Loum 1:18 - Kamula

¹⁸ Epedeme Godtapo Pepele dimo tle ya꞉ta siyaladle kokoye batalimale koko halomha꞉ha꞉lalo so hapuloma dla nati-imhalapo. Adipalati, epapele sota yia꞉ta batalimale koko halomha꞉ha꞉ta ikadepe kokoye hemele hahatimyomha꞉ha꞉po.

Loum 1:18 Iomraidhean Croise

Loum 1:19

Amasiyama epapele sotapo yiskamu yia꞉ye God yeitamale so dloweye po-ala꞉na. Adipalati, yia꞉tapo ta꞉lamo hema Godta mimita꞉ple alisisi hapuloma tlamatapo yia꞉ dla Godta ikadepe hala kokoye mo-botomastamdepo. Epame yia꞉ta God ponatilalo wekele tlope, asiyama yia꞉tapo ya꞉ye ikadepe God demama ya꞉ta itiyamaleta kokó ela ma haliyamale dla natilipe. Adipalati, ta꞉lamo kotiyamale tle pumama Godtapo ya꞉skamu ya꞉ta ikadepe hala kokoye opa hapuloma dla ya꞉ta mimita꞉ple alisisi tle ma-nati-impuwapo. Epapedeme opatapo yiskamu yia꞉ye God yeitamana dloweye po-ala꞉na.

Loum 1:28

Epedeme opatapo God kokoye sikemte welilati asiyama Godtapo yia꞉ye batalimale koko momalamale dulu medla ha꞉ha꞉lepo depame me-pomoluwapo. Epapele koko tle yia꞉ dla batalimale koko opata pohaleli dle koko halomoloweta yia꞉ dulu dla me-elapo.

Loum 1:32

Epapedeme Godtapo ipapele koko halomha꞉ha꞉lalo soye yia꞉ batalimale asiyama dla pallipe duwaye me-yia꞉malamana. Amasiyama yia꞉ mepapele batalimale koko me-halomha꞉ha꞉mama ma yimkadulo watle, “wua꞉ ma halomha꞉ha꞉iya,” demha꞉ha꞉po.

Loum 2:3

Epedeme wa꞉ta yimkadulo koko glademhalemama ma hemele batalimale koko hatlo meye halomhallepiye, wa꞉ adipo Godta kasilamale tle alikili dla haodepa꞉?

Loum 3:9

Epapedeme di Yu so dia꞉ tlo ka꞉ka꞉dle so depo ha꞉ha꞉mama po-Yu so tlo batalimale so depo ha꞉ha꞉ma꞉? Hao, pe-epapena. Epapele dulu dla na꞉tapo wua꞉ watle ma-atlamuwapo, Yu so mate epo po-Yu so mate dita yimkata batalimale dulu dla me-ha꞉ha꞉po.

Loum 4:15

Adipalati, aiyalma kokotapo aiyalma postlalo so dla Godta kasilamaleye hampumdepo. Amasiyama aiyalma kokota pe-ellalo wekematiye, opata adipo aiyalma postamha꞉ha꞉pa꞉?

Loum 5:6

Epedeme ditapo diskamu gadlowe po-ala꞉lalo wekele dulu dla ha꞉ha꞉lati Kelisota di gadlowe alila ka꞉dle dla mo-puwapo, batalimale so dia꞉ yilo polowedeme.

Loum 5:9

Epapedeme dia꞉ye Keliso omali tle God mila꞉pi tle mo-ullu pa꞉talo so duwa deme Kelisotapo dia꞉ye Godta siyaladle tle alikili dla eleme woyamelepe.

Loum 6:13

Epame wua꞉ Saiten ya꞉ oko so dlala depame wua꞉ motoye batalimale koko halomolowe dla hatitimiya. Amasiyama wua꞉ motoye ka꞉ka꞉dle koko halomolowe dla God watle halopiya. Ame adipalati, Godtapo wua꞉ye palli tle ma pasakalo ha꞉ha꞉lowe dla ta꞉ta꞉duwapo.

Epeses 5:6

Epapedeme ipapele koko dla oplami haleta wua꞉ye mala-atla demha꞉ha꞉miya. Adipalati, batalimale koko hapuloma ipapele tle Godta kasilamale kokotapo ya꞉ yu dla posalladlalo wekele so dla puapo.

Kolosi 3:6

Epapedeme Godta siyaladletapo batalimale koko hapuloma i halomha꞉ha꞉lalo so dla pulupe.

2 Tesalonika 2:10

Ya꞉tapo epamsela꞉mama batalimale api tle alikili soye elemale mate hohomelepe. Epalati yia꞉tapo dulu edla mosukulu pallipe. Adipalati, yia꞉tapo yia꞉ watle pasakalo hamilowe yu dla allimama pohana.

2 Tesalonika 2:6

Amasiyama wata oloma hema humatla podallalo wekelalo oplamita puluwe api himomeleme hala kokoye mo-wua꞉malamana. Adipalati, ya꞉ta woloma ya꞉ alila ikadepe dla pulupo depame ya꞉ apiye ala himomeleme halapo.