Loum 16:17 - Kamula

¹⁷ Epapedeme mikadepe dle so namkadulo, wua꞉ dulu dla opa duka hukullalo so mate epo mikadepe dle soye alikili a꞉ma elemtlalo so mateye woloma natiya. Adipalati, yia꞉tapo ikadepe koko wua꞉ta dalepame hamuwa kokoye yia꞉ e podolumasemde. Epedeme yia꞉ tle alikili a꞉ma potame ha꞉ha꞉iya.

Loum 16:17 Iomraidhean Croise

Ma꞉tiyu 18:17

Epapele dulu dla ya꞉tapo ma yia꞉ yu podallalo wekelepiye, epalati koko iye sos dokopala so dla atlane. Amasiyama ya꞉ ala me-sos dokopala so yu dla podallalo wekelepiye, wa꞉ epalati ya꞉ye ma alikili oplami dlepe.

Ma꞉tiyu 18:7

Ka꞉e, ta꞉lamo dla ha꞉ha꞉lalo so, wua꞉ yimkadulo! Adipalati, ta꞉lamo pato hema wua꞉ batalimale dla elemtullalo kokoye pta pasatana. Epedeme epapele kokota me-pumhallepe. Amasiyama oplami antapo ipapele koko kotiyamhalema꞉, wa꞉ye wolomape! Godtapo epapele oplami dla wotiyalle sikemte pato hamilipe.

Ma꞉tiyu 7:15

“Ka꞉e, wolomape! Wua꞉ biskapa God yu molo atlamalalo soye woloma natiya. Adipalati, yia꞉ye kapala di tle ka꞉ka꞉dle so some pumdepo. Amasiyama yia꞉ opasi dulu tle moko esemala kakasilamale epapele some pumdepo.

Ka꞉dle molo atlale yu Lukta ilimale 17:1

Alila haleta Yesutapo ya꞉ alotle tlalo so watle epo atlaiyo, “Opata kustamtame batalimale dla tulluwe kokoye me-pumhallepe. Amasiyama oplami antapo koko eye kotiyamsela꞉ma꞉, ya꞉ wolomape!

Taiya dle so 15:24

Epapedeme di alumale dulu tle opa opita tame wua꞉ dla yiyilamale koko imalati wua꞉ta sikemte momalamuwaye di me-daluwa. Amasiyama dita yia꞉ watle atlati po-apena.

1 Kolin 11:18

Adipalati, wua꞉ta alupo inoma sumde dulu dla gladle ela kokoye na꞉ me-dalepame koko eye mikadepe mle duwa.

1 Kolin 3:3

Adipalati, wua꞉ye ala mota solotamale kokota wua꞉ye eleme siyamapo. Epedeme wua꞉ dulu dla ya꞉mkale ellewe koko mate epo yu topulolle koko mate ala me-hutiye tle di malanatipo, wua꞉tapo ala ta꞉lamo sota ha꞉ha꞉mde epo ha꞉ha꞉ kokoye.

Galasiya 2:4

Amasiyama dita esemale dulu dla opa opita solotamuwa, Taitesye kapala kestlepo depame. Epapele tlope opa iwoloye ikadepe Kelisoye pomikadepe dlalo sopo. Amasiyama yia꞉ isikimi hemele dita Keliso dulu dla ha꞉ha꞉mama ma Yu so yia꞉ aiyalma koko podolumalalo ha꞉ha꞉ye e natila matiwa. Adipalati, yia꞉ solotamuwapo, yia꞉ aiyalma koko imaletapo dia꞉ dla upiyele hamilowedeme.

Pilipi 3:17

Namkadulo, ka꞉dena, wua꞉tapo na꞉ta haluwa pasakalo natipame dolumoloweye. Epame mikadepe dle so opa opita di koko natipo dolumha꞉ha꞉ye, wua꞉ ma ewolo pasakalo natipame yia꞉ dolumaiya.

Kolosi 2:8

Epedeme wua꞉ wolomape, oplami haletapo ya꞉ta ka꞉depo dinapolowe malamale mate epo isikimi yu opalli tle wua꞉ye eleme alikili dla tlala. Adipalati, epapele malamaleye Keliso tle popuasema, isikimi opata malamale tle puapo epame ta꞉lamo soko tle puapo.

2 Tesalonika 3:6

Mikadepe dle so namkadulo, di Yesu Keliso hi tle wua꞉ye sikemte atlema. Mikadepe dle oplami antapo dita imale yuye podolumalalo hopeyamale mate hallepiye, wua꞉ epapele so mate hatlope demiya.

1 Timoti 1:3

Na꞉tapo Makedoniya mo dla tamhalemama wa꞉ye atluwapo, wa꞉tapo Epeses mo dla hallepo depame. Adipalati, wa꞉ta edla halemama opa opita God koko batalipo imsiyamaye humatlepo depame.

2 Timoti 3:5

Ipapele sotapo kapala di tle mikadepe dle so some ha꞉ha꞉mama asiyama Godta itiyamale kokoye pomikadepe demha꞉ha꞉lowa. Epedeme ipapele so mate hatlope demsela꞉miya.

Taites 3:10

Epame oplami antapo biskapa imale hame sos dulu dla imsela꞉mama opa duka gladlepiye, epapele oplami dla humatlane. Epame ya꞉ta wa꞉ yu podallalo wekelati matle ya꞉ye humatlane. Amasiyama ya꞉ta ala wa꞉ yu podallalo me-imsela꞉lepiye, ya꞉ye alikili dla pomelene.

1 Yon 2:19

Amasiyama opa iwoloye ka꞉yapa dia꞉ mate hatlope depo siyapame ma di salepo tauwapo. Adipalati, yia꞉ye ikadepe dia꞉ mate hatlope depo poha꞉ha꞉na. Yia꞉ta dia꞉ mate ikadepe hatlope depo ha꞉ha꞉leta ammatiye, eta di posalepo tama. Amasiyama yia꞉ta di salepo tauwa eta ikadepe yia꞉ta dia꞉ mate pohatlope dle kokoye botomastauwapo.

Yuda 1:19

Epedeme opa iwoloye mikadepe dle so dulu dla hukullalo sopo. Epame yia꞉ mape ta꞉lamo koko dla solotamalalo sopo. Epedeme Hela꞉dle Sokoye yia꞉ dulu dla pohalasema.