Loum 13:2 - Kamula

² Epedeme opa anawolotapo gamani yu dla heodlowe dla allimha꞉ha꞉ma꞉, yia꞉ mape God dla heodlowe allimha꞉ha꞉mama apopo. Epapele koko tle yia꞉ batalimale asiyama halepe.

Loum 13:2 Iomraidhean Croise

Ma꞉tiyu 23:13

“Epapedeme ka꞉e, aiyalma imalalo so mate epo Pa꞉lisi so mate, wua꞉ wuskamu sikemte pepeyalimalalo sopo! Wua꞉ yimkadulota Pepele di dla ulatuluweye api komha꞉ha꞉po. Epame wua꞉ muwolo edla po-ulatuwasemde. [

Maka 12:40

Yia꞉ epo isikimi elemale tle sepeyamataloye dodolomsalepame yia꞉ ayaye kokolahamdepo. Epame yia꞉tapo isikimi opata dallepo depame inoma sumale yuye sikemte seselemalli atlamdepo. Epedeme yia꞉ asiyama wotiyalle pato halepe.”

Ka꞉dle molo atlale yu Lukta ilimale 20:47

Yia꞉ epo isikimi elemale tle sepeyamataloye dodolomsalepame yia꞉ ayaye kokolahamdepo. Epame yia꞉ opa hapuloma inoma dali tle inoma sumale yu seselemalli atlamdepo. Epedeme yia꞉ asiyama wotiyalle pato halepe.”

Loum 13:1

Epapedeme ka꞉dena, opa hapulomatapo gamani so dla heodepame yia꞉ yu dla salladepo siyamoloweye. Adipalati, gamani so hapulomaye miyelo solotamale tle mo edla dokopala depo popopa꞉sema. Amasiyama Godtapo itiyamale hamilati yia꞉ mo edla dokopala depame popa꞉po.

Loum 13:3

Epapele dulu dla ka꞉ka꞉dle koko tlo halomha꞉ha꞉lalo sotapo gamani soye powowota꞉mha꞉ha꞉sema. Amasiyama batalimale koko halomha꞉ha꞉lalo sotapo gamani soye wowota꞉mha꞉ha꞉po. Epedeme wua꞉ gamani so powota꞉lalo ha꞉ha꞉lowa dlepiye, wua꞉ ka꞉dena, isikimi ka꞉ka꞉dle koko tlo halomha꞉ha꞉lepe. Epalati gamani sotapo wua꞉ natipame sisiyelepe.

Loum 13:5

Epedeme wua꞉ batalimale asiyama halala depame gamani dla heodepame yia꞉ yu dla salladepo siyamaiya. Adipalati, wua꞉malamana, koko eye ka꞉dle kokopo.

Loum 9:19

Epedeme oplami haletapo na꞉ watle ipo atlanatilowe sepena, “Godtapo meyelo opa opi dla mikadepe dlowe dla dupa kokalalimolowe koko hapimhalema dlepiye, ya꞉ ma adipammama opa ewoloye batalimale so depa꞉?”

Taites 3:1

Epedeme mikadepe dle so opa dla ipapele kokoye imhalane, yia꞉tapo yia꞉ omha꞉ha꞉lalo gamani dokopala so yu dla epame mo dokopala so yu dla heodemha꞉ha꞉lepo depame. Epammama yia꞉tapo ka꞉ka꞉dle koko halomolowe dla ma-dinapopo ha꞉ha꞉lepo depame.

Yeims 3:1

Mikadepe dle so namkadulo, na꞉ pase malamasema, wua꞉ta hapulomata imalalo so depo ha꞉ha꞉loweye. Adipalati, Godta koko gladle oloma dla imalalo so hapuloma di kokoye Godta sikemte kokalle mate gladlepe.

1 Pita 2:13

Epapedeme wua꞉ Lod yilo gamani dokopala oplami yu dla epo ya꞉ta taiya dle so opa yu dla salladepo siyamaiya. Adipalati, gamani sotapo yia꞉ opaye wua꞉ dla taiya demdepo, batalimale koko halomalalo so dla asiyama hapilipo depame. Epame ma ka꞉ka꞉dle koko tlo halomalalo so dla siyele hamilowedeme.