Loum 14:22 - Kamula

²² Epapele dulu dla wa꞉ta malamaletapo dlowe alisisi hapuloma dloweye ka꞉pi dlepiye, ka꞉dena, me-demhalane. Amasiyama wa꞉ta malamaleta dlowe alisisi opi dlowe tlo pase ka꞉pi dlepiye, wa꞉ isikimi wa꞉ta ka꞉dena dle alisisi tlo demhalane. Koko dapiyamte dulu hema wa꞉ta koko adi tlo mikadepe dema꞉, wa꞉ metlo God mila꞉pi tle kokata hamame halane. Epedeme oplami antapo ya꞉ta koko halomhalaye pobatalimale koko depo malamelepiye, ya꞉ siyelowe ka꞉pi.

Loum 14:22 Iomraidhean Croise

Taiya dle so 24:16

Epapedeme ipapele koko tle na꞉ solotamde, God mila꞉pi tle epo opa mila꞉pi tle woloma ka꞉ka꞉dle koko tlo halomolowedeme.

Loum 14:14

Epedeme Lod Yesuta na꞉ watle me-imuwapo, dlowe alisisi hapuloma dloweye aiyalma hale hawa ikadepe. Amasiyama epapele tlope oplami haleta atlemama, “Dlowe alisisi opi dlowe aiyalma,” dlepiye, ya꞉ ka꞉dena, dlowe alisisi e podlalo mepo aiyalma depo halloweye.

Loum 14:2

Adipalati, mikadepe dle oplami haletapo ya꞉ta malamaleta alisisi hapuloma dloweye ka꞉pi demdepo. Amasiyama mikadepe dle pase kokallalo wekele oplami haletapo ya꞉ta malamaleta alinepi mo dloweye aiyalma demdepo.

Loum 14:23

Amasiyama poka꞉dena, oplamitapo malamale tatlamale mate polomama dlowe alisisi hale dloweye. Epapelepiye, Godtapo ya꞉ watle batalimale koko hama dlepe. Adipalati, ya꞉tapo mikadepe demama koko e pohasema. Epedeme wa꞉tapo batalimale koko dlalo kokoye ma metlo wa꞉ta halepiye, wa꞉ batalimale kokoye ma-hapo.

Loum 14:5

Epame ma alila koko dla oplami haleta epo atlowe sepena, alila hatlope tlo pta aiyalma demama asiyama alila opi tlo aiyalma pa꞉na, dlowe sepena. Epalati asiyama oplami haleta atlemama, alila hapulomaye ma hatlopepo, dlowe sepena. Epapele dulu dla ka꞉dena, koko hema opa hapulomatapo isikimi miyelo malamale tle ha꞉ha꞉lowe tlo ka꞉pi.

Loum 2:1

Epedeme wa꞉ po-ala꞉na, wa꞉tapo wa꞉ amkale koko glademhalloweye. Adipalati, wa꞉ ma batalimale koko hatlo meye halomhalapo. Epapedeme wa꞉ta wa꞉ amkale koko gladepame ya꞉ watle ya꞉ batalimale asiyama halopi demhalatapo wa꞉skamu wa꞉ koko ma me-glademhalapo.

Loum 7:15

Epapedeme na꞉ naskamu na꞉ta koko halomde kokoye woloma pomalanatisemde. Adipalati, na꞉ta ka꞉ka꞉dle koko halomli depo malamde kokoye e pohalomasemde. Amasiyama batalimale koko na꞉ta pohaleli demde koko tlo ma na꞉ta halomdepo.

Loum 7:24

Epapedeme na꞉ ya꞉mkale. Anta na꞉ gadepa꞉, na꞉tapo pasakalo batalimale itle alikili dla woyamoloweye?

1 Kolin 8:7

Epapele dulu dla mikadepe dle so opitapo koko iye woloma sikemte pomalastepo ha꞉ha꞉sema. Adipalati, yia꞉tapo biskapa god opiye semte god ikadepe tepo demdepo. Epammama yia꞉tapo biskapa god dla namkale dle alisisi hapili halopo demama semte batalimale koko hamapo depame sikemte wowota꞉mdepo.

2 Kolin 1:12

Epedeme di diskamu dita atlama koko hema ikadepe demama epo atlema. Eye ditapo diskamu woloma keketiyapo ha꞉ha꞉mama wua꞉ dulu dla epo opa hapuloma dulu dla ikadepe koko tle Godta solotamale koko tlo ala꞉mha꞉ha꞉uwapo. Dita ipo ha꞉ha꞉uwaye bidulo malamale tle po-apena, amasiyama Godta gadle tle ha꞉ha꞉mama apuwapo.

Galasiya 6:1

Mikadepe dle so namkadulo, wua꞉ dulu dla haleta batalimale koko dla tullupiye, ka꞉dena, mikadepe dle dulu dla kokalepo ha꞉ha꞉lalo so wua꞉tapo ya꞉ye sadle mate gadepame ma ilame hamame pulupe. Amasiyama epapele dulu dla wua꞉ ma wolomape. Adipalati, wua꞉ ma batalimale koko hatlo mepapele dla tullala.

Yeims 3:13

Epedeme wua꞉ dulu dla oplami antapo ka꞉depo hallowe malamale mate halema꞉? Ya꞉ ka꞉dena, ya꞉ta ka꞉depo hallowe malamale etle ya꞉ moto mate koko halë nati-iliwe ka꞉pi. Epammama ya꞉tapo ya꞉skamu di dla hamhetlowe malamale mate pohallowa.

1 Yon 3:21

Epapedeme mikadepe dle so namkadulo, di dupa dulu malamaleta dia꞉ye pobatalimale so dlepiye, eta di wowota꞉le pa꞉po God mila꞉pi tle ha꞉ha꞉lowepo.