Loum 15:2 - Kamula

² Amasiyama di diamkadulo tlo sikemte malapame yia꞉ta mikadepe dle dulu dla kokalepo ha꞉ha꞉lepo depame yia꞉ta solotamale koko tlo dolumha꞉ha꞉lowepo.

Loum 15:2 Iomraidhean Croise

Loum 14:19

Epapedeme di sadle hampulalo koko tlo halomolowedeme totamha꞉ha꞉lowa. Epame di amkadulota mikadepe dle dulu dla itiyamale mate ha꞉ha꞉lepo depame asiyama gade asiyama gade demha꞉ha꞉lowa.

1 Kolin 10:23

Epapedeme wua꞉ dulu dla opitapo epo atlemdepo, “Dia꞉ dla koko hapuloma halomolowe dla aiyalma hawa,” demdepo. Amasiyama epapele tlope wua꞉ta koko opi halomha꞉ha꞉ta wua꞉ta mikadepe dle dulu dla kokalepo ha꞉ha꞉lepo depame pogadesemde.

1 Kolin 10:24

Epame wua꞉ ase wua꞉ta solotamale koko tlo halomha꞉ha꞉miya. Amasiyama wua꞉ amkadulo mikadepe dle so gademama yia꞉ta solotamale koko ma halomha꞉ha꞉iya.

1 Kolin 10:33

Epedeme na꞉ mape mepamdepo. Na꞉ta koko halomdetapo opa opi dla yia꞉ hete kustamtlalo alisisi some halloweye posolotamasemde. Ipapele koko dulu dla na꞉ isikimi na꞉ta solotamale koko halowedeme po-aposema. Amasiyama opa opi gademama yia꞉ta solotamale koko tlo halowedeme amma, yia꞉tapo pasakalo gadle halepo depame.

1 Kolin 13:5

Epame ya꞉mkale dla alli hamilowe koko mate epo ya꞉skamu ya꞉ tlo malamolowe koko mate epo hapele siyaladlowe koko mate pohutiyesema. Epame ya꞉mkale bokotiyapo malamolowe kokotapo batalimale hapulomaye kokó pomalahallalo isikimi wowelimhalapo.

1 Kolin 14:26

Epapedeme mikadepe dle so namkadulo, wua꞉ta inoma sumha꞉ha꞉le dulu dla wua꞉ ipapele koko tlo dolumha꞉ha꞉lowe ka꞉pi. Epedeme wua꞉ta yimkata inoma sumale dulu dla haleta sala dolumalalo hallepe. Epalati haleta God yu atlalo hallepe. Epalati haleta God tle amko kokota puaye bobotimatimalalo hallepe. Epalati ma haleta ulugiyemale yu mate yukamalalo hallepe. Epalati ma haleta yu e ya꞉ dulu kokoye opa dla hatostepo atlalo hallepe. Epapele dulu dla koko meyelope meyelope dle hapuloma itapo wua꞉ta mikadepe dle kokota ta꞉lepo depo ammdepo.

1 Kolin 14:3

Amasiyama God tle yu hapame molo atlamalalo oplamitapo opata woloma ka꞉depo itiyamale mate ha꞉ha꞉lepo depame gadle yu mate opa dla atlamhalemdepo.

2 Kolin 12:19

Epapedeme dita koko ipo atlamalati wua꞉ta malamaletapo Poloye isikimi ya꞉ta batalimale koko halë me-kesoma demyayo. Amasiyama koko eye pomikadepe. Adipalati, di God mila꞉pi tle dia꞉ye Keliso ya꞉ oko so ikadepe demama wua꞉ye imha꞉ha꞉po. Epedeme mikadepe dle so namkadulo, di isikimi wua꞉ gadlowedeme apoma, wua꞉ dulu dla ipapele kokota hutiyelala depame. Eye yu topulolle koko epo ya꞉mkale ellewe koko epo siyaladlowe koko epo ya꞉skamu ya꞉ tlo malamolowe koko epo putlomale yu atlowe koko epame yu ballowe koko epo ya꞉skamu di dla hamhetlowe koko epo aiyalma pa꞉po ha꞉ha꞉lowe koko. Wua꞉ta ipapele koko dulu dla ha꞉ha꞉lati na꞉ta puame natilipiye, na꞉ wua꞉ dla sikemte siyalademama yu itiyamale mate atellepe. Amasiyama wua꞉ posolotamasema, na꞉ta ipapele koko wua꞉ dla haloweye.

2 Kolin 13:9

Epame dita hohopeyamale oloma edla ma asiyama wua꞉ta itiyamalati di koko edla sikemte sisiyemde. Epedeme koko hema di inoma sumale yu himima, wua꞉tapo Lod dulu dla mo-opa depo ha꞉ha꞉lepo depame.

Epeses 4:12

Kelisotapo koko i hauwapo, mikadepe dle sotapo God oko halowe dla ma-dinapopo ha꞉ha꞉lepo depame. Epame Keliso ya꞉ motota ta꞉lepo depame.

Epeses 4:29

Epame wua꞉ta batalimale yu atlamsiyamde kokoye medla gudiya. Epame wua꞉ matle yu ka꞉dle, ya꞉mkale gadlowe yu siyapo tlo atlamha꞉ha꞉iya.