Loum 1:8 - Kamula

⁸ Epedeme mo hapuloma dulu dla opa hapulomatapo wua꞉ta mikadepe dle kokoye ma-dlalemtauwapo. Epapedeme na꞉tapo Yesu Keliso tle wua꞉ta hapuloma yilo God dla siyele yu atlemde.

Loum 1:8 Iomraidhean Croise

Ma꞉tiyu 24:14

Epedeme mo hapuloma dla opa hapulomata ikadepe koko dlallepo depame ka꞉dle yu Pepele dimo kokoye atlamtelepe. Epalati ka꞉dle yuye opa hapuloma dla ma-atlamtepo gudepo hallati ta꞉lamo mosukuluta edla woyamelepe.

Ka꞉dle molo atlale yu Lukta ilimale 2:1

Oloma edla Sisa Augustusta Loum mo dokopala depo halemama hi halalo so watle yu hamimama epo atlaiyo, “Wua꞉ tame Loum mo pato dulu dla opa hapuloma hi halomtelepe,” diyo.

Taiya dle so 11:28

Yia꞉ dulu dla oplami hale ya꞉ hi Agabusyo. Epapeleye ya꞉ta sila꞉time Hela꞉dle Sokota itiyamale tle halemama epo atlaiyo, “Ta꞉lamo pato hema kokalle kokota pumama dlowe alisisita pa꞉lepe,” diyo. (Epapeleye koko eta Sisa Kolodiyasta Loum mo patoye dokopala oplami halale oloma edla mo-puaiyo.)

Taiya dle so 28:22

Amasiyama di solotama, wa꞉ta imsela꞉ kokoye di watle atlamelepo depame. Adipalati, mo hapuloma dulu dla opata imale koko iye allimde,” duwa.

Loum 10:18

Epapele dulu dla Isalael soye adipapopa꞉? Yia꞉ ka꞉dle yu mo-daluwa? Yao, yia꞉ ma-dlaluwapo. Adipalati, God yu bukata epo atlapo, “Ka꞉dle yu hamsiyamalalo sotapo ka꞉dle yuye ta꞉lamo pato dla tame opa hapuloma dla ma-atlamtauwapo.”

Loum 16:19

Epapedeme mikadepe dle so opa hapuloma ma-yia꞉malamana, wua꞉tapo Lod dla sikemte mikadepe depame salladepo siyama kokoye. Epedeme epapele kokotapo na꞉ dla siyele hamimhalapo. Amasiyama na꞉ sikemte solotama, wua꞉ta isikimi ka꞉ka꞉dle koko siyapo halomolowe tlo malastepo ha꞉ha꞉mama asiyama ma batalimale koko halomolowe dla kokotipo ha꞉ha꞉lepo depame.

Loum 6:17

Epedeme wua꞉ye ka꞉yapa batalimale koko dla salladepame dolumsiyamduwapo. Amasiyama na꞉ God dla siyele yu atlema. Adipalati, ka꞉dle yuta wua꞉ dla pulati wua꞉tapo kikitilata hampame dolumha꞉ha꞉po.

1 Kolin 1:4

Godtapo Yesu Keliso tle wua꞉ dla bokotiyapo malamale hamiwa koko tle na꞉tapo alila hapuloma wua꞉ yilo God dla siyele yu atloweye pomelesemde.

2 Kolin 2:14

Epedeme di ka꞉dena, God hi di dla ta꞉demama hatlo ya꞉ dla siyele hamiloweye. Adipalati, Godtapo Keliso tle Saitenta itiyamaleye mo-yumuwapo. Epapele koko tle ditapo Keliso dulu dla ha꞉ha꞉lati Godtapo dia꞉ dla itiyamale hamimdepo. Epapedeme dita mo hadima tama꞉, edla Godtapo ka꞉dle yuye dia꞉ tle ullu ka꞉dle pamalalo alisisi some opa dla pasalalemtelepe.

Epeses 1:15

Epapedeme na꞉ta wua꞉ta Lod Yesu dla mikadepe dle koko mate epo wua꞉ta God ya꞉ opaye sikemte bokotiyapo malamha꞉ha꞉ koko mateye me-daluwa.

Epeses 1:16

Epedeme na꞉ wua꞉ yilo siyemama God dla inoma sumhalloweye pomelesemde.

Epeses 3:21

Epedeme ka꞉dena, ditapo sos dulu dla Yesu Keliso tle God dla siyele hamilowe kokotapo kokó elloweye. Koko eye ikadepepo.

Epeses 5:20

Epame wua꞉ alila hapuloma dulu dla koko hapuloma dla di Lod Yesu Keliso hi tle A God dla siyele yu atlamha꞉ha꞉iya.

Pilipi 1:11

Epame na꞉ ma inoma sumale yu hale himima, wua꞉tapo Keliso tle ka꞉ka꞉dle koko halomoloweta wua꞉ dla poposatilipo ha꞉ha꞉lati Godta natipo siyelepo depame.

Pilipi 1:3

Na꞉ alila hapuloma wua꞉ malapame God watle siyele yu atlemde.

Kolosi 1:3

Ditapo wua꞉ yilo inoma sumha꞉ha꞉mama di Lod Yesu Keliso ya꞉ A God dla siyele yu atlemde.

1 Tesalonika 1:2

Dita alila hapuloma wua꞉ yilo inoma sumama wua꞉ koko dla God dla siyele yu atlemde.

1 Tesalonika 2:13

Di ma God dla siyele yu atlema. Adipalati, wua꞉ta dita God yu atla dalepo hamama yu iye oplami tle puma pe-epo atlana. Amasiyama wua꞉ta yu iye ikadepe God tle puma depame woloma hauwapo. Epedeme God yu etapo mikadepe dle so wua꞉ dulu dla oko hamhalapo.

2 Tesalonika 1:3

Mikadepe dle so namkadulo, di ka꞉dena, wua꞉ta mikadepe dle koko mate ya꞉mkale bokotiyapo malamale koko mateta wua꞉ dulu dla ta꞉mtaye dita God dla siyele yu atlowe ka꞉pi.

2 Timoti 1:3

Timoti, na꞉ta wa꞉ malamama God dla sikemte siyele yu atlemde. Epame alila hapuloma mate utula꞉la hapuloma mate na꞉tapo wa꞉ yilo God dla inoma sumale yu atlemde. Epame na꞉ mamadulota God dla mikadepe depo puwaye, na꞉ ma hatlo yia꞉ God medla mikadepe depame ka꞉dle malamale mate ya꞉ oko hamhalema.

Palimon 1:4

Palimon, na꞉ta alila hapuloma inoma sumde dla wa꞉ ta꞉demama God dla wa꞉ yilo siyele yu atlemde.

Hibulu 13:15

Epedeme ka꞉dena, ditapo Yesu tle dita siyele kokoye God watle alila hapuloma namkale dle alisisi some hapimha꞉ha꞉lowa.

1 Pita 2:5

Epedeme wua꞉ mape Godta sesalemale pasakalo halemhala alumiti epapele some ha꞉hapo. Epapedeme wua꞉ God hala dla pumulaiya, ya꞉tapo ya꞉ aiyalma ayaye wua꞉ tle halepo depame. Epame wua꞉ mape aya dulu edla ha꞉ha꞉mama God ka꞉ epo opa ka꞉ duka dla ha꞉ha꞉mama God oko hamha꞉ha꞉po. Epedeme wua꞉ta Keliso dulu dla ha꞉ha꞉mama God oko hamha꞉ha꞉ye, etapo God dla namkale dle alisisi hamili epapele some halapo. Epedeme koko edla Godta sikemte siyemhalapo.

1 Pita 4:11

Epapedeme Godta wa꞉ dla ya꞉ yu atlowe oko hamili hallepiye, wa꞉ woloma God yuye atlamsela꞉ne. Epame wa꞉ dla yimkadulo gadlowe oko hamili hallepiye, wa꞉ woloma Godta itiyamale tle yimkaduloye gademhalane. Epapedeme ipapele koko hapuloma dulu dla wua꞉tapo woloma ka꞉depo halomha꞉ha꞉lepiye, koko eta Yesu Keliso tle God hiye di dla ta꞉dlepe. Epapedeme itiyamale mate epo hela꞉dle mateta ya꞉ dla kokó elepo ellepe. Koko iye ikadepepo.