Loum 2:6 - Kamula

⁶ Epedeme Godtapo opata koko halomha꞉ha꞉le asiyama woloma ala꞉le mate hapilipe.

Loum 2:6 Iomraidhean Croise

Ekesedes 32:34

Epapedeme na꞉ta wua꞉ watle hamilowepo depo yu itiyapo himiwa mo dla wa꞉ opa eleme ma-tane. Epalati na꞉ banakaka oplamitapo wua꞉ta tlati itapu tle telepe. Epapele dulu dla na꞉tapo yia꞉ watle yia꞉ bobtalimale asiyama hamilowe alilata woyamalati yia꞉ watle yia꞉ bobtalimale asiyamaye hamilowepo,” diyo.

Ma꞉tiyu 16:27

Epapedeme Opa Yamitapo ya꞉ ata hela꞉dle mate epo ya꞉ banakaka so mate pumama opa hapuloma dla yia꞉ta halomha꞉ha꞉le asiyamaye mepo ala꞉po halopilipe.

Loum 14:22

Epapele dulu dla wa꞉ta malamaletapo dlowe alisisi hapuloma dloweye ka꞉pi dlepiye, ka꞉dena, me-demhalane. Amasiyama wa꞉ta malamaleta dlowe alisisi opi dlowe tlo pase ka꞉pi dlepiye, wa꞉ isikimi wa꞉ta ka꞉dena dle alisisi tlo demhalane. Koko dapiyamte dulu hema wa꞉ta koko adi tlo mikadepe dema꞉, wa꞉ metlo God mila꞉pi tle kokata hamame halane. Epedeme oplami antapo ya꞉ta koko halomhalaye pobatalimale koko depo malamelepiye, ya꞉ siyelowe ka꞉pi.

1 Kolin 3:8

Epedeme emalalo oplami mate epo yú sisimamtlalo oplami mate yimkata koko hatlo yilo oko hapo. Amasiyama yia꞉tapo oko meyelope meyelope dle halomale e mate ala꞉le asiyamaye halomelepe.

1 Kolin 4:5

Epedeme Lodta ala populalo hallati ha꞉ha꞉mama yipta yimkadulo kokoye glademha꞉ha꞉miya. Adipalati, Lodtapo puame hemele amtuwale dulu dla hutiye koko mate epo opata hemele yia꞉ dupa dulu dla momalamde koko hapuloma mateye haliyamale dla bobotimatimelepe. Epame oloma edla opa hapulomatapo yia꞉ta halomha꞉ha꞉le koko hapuloma mate ala꞉leye God tle asiyama halomelepe.

2 Kolin 11:15

Epapedeme Saiten ya꞉ oko sotapo ma God ya꞉ opa ka꞉depo ha꞉ha꞉lalo so some ha꞉ha꞉lati natipame di poyiyellowa. Amasiyama mosukulu alila dla yia꞉tapo yia꞉ta batalimale koko halomha꞉ha꞉le mate ala꞉mama yia꞉ batalimale asiyama halepe.

2 Kolin 5:10

Adipalati, dita hapulomatapo Keliso mila꞉pi tle ya꞉ta koko gladle dla ha꞉ha꞉lepe, ya꞉tapo dita ta꞉lamo hema koko halomha꞉ha꞉le ya꞉ asiyama mate ala꞉pame di kokoye gladlepe. Epapele dulu dla ka꞉ka꞉dle koko halomha꞉ha꞉le sotapo yia꞉ asiyama halomelepe. Amasiyama batalimale koko halomha꞉ha꞉le sotapo yia꞉ batalimale asiyama halomelepe.

2 Timoti 4:14

Epapele dulu dla oli mate alisisi mimita꞉plalo oplami hale Alesendatapo na꞉ dla wotiyalle pato hamimduwa. Amasiyama Lodtapo ya꞉ watle asiyama hamilipe.

Bobotimatimale 2:23

Epame na꞉tapo ya꞉ dolumalalo opa hapuloma ma potimolowepo. Epalati sos hapulomatapo koko i natimama na꞉ye opata malamale mate epo dupa dulu mate tlamalalo oplami dlepe. Epedeme na꞉tapo wua꞉ watle wua꞉ta halomha꞉ha꞉le asiyama mate ala꞉le hapilowepo.

Bobotimatimale 20:12

Epalati na꞉ palli so hapuloma patoto mate yimka꞉sikili mateta Godta pollalo mila꞉pi tle ha꞉ha꞉la natiwa. Epame buka hapulomaye gowalagowaladla natitepo Pasakalo Buka mape gowaladepo ella natiwa. Buka opi dulu dla opa hapulomata koko hapuloma meyelope meyelope dle halomha꞉ha꞉leye edla hatitimale haluwa. Epalati Godta buka etle ompolomama palli so koko hapulomaye gladuwa.

Bobotimatimale 22:12

“Epedeme wua꞉ daliya. Na꞉ta puluwe alilaye mo-mateka꞉pi. Na꞉tapo opa hapulomata halomha꞉ha꞉le mate ala꞉le asiyamaye halopo pulupe.