Ka꞉dle molo atlale yu Yonta ilimale 4:3 - Kamula

³ Epeleye Yesutapo Pa꞉lisi sota ya꞉ koko mo-malamale koko dalepame Yudiya mo saliyome ma Ga꞉lili mo dla ilame taiyo.

Ka꞉dle molo atlale yu Yonta ilimale 4:3 Iomraidhean Croise

Ma꞉tiyu 10:23

Epedeme wua꞉ opata wua꞉ dla wotiyalle hamilati ma etle mo hale dla potlepe. Epame ma mo edla ha꞉ha꞉lalo sota wua꞉ dla wotiyalle hamilati wua꞉ ma mo hale dla pota demsiyamelepe. Amasiyama na꞉ ikadepe koko wua꞉ watle atlema. Wua꞉ ala mepamsiyamalati Opa Yamita medla me-pulupe.

Maka 3:7

Yesu ya꞉ alotle tlalo so mate Ga꞉lili kaula dla tlati opa hapulomata ya꞉ dolumtaiyo. Opa hapuloma iwoloye mo meyelope meyelope dle itle pumulaiyo, opita Ga꞉lili tle epo Yudiya tle epo Yelusalem tle epo Idumiya tle epo Yoden aloma seme dla ha꞉ha꞉lalo mo tle epo Taya mate epo Saidon mate epame mo e mateka꞉pi dla ha꞉ha꞉lalo mo tle. Epedeme opa hapulomata Yesuta koko hamsela꞉le dlalepame mo meyelope meyelope dle itle Yesu hala dla pumulaiyo.

Ka꞉dle molo atlale yu Lukta ilimale 17:11

Yesu ala Yelusalem dla tamama Ga꞉lili ka꞉ epo Samaliya ka꞉ duka dla taiyo.

Ka꞉dle molo atlale yu Yonta ilimale 1:43

Epame ma alila haleta Yesu ya꞉ solotamaiyo, ma Ga꞉lili dla tlowedeme. Epapele oloma dla ya꞉ oplami hale Pilipi umpame ya꞉ watle epo atlaiyo, “Wa꞉ na꞉ dolumpuane,” diyo.

Ka꞉dle molo atlale yu Yonta ilimale 10:40

Epame Yesu ma ilame Yoden aloma ulume taiyo, Yontapo ka꞉yapa opa yú dla ka꞉ka꞉timhalale mo dla. Ya꞉ edla tame hallati opa hapulomatapo ya꞉ hala dla puame ha꞉ha꞉mama yiskamu yia꞉ dulu dla epo atlamyaiyo, “Yonye ulugiyemale koko pohalomsela꞉mdena. Amasiyama ya꞉tapo Yesu koko atlamsela꞉mduwa hapulomaye ikadepe mleni,” demyaiyo.

Ka꞉dle molo atlale yu Yonta ilimale 11:54

Epapele koko tle Yesuta matle Yu so mila꞉pi tle haliyamale dla posela꞉mdiyo. Amasiyama ya꞉ye etle ma dalupa mateka꞉pi dla mo yemala hale, Eplaim demdiye, edla ya꞉ alotle tlalo so mate tame halaiyo.

Ka꞉dle molo atlale yu Yonta ilimale 2:11

Epedeme Ga꞉lili mo pato dulu dla Ka꞉na mo yemala dla Yesutapo ka꞉yapa itapu ulugiyemale koko nati-imama ya꞉ta hela꞉dle mate nati-iyo. Epalati ya꞉ alotle tlalo sotapo koko e natipame ya꞉ dla mikadepe diyo.

Ka꞉dle molo atlale yu Yonta ilimale 3:22

Epame matle koko ita tame gudlati Yesutapo ya꞉ alotle tlalo so mate Yelusalem meleme ma Yudiya mo seme dla tamalaiyo. Yia꞉ edla tame ha꞉ha꞉mama opaye yú dla ka꞉ka꞉timaiyo.

Ka꞉dle molo atlale yu Yonta ilimale 3:32

Ya꞉ ya꞉ta tlamale koko mate epo dlalle koko mate ma-atlamdepo. Amasiyama oplami haletapo ya꞉ yu pohasemde.

Ka꞉dle molo atlale yu Yonta ilimale 4:47

Epapeleye gamani oplami etapo Yesuta Yudiya mo tle ma Ga꞉lili mo dla puale koko dalepame Yesu hala dla taiyo. Ya꞉ tame Yesu watle epo atlaiyo, “Na꞉ maseyemalaye esiyemhalemama mo-pola yakomelema. Epedeme wa꞉ puame na꞉ maseyemalaye ka꞉dene,” diyo.

Ka꞉dle molo atlale yu Yonta ilimale 7:1

Epedeme koko ita tame gudlati Yesutapo Yudiya mo dla sela꞉la alimama ma isikimi Ga꞉lili mo dla sela꞉iyo. Adipalati, Yudiya mo edla Yu so dokopala sotapo Yesu yumuluwe api totamsiyamaiyo.