Kolosi 3:11 - Kamula

¹¹ Epedeme amko koko dulu hema opa duka hukulliye hawa. Epapedeme Yu so mate epo po-Yu so mateye ma ma-hatlopepo. Epame kapala kotimale so mate epo kapala pokotimalalo wekele so mateye ma-hatlopepo. Epame yu meyelope meyelope dle so mate epo mo pateka꞉mu dla ha꞉ha꞉lalo so mate ma ma-hatlopepo. Epame asiyama pa꞉le dla oko halomalalo so mate epo yia꞉ dokopala so mate ma ma-hatlopepo. Adipalati, hatlo Kelisota koko pato halapo. Epame ya꞉tapo mikadepe dle so hapuloma dulu dla halapo.

Kolosi 3:11 Iomraidhean Croise

Ka꞉dle molo atlale yu Yonta ilimale 14:23

Amasiyama Yesutapo asiyama epo atlaiyo, “Oplami antapo na꞉ye sikemte malahallepiye, ya꞉ na꞉ta imale koko dla ma salladepo sela꞉lepe. Epalati na꞉ Atapo ya꞉ye sikemte bokotiyapo malamhallepe. Epame na꞉ mate epo na꞉ A mate ya꞉ hala dla puame yimkata ya꞉ mate ha꞉ha꞉lepe.

Ka꞉dle molo atlale yu Yonta ilimale 15:5

Epedeme na꞉ye dlomoko dalipo. Epalati wua꞉tapo dlo ha꞉ha꞉po. Epapele dulu dla oplami antapo na꞉ dla puame gugoudepo hallepiye, na꞉ mape ya꞉ mate gugoudepo hallowepo. Epame ya꞉ dlomoko ma sikemte milipe. Amasiyama wua꞉ na꞉ dimi ha꞉ha꞉lepiye, wua꞉ isikimi koko pa꞉le ha꞉ha꞉lepe.

Ka꞉dle molo atlale yu Yonta ilimale 17:23

Epame na꞉tapo yia꞉ dulu dla halapo, epame wa꞉ mape na꞉ dulu dla halapo. Dita epo ha꞉ha꞉ koko tle yia꞉ mape ikadepe yimkata hatlope depo ha꞉ha꞉lepe. Epalati ta꞉lamo sotapo e natipame na꞉ye ikadepe wa꞉ta tane dena depo malamelepe. Epame wa꞉ta na꞉ye sikemte bokotiyapo malamhalaye, epammama ta꞉lamo sotapo wa꞉ta mikadepe dle so ma sikemte malahala kokoye malanatilipe.

Taiya dle so 15:17

Epedeme na꞉ta sisilamale po-Yu so opa hapulomatapo na꞉ye totamelepe.

Taiya dle so 28:2

Di edla puame woyamalati mo so edla ha꞉ha꞉lalota dia꞉ye woloma gaduwa. Amasiyama oloma edla tiyo ma helemhalademe mo sota dita dlapa tilimoloweye mo-mipo ha꞉ha꞉uwa.

Taiya dle so 28:4

Epalati mo sota ilamata ya꞉ do dla yeleme ella natipo yimkadulo watle epo atlamyeuwa, “Oplami iye ya꞉mkale yumulalo oplami mle. Adipalati, ya꞉ kaula duka tle pumama popowana. Epedeme ya꞉ wata batalimale asiyama hamama ilama yelepo. Epapedeme ya꞉ wata polope,” demyeuwa.

Loum 1:14

Epedeme na꞉ dla solotamale pato elema, mo patoto dulu dla ha꞉ha꞉lalo so dla epo dalupa dulu dla ha꞉ha꞉lalo so dla ka꞉dle yu atloweye. Epame koko malamale so dla epo koko yeitamale so dla ka꞉dle yu atlowe ma solotamale pato elema.

Loum 10:12

Ipapele koko dulu dla di natipo, Yu so mate epo po-Yu so mateye ma-hatlopepo. Adipalati, di Lod ma hatlopepo. Epapele koko tle ya꞉tapo ya꞉ watle otele himha꞉ha꞉ so dla ka꞉ka꞉dle koko hapuloma halopimhalapo.

Loum 3:22

Epedeme dita Lod Yesu Keliso dla mikadepe dlati asiyama Godtapo dia꞉ye ullu pa꞉talo so demhalapo. Epapedeme dita hapuloma Yu so mate epo po-Yu so matetapo api hatlo itle pasakalo halomelepe.

Loum 3:29

Epapele dulu dla di natipo, Godye hatlo Yu so yia꞉ God pohalasema. Amasiyama ya꞉ ma po-Yu so yia꞉ God halapo.

1 Kolin 12:13

Epedeme dita hapulomaye Keliso moto hatlope dulu dla u-ulalimale meyelope meyelope depo ha꞉ha꞉po. Epele dulu dla opi dia꞉ye Yu sopo, epalati opiye po-Yu sopo, epalati opiye asiyama pa꞉le dla oko halomalalo sopo, epalati opiye yia꞉ dokopala sopo. Amasiyama dita yú tutula꞉uwa oloma edla Hela꞉dle Soko hatlope tle dita hapulomaye moto hatlope dla ma gugoudlalimuwapo. Epame Hela꞉dle Sokoye dia꞉ watle yú some olostlati dita hapulomatapo Hela꞉dle Soko eye mo-dlomuwapo.

1 Kolin 14:11

Epedeme oplami haletapo isikimi ya꞉ yu mate na꞉ dla yukamelepiye, na꞉ adipo ya꞉ yuye maladalepa꞉? Epapele koko tle na꞉tapo ya꞉ yu yeliyemama oplami e watle yu meyelope oplami dlepe. Epalati asiyama ya꞉ mape na꞉ watle yu meyelope oplami dlepe.

1 Kolin 7:19

Adipalati, kapala kestlowe koko mate epo kapala pokestlalo wekelowe koko mateta koko pato pohalasema. Amasiyama isikimi Godta molo atlale yu dla dolumhallowe tlo koko patopo.

Galasiya 2:20

Epapele koko tle na꞉ta mikadepe duwatapo Yesuta dali yekelemhimili di dla pouwaye na꞉ ma epapuwapo. Epapedeme wata na꞉ta pohalasema. Amasiyama Kelisotapo na꞉ dulu dla halapo. Epapedeme na꞉tapo God Yami dla mikadepe dle tle watapo na꞉ moto ikadepe i mate halema. Ya꞉tapo na꞉ye sikemte bokotiyapo malapame na꞉ yilo ya꞉ pasakaloye polowe dla himiwapo.

Galasiya 5:6

Epele dulu dla kapala kotimolowe koko mate epo kapala pokotimalalo wekelowe koko mateta Keliso dulu dla koko pato pohalasema. Amasiyama mikadepe dle tle yimkadulo bokotiyapo malamolowe koko tlo pato halapo.

Epeses 1:23

Epapedeme sosye Keliso ya꞉ motopo. Epedeme sostapo Keliso tle pasakalo hapulomaye halomhalapo. Epalati Kelisotapo mo hapuloma dulu dla koko hapuloma dla pasakalo hapilalo halapo.

Epeses 2:14

Ka꞉yapa Yu so mate epo po-Yu so mate yimkadulo asiyama ele asiyama ele dle dulu dla ha꞉ha꞉uwapo. Adipalati, Yu so aiyalma kokotapo yia꞉ mate epo po-Yu so mate dulu dla duka gladle eluwapo. Amasiyama Kelisota powale koko tle Yu so aiyalma koko hapulomaye mo-dokostamama ya꞉mkale ellewe kokota komale some haluwa ma mo-dokostauwapo. Epedeme Yu so mate epo po-Yu so mateye Kelisotapo ma-yimkata ma-hatlope depame mo-opa amko duwapo. Epame sadle kokoye yia꞉ dla hampuwapo. Adipalati, Kelisoye di sadlepo.

Epeses 3:17

Epame na꞉ ma inoma sumale yu hale himima, wua꞉ta mikadepe dle tle Kelisotapo wua꞉ dupa dulu dla hallepo depame. Epame wua꞉tapo ya꞉ta bokotiyapo malamale koko dulu dla kokalalipo ha꞉ha꞉lepo depame.

Epeses 3:6

Epapedeme Godta hemele dinapopo himili ya꞉ dulu kokoye ipo elapo. Po-Yu so wua꞉tapo ka꞉dle yu dla mikadepe depame Keliso dulu dla ha꞉ha꞉ kokotapo Yu so mate yimkata God ya꞉ akimlala depo ha꞉ha꞉po. Epame ka꞉yapa Godtapo Yu so dla yu itiyapo hatitimuwa koko hapulomaye wua꞉ ma e halomelepe.

Epeses 6:8

Adipalati, wua꞉malamana, Lodta opa hapuloma, asiyama pa꞉le dla oko halomalalo so mate epo yia꞉ dokopala so mate dla yia꞉ta ka꞉ka꞉dle koko halomha꞉ha꞉le yia꞉ asiyama mate ala꞉leye halopilipe.

Kolosi 2:10

Epapedeme wua꞉ Keliso dulu dla ha꞉ha꞉lepiye, wua꞉ dla koko haletapo pokiyepo halasema. Epedeme hatlo ya꞉tapo itiyamale soko hapulomaye dokopala depo halemama omhallalo halapo.

1 Yon 5:20

Epame di ma dimalamana, God Yamitapo mo-puwapo. Epame ya꞉tapo di watle ka꞉depo malamaleye ma-hamiwapo, ditapo ikadepe God koko tlo malastlepo depame. Epedeme ditapo ikadepe God mate epo Yami Keliso mate hatlope depo ha꞉ha꞉po. Epedeme Yesuye ikadepe Godpo. Epapedeme ya꞉ dla halepo halepo hallowe pasakalo kokoye elapo.

2 Yon 1:9

Amasiyama oplami antapo Kelisota imale dulu dla pohallalo ma imale hale dla hallepiye, ya꞉ye God mate pohalasema. Amasiyama oplami antapo Kelisota imale dulu dla halema꞉, ya꞉ye A God mate Yami mate hatlope depo halapo.