Loum 14:21 - Kamula

²¹ Epapedeme wua꞉ aliya mo dlowe koko mate epo wain yú dlowe koko mate epame koko opi halomolowe mateta wua꞉ amkale mikadepe dle oplamiye batalimale koko dla semtullala depame epapele kokoye ya꞉ mila꞉pi tle halomha꞉ha꞉miya.

Loum 14:21 Iomraidhean Croise

Ma꞉tiyu 13:21

Amasiyama God yutapo yia꞉ dupa dulu dla kese woloma potutula꞉semde. Epedeme yia꞉ta God yuye dalepame isikimi alila kiyele dla mikadepe demdepo. Amasiyama yia꞉ta God yu hamale koko tle kokalle koko mate epo wotiyalle koko mateta yia꞉ dla woyamalati yia꞉ta God yu dla ha꞉ha꞉ etle ma-hapele alikili dla potamdepo.

Ma꞉tiyu 16:23

Amasiyama Yesuta Pita dla helestame halemama epo atlaiyo, “Saiten, na꞉ tle alikili a꞉ma tane. Wa꞉ta yu ipo atlatapo na꞉ye pogadesema. Adipalati, wa꞉ta yu atlaleye God tle popuasema. Amasiyama opata malamale tle puapo,” diyo.

Loum 14:13

Epapedeme wua꞉ amkadulo mikadepe dle soye allimha꞉ha꞉miya. Epame wua꞉ amkale mikadepe dle oplamita batalimale dulu dla tullala depame wua꞉tapo ya꞉ta kustamtame teyuluwe alisisi some ha꞉ha꞉miya.

Loum 14:17

Adipalati, God ya꞉ mo koko dla daya dlowe mate epo yú dlowe mateta koko pato pohalasema. Amasiyama Hela꞉dle Sokota itiyamale tle God mila꞉pi tle ullu pa꞉po ha꞉ha꞉lowe koko mate epo yimkadulo mate sadepo ha꞉ha꞉lowe koko mate epo siyele dulu dla ha꞉ha꞉lowe koko mateta koko pato halapo.

1 Kolin 8:13

Epapedeme na꞉tapo ipapele daya dele koko tle namkale mikadepe dle dulu dla pase kokalle oplami batalimalala depame na꞉ matle ipapele daya podemhallowa.

1 Kolin 8:9

Epedeme wua꞉ tlo wua꞉malamana, wua꞉tapo biskapa god dla namkale dle alisisi hamili e dlowe dla aiyalma hawa kokoye. Amasiyama wua꞉ alisisi e dlomha꞉ha꞉mama wolomape. Adipalati, wua꞉ta epamde kokotapo mikadepe dle so opi pase kokalalimale so yia꞉ hete kustame tlalo alisisi some hallala. Adipalati, yia꞉tapo ipapele alisisi dloweye semte aiyalma tepo demdepo.

Hibulu 12:13

Epame wua꞉ta tlowe api ma woloma ka꞉depo dolepo himiya. Epelepiye, eta wua꞉ ko tle dolumtamala hopeyalimale so mape poteteyuluwa, amasiyama yia꞉ ma itiyamale halepe.

Bobotimatimale 2:14

Amasiyama na꞉ta wa꞉ dla poka꞉dena dle koko opi tlamuwaye, e wa꞉ watle atlowe solotama. Eye wua꞉ dulu dla Balamta imale koko dolumsiyamalalo soye me-ha꞉ha꞉po. Epedeme Balamta imale koko dolumalalo oplami hale Balaktapo amka꞉yapa Isalael so opaye eleme batalimale koko dulu dla tuluwapo. Epalati yia꞉tapo biskapa god dla halopili dlowe alisisi dlomha꞉ha꞉mama opa mate wola꞉ mate uhalomha꞉ha꞉mduwapo.