞉kiyes yu dalepame epo atlaiyo, “Watapo aya dulu hema ha꞉ha꞉lalo so dla pasakalo halowe kokoye ma-hampualepo. Adipalati, oplami Sa꞉kiyes i mape A꞉iblaham ya꞉ mama halepo.

Ka꞉dle molo atlale yu Yonta ilimale 3:33

Amasiyama oplami antapo ya꞉ yu dalepame mikadepe dlepiye, ya꞉tapo God yuye ikadepe demama apelepe.

Ka꞉dle molo atlale yu Yonta ilimale 3:36

Epedeme oplami antapo ya꞉ dla mikadepe dlepiye, ya꞉ye halepo halepo pasakalo halepe. Amasiyama oplami antapo ya꞉ dla pomikadepe dlalo wekelepiye, ya꞉ye halepo halepo pasakalo pohalowa. Amasiyama Godta siyaladletapo ya꞉ mate kokó me-hallepe.”

Ka꞉dle molo atlale yu Yonta ilimale 6:35

Epame Yesutapo epo atlaiyo, “Na꞉ye pasakalo dayapo. Epedeme oplami antapo na꞉ hala dla pulupiye, ya꞉ matle daya pota꞉lowa. Epame oplami antapo na꞉ dla mikadepe dlepiye, ya꞉ yú ma pota꞉lowa.

Ka꞉dle molo atlale yu Yonta ilimale 6:40

Adipalati, na꞉ Ata solotamapo, opa anawolotapo Maseyemala natipame ya꞉ dla mikadepe dlepiye, yia꞉ye halepo halepo pasakalo halepe. Epalati na꞉tapo mosukulu alila dla yia꞉ye palli tle hohopo ta꞉ta꞉dlowepo.”

Ka꞉dle molo atlale yu Yonta ilimale 6:47

Epapedeme na꞉ ikadepe kokoye wua꞉ watle atlema. Oplami antapo na꞉ dla mikadepe dlepiye, ya꞉ye halepo halepo pasakalo halepe.

Ka꞉dle molo atlale yu Yonta ilimale 8:33

Epapalati ma yia꞉tapo Yesu watle epo atlaiyo, “Dia꞉ye A꞉iblaham ya꞉ mamadulopo. Epedeme dia꞉ye oplami haleta dokopala depo halemama wotiyalle dulu dla asiyama pa꞉le oko dla pohatitipo halana. Ame wa꞉ adipalati di watle atlemama, ‘wotiyalle upiyele dulu tle ma alikili dla woyamaiya,’ dema꞉?”

Loum 10:11

Adipalati, God yu bukatapo epo atlapo, “Oplami antapo Keliso dla mikadepe dlepiye, ya꞉ wota꞉le ponatimhallowa,” depo.

Loum 10:4

Adipalati, Kelisotapo aiyalmata halopo puwa koko hapulomaye dia꞉ yilo ma-ala꞉po guduwapo. Epapedeme oplami antapo Keliso dla mikadepe dlepiye, asiyama Godtapo ya꞉ye ya꞉ mila꞉pi tle ullu pa꞉le oplami dlepe.

Loum 10:6

Amasiyama mikadepe dle kokota hampuale ullu pa꞉po hallowe kokotapo epo atlapo, “Poka꞉dena, opatapo Kelisota yia꞉ gadlepo depame Pepele dimo dla Keliso totamala hetloweye.

Loum 3:22

Epedeme dita Lod Yesu Keliso dla mikadepe dlati asiyama Godtapo dia꞉ye ullu pa꞉talo so demhalapo. Epapedeme dita hapuloma Yu so mate epo po-Yu so matetapo api hatlo itle pasakalo halomelepe.

Loum 3:26

Epapele dulu dla wata oloma hema Godtapo woloma ka꞉dle koko siyapo tlo hamhalapo. Epedeme Yesu dla mikadepe dlalo soye Godtapo ya꞉ mila꞉pi tle ullu pa꞉talo so demhalapo.

Loum 3:30

Epele dulu dla Godye hatlopepo. Epame dia꞉ye ya꞉tapo ya꞉ mila꞉pi tle ullu pa꞉talo so depo elemolowe apiye hatlopepo. Epedeme Yu so mate epo po-Yu so mateye hatlo mikadepe dle tle Godta yia꞉ye ya꞉ mila꞉pi tle ullu pa꞉talo so dlepe.

Loum 4:10

Amasiyama adipalalo Godtapo A꞉iblahamye ya꞉ mila꞉pi tle ullu pa꞉le oplami duwa? Ya꞉ye kapala mo-kestepo hallati apuwa? O kapala ala pokestlalo hallati apuwa? Amasiyama dulu edla ya꞉ kapala ala pokestlalo hallati Godtapo ya꞉ tatle ya꞉ye ya꞉ mila꞉pi tle mo-ullu pa꞉le oplami duwapo.

Loum 9:30

Epapedeme na꞉ta atlamale yu ya꞉ dulu kokoye ipo elema. Po-Yu so opatapo yia꞉ta God mila꞉pi tle ullu pa꞉po ha꞉ha꞉lowe kokoye pototamana. Amasiyama miyelo yia꞉ta mikadepe dle koko tle Godtapo yia꞉ye ya꞉ mila꞉pi tle ullu pa꞉talo so duwapo.

Loum 9:33

Adipalati, God yu bukata ipo atlapo, “Na꞉tapo Sayon mo dla ewalaye pamellowepo. Ewala edla opatapo kustamtame teteyumha꞉ha꞉lepe. Amasiyama oplami antapo ya꞉ dla mikadepe dlepiye, ya꞉ wota꞉le ponatimhallowa.”

Loum 9:6

Epedeme Godtapo Isalael so mate yu itiyapo himiwaye ma-hauwokokomuwa? Hao, pe-epapena. Adipalati, Isalael so dulu dla opa opiye pase Isalael so opa ikadepe.

2 Kolin 1:22

Epame hatlo ya꞉tapo ya꞉ uluye dia꞉ dla hatitimuwapo. Epame ya꞉ Hela꞉dle Sokoye di dupa dulu dla ma hatitimuwapo, dita God ya꞉ akimlala ikadepe depo ha꞉ha꞉ kokoye dia꞉ dla imelepo depame.

Galasiya 3:22

Adipalati, God yu bukata epo atlapo, “Ta꞉lamo pato hema opaye batalimale itiyamaletapo mo-dokopala depo halapo,” depo. Epedeme Godta yu itiyapo himili ka꞉dle koko e haloweye hatlo Yesu Keliso dla mikadepe dle tle halepe.

Galasiya 3:29

Epele dulu dla wua꞉ Keliso dulu dla ha꞉ha꞉lepiye, wua꞉ye ikadepe A꞉iblaham ya꞉ mamadulo depame ya꞉ elo dla ha꞉ha꞉lepe. Epedeme Godta A꞉iblaham watle yu itiyapo himiliye wuolepo.

Galasiya 3:7

Wua꞉ koko itle woloma malamaiya. Opa anawolotapo mikadepe dle mate ha꞉ha꞉ma꞉, yia꞉ye A꞉iblaham ya꞉ mamadulo ikadepepo.

Galasiya 5:5

Amasiyama Hela꞉dle Sokota itiyamaleta dia꞉ dulu dla hallati ditapo Godta yu itiyapo himili eye mikadepe dle tle halowedeme dalemha꞉ha꞉mama omha꞉ha꞉po. Adipalati, Godtapo dita mikadepe dleye natipame dia꞉ye ullu pa꞉talo so duwapo.

Galasiya 6:16

Epapedeme opa anawolotapo koko i dolumha꞉ha꞉lepiye, yia꞉ mate epo God ya꞉ opa hapuloma mate dla sadle koko mate epo bokotiyapo malamale koko mateta yia꞉ dulu dla hutiyelepe.

Epeses 1:13

Epame po-Yu so wua꞉ mape, wua꞉ta ka꞉yapa ka꞉dle yuye dalepame Keliso dla mikadepe duwa koko tle wua꞉ye mo-God ya꞉ opa duwapo. Epame epapele koko tle ya꞉tapo meyelo ya꞉ yu himili dolumama wua꞉ watle ya꞉ ulu himimama ya꞉ Hela꞉dle Sokoye ma-hapiwapo, wua꞉ta ikadepe God ya꞉ opa depo ha꞉ha꞉ kokoye nati-imama.

Epeses 4:30

Epammama wua꞉ta ha꞉ha꞉le koko tle God ya꞉ Hela꞉dle Soko dla dupa kolle hamimiya. Adipalati, ya꞉tapo wua꞉ dulu dla God ya꞉ ulu halapo. Epedeme Yesuta puame ya꞉ opa hohomolowe alila dla omtamama wua꞉ta ikadepe God ya꞉ opa depo ha꞉ha꞉ kokoye ya꞉ta imhalapo.

Pilipi 3:9

Na꞉ Keliso mate hatlope depo hallowe tlo sikemte solotama. Epele dulu dla na꞉ta di Yu so aiyalma dolumhaluwatapo na꞉ye God mila꞉pi tle ullu pa꞉le oplami pe-epapena, hao. Amasiyama na꞉ta Keliso dla mikadepe duwa koko tle Godtapo na꞉ye ullu pa꞉le oplami duwapo.

Hibulu 11:7

Epame mikadepe dle koko tle Nowatapo ya꞉llu mate epo ya꞉ yimlala mate pasakalo gadlowedeme koa pato tiwapo. Adipalati, Godta itapu dla woyamolowe kokoye ya꞉ watle momolo atlati ya꞉tapo dalepame God dla wota꞉mama isikimi salladuwapo. Epame ya꞉ta mikadepe dle kokotapo ta꞉lamo so hapuloma dla yia꞉ bobtalimale kokoye imuwapo. Epame Godtapo Nowata mikadepe dle koko natipame ya꞉ye ka꞉dle oplami duwapo.

2 Pita 1:1

Na꞉ye Saimon Pitapo, Yesu Kelisotapo Taiya dle oko hamilati ya꞉ yu dla salladepo sela꞉lalo oplamipo. Yesu Kelisota di God halemama di pasakalo gadlalo halapo. Epedeme ya꞉tapo di watle mikadepe dle ka꞉dle hamiwa, epapeleye matle wua꞉ watle hamiwapo. Adipalati, ya꞉ye woloma ka꞉dle koko siyapo tlo halalo oplamipo. Epapedeme na꞉tapo wua꞉ watle yu ilimale iye hamima.

Bobotimatimale 9:4

Epalati yuta wolomopi watle epo atluwa, “Wua꞉ ta꞉lamo dla osamokolo mate dali mate ha꞉ha꞉ hapulomaye pobobtalimolowa. Amasiyama opa anawolo daptala dla God ya꞉ ulu hawa ha꞉ha꞉ma꞉, wua꞉ isikimi opa ewolo dla wotiyalle hapimha꞉ha꞉iya,” duwa.