Ka꞉dle molo atlale yu Yonta ilimale 8:11 - Kamula

¹¹ Epalati asiyama a꞉ya eta Yesu watle epo atlaiyo, “Hao, oplami hale popomelena. Yia꞉ta hapulomata mosukulu pota,” diyo. Epapalati Yesutapo ya꞉ watle epo atlaiyo, “Na꞉ mape wa꞉ watle batalimale asiyama pohamilowa. Epedeme wa꞉ ma-tane. Amasiyama wa꞉ batalimale koko matle halomhalemiyo,” diyo.]

Ka꞉dle molo atlale yu Yonta ilimale 8:11 Iomraidhean Croise

Ka꞉dle molo atlale yu Lukta ilimale 13:3

Hao, pe-epapena. Amasiyama wua꞉ta wua꞉ bobtalimale tle malamale meyelope depame God dla poheheletimalalo wekelepiye, wua꞉ ma mepapelepe.

Ka꞉dle molo atlale yu Lukta ilimale 13:5

Hao, pe-epapena. Amasiyama wua꞉ta wua꞉ bobtalimale tle malamale meyelope depame God dla poheheletimalalo wekelepiye, wua꞉ ma mepapelepe.”

Ka꞉dle molo atlale yu Lukta ilimale 15:10

Epapedeme na꞉ wua꞉ watle mikadepe koko atlema. God mila꞉pi tle batalimale oplami hatlopetapo ya꞉ batalimale tle malamale meyelope depame ma God hala dla helestlepiye, God ya꞉ banakaka so Pepele di dla ha꞉ha꞉tapo siyele pato ta꞉dlepe.”

Ka꞉dle molo atlale yu Lukta ilimale 15:32

Amasiyama watapo dita sisiyelowe ka꞉pi. Adipalati, wa꞉ ei yemala iye mo-pouwa tlope ma pasakalo dlepo. Epame mo-haoduwa tlope ma wata ma-natilipo,’ diyo.”

Ka꞉dle molo atlale yu Lukta ilimale 15:7

Epapedeme na꞉ wua꞉ watle mikadepe koko atlema. Pepele dimo dla 99 ka꞉ka꞉dle so koko dla siyele kokota me-elapo. Amasiyama batalimale oplami hatlota ya꞉ batalimale tle malamale meyelope depame ma God hala dla helestlepiye, Pepele dimo dla sikemte siyele patota ellepe.”

Ka꞉dle molo atlale yu Lukta ilimale 5:32

Epapedeme na꞉ta puwaye, ka꞉ka꞉dle soye sisilamolowedeme popuana. Amasiyama bobtalimale sota yia꞉ bobtalimale tle ma heheletimelepo depame puwapo,” diyo.

Ka꞉dle molo atlale yu Lukta ilimale 9:56

Epame yia꞉ ma mo hale dla tamalaiyo.

Ka꞉dle molo atlale yu Yonta ilimale 18:36

Amasiyama Yesutapo asiyama epo atlaiyo, “Na꞉ta dokopala depo hallowe kokotapo ta꞉lamo itle populuwa. Epapele dulu dla na꞉ motapo ta꞉lamo hema elaleta ammatiye, Yu sotapo na꞉ye yumuluwedeme hamalala depame na꞉ alotle tlalo sotapo na꞉ yilo nalatimelemla. Amasiyama na꞉ta dokopala depo hallowe kokotapo ta꞉lamo itle populuwa.”

Ka꞉dle molo atlale yu Yonta ilimale 3:17

Epapedeme Godtapo Yami ta꞉lamo hema tulune duwaye, ta꞉lamo so batalimale asiyama hamilipo depo po-apena. Amasiyama ta꞉lamo sota ya꞉ tle pasakalo gadle halepo depame tulune duwapo.

Ka꞉dle molo atlale yu Yonta ilimale 5:14

Alotle Yesutapo oplami eye aiyalma aya dla pollati natipame ya꞉ watle epo atlaiyo, “Wa꞉ natine, wa꞉ wata ma-ka꞉dlepo. Epedeme wa꞉ matle batalimale koko halomsela꞉miyo. Wa꞉ matle batalimale koko halomsela꞉lepiye, koko batalimale patota ma wa꞉ dla woyamalala,” diyo.

Ka꞉dle molo atlale yu Yonta ilimale 8:15

Epedeme wua꞉ ta꞉la sota yimkadulo koko glademde api tle koko glademdepo. Amasiyama na꞉ ya꞉mkale koko pogladesemde.

Loum 2:4

Amasiyama Godtapo wa꞉ta malamale meyelope dlepo depame wa꞉ye polowamama sadle mate wa꞉ omhalapo. Amasiyama wa꞉ ya꞉ta namkale dle koko eye pokoko desema. Adipalati, wa꞉ powa꞉malamata꞉, Godta namkale dle kokotapo wa꞉ye seme ya꞉ hala dla ta kokoye.

1 Kolin 5:12

Epedeme alikili so koko gladloweye pona꞉ koko. Adipalati, hatlo Godtapo yia꞉ kokoye gladlepe. Amasiyama mikadepe dle so alumale wua꞉ dla itiyamale elapo, wua꞉ dulu dla oplami haleta batalimale koko halati ya꞉ koko gladloweye. Adipalati, God yu bukata epo atlapo, “Batalimale koko halomalalo oplami wua꞉ dulu dla halaye alikili dla dodolomaiya,” depo.

2 Pita 3:15

Epedeme wua꞉ koko iye woloma malamaiya. Lodye opata pasakalo gadlowe halepo depame sadle mate yia꞉ye ala me-omhalapo. Epedeme diamkale Polo mape koko hatlo hema Godta ya꞉ dla ka꞉dle malamale hamili mate wua꞉ watle me-ilalipo hamiwapo.